ហាណូយ ៖ តាមការឲ្យដឹងពីក្រសួងឧស្សាហកម្មនិងពាណិជ្ជកម្ម ប្រទេសវៀតណាមសម្រេចបាននូវចំណូលពីការនាំចេញអង្ករទៅអាហ្វ្រិកកើនឡើងដ៏ប្រសើរបំផុតឆ្នាំនេះ ហើយកម្លាំងរុញច្រាននេះនឹងអាចរក្សាបាននូវស្ថិរភាពទីផ្សារឬរើបឡើងវិញក្នុងរយៈពេលពេញមួយឆ្នាំផងដែរ ។
នាយកដ្ឋានទីផ្សារអាស៊ីភាគនិរតីនិងអាហ្វ្រិកក្រោមចំណុះឲ្យក្រសួងខាងលើកំពុងបង្កើតគម្រោងនាំចេញអង្ករទៅកាន់ទីផ្សារអាហ្រិ្វកដើម្បីជួយជំរុញជំនួញនាំចេញទៅក្នុងទីផ្សារដ៏មានសក្តានុពលមួយនេះ ។
ក្រៅពីតម្លៃនិងគុណភាពថ្នាក់កណ្តាល ក្រសួងបានកែសម្រួលឬណែនាំដល់បណ្តាអ្នកនាំចេញទាំងឡាយឲ្យប្រុងប្រយ័ត្នចំពោះអង្ករក្រអូប និងអង្ករគុណភាពខ្ពស់ផ្សេងៗ ពីព្រោះតម្រូវការសម្រាប់ពពួកអង្ករប្រភេទនេះក៏មានអត្រាខ្ពស់ដែរក្នុងតំបន់អាហ្រិ្វក ។
ម្យ៉ាងទៀតតំបន់អាហ្វ្រិកបច្ចុប្បន្នគឺជាទីផ្សារអ្នកប្រើប្រាស់អង្ករច្រើនជាងគេបំផុតលើពិភពលោក ជាមួយនឹងតម្រូវការ៩លានតោនក្នុង១ឆ្នាំ ក្នុងនោះបាននាំចូលប្រមាណជា៦,៤ទៅ៦,៥លានតោនប៉ុណ្ណោះ ៕
ចែករំលែកព័តមាននេះ