ខេត្តកំពង់ចាម ៖ ផ្សារថ្មគោល ជាសមិទ្ធិផលថ្មីសន្លាងមួយដែលមានទីតាំងស្ថិតនៅភូមិចុងថ្នល់ទី២ ក្នុងសង្កាត់បឹងកុក ក្រុងកំពង់ចាម ត្រូវបានដាក់សម្ពោធឱ្យប្រើប្រាស់ កាលពីថ្ងៃទី២៨ តុលា ២០១៣ កន្លងមក ដែលនៅក្នុងផ្សារនោះ មានតូបដល់ទៅរាប់រយឯណោះ
ខេត្តកំពង់ចាម ៖ ផ្សារថ្មគោល ជាសមិទ្ធិផលថ្មីសន្លាងមួយដែលមានទីតាំងស្ថិតនៅភូមិចុងថ្នល់ទី២ ក្នុងសង្កាត់បឹងកុក ក្រុងកំពង់ចាម ត្រូវបានដាក់សម្ពោធឱ្យប្រើប្រាស់ កាលពីថ្ងៃទី២៨ តុលា ២០១៣ កន្លងមក ដែលនៅក្នុងផ្សារនោះ មានតូបដល់ទៅរាប់រយឯណោះដោយចំណាយទុនអស់ជាង១លានដុល្លារ ។
តែរហូតមកដល់វេលាព្រឹកថ្ងៃទី១៥ ឧសភា ២០១៥ នេះ គេសង្កេតឃើញមានតែ១តូបប៉ុណ្ណោះ ដែលកំពុងតែបើកសេវាកម្មផ្នែកជួសជុលម៉ាញ៉េ និងទូរទស្សន៍ ។
លោកសុខ ចាន់ អាយុ៣៤ឆ្នាំ ជាងជួសជុលគ្រឿងអេឡិចត្រូនិក មានទីលំនៅក្នុងភូមិថ្មគោល ឃុំរអាង ស្រុកកំពង់សៀម បានប្រាប់ឱ្យដឹងថា នៅពេលដែលឃើញផ្សារថ្មគោលបានដាក់សម្ពោធឲ្យប្រើប្រាស់ជាផ្លូវការ គឺគាត់មានភាពសប្បាយរីករាយណាស់ ដោយបានមកជួលតូបនៅខាងក្រៅផ្សារក្នុងតម្លៃ៤០ដុល្លារក្នុង១ខែ បើកជួសជុលម៉ាញ៉េ និងទូរទស្សន៍ ។ មកដល់ពេលនេះ គឺបានជាង១ឆ្នាំហើយ សម្រាប់យកថវិកាទៅដោះស្រាយជីវភាពគ្រួសារ ។
លោកបន្តថា ក្នុង១ថ្ងៃជាមធ្យមអាចរកកម្រៃបានពី៤ ទៅ៥ម៉ឺនរៀល បើសិនជាធ្វើដាច់បានលើសពីនេះទៅទៀត តែគាត់មានចម្ងល់ដែរ មិនដឹងថាយ៉ាងម៉េចនោះទេ បានជាផ្សារនេះសម្ពោធយូរហើយ មិនឃើញមានមនុស្សមកជួលលក់ដូរនៅក្នុងផ្សារ ដូចផ្សារផ្សេងៗសោះ ។ លោកបន្តទៀតថា លោកមានបំណងចង់ឱ្យផ្សារថ្មគោលនេះ ដំណើរការទៅមុខ ចំណូលនឹងអាចរកបានច្រើនជាងនេះ តែបើស្ងាត់ជ្រងំបែបនេះ នឹងមិនយូរទេ ត្រូវតែផ្លាស់ប្តូរទៅរកទីប្រជុំជនណាមួយក្នុងក្រុងកំពង់ចាមវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ