ADផ្ទាំងផ្សព្វផ្សាយពាណិជ្ជកម្ម

Picture

ចាប់​ចិន​2​នាក់​​នៅ​សណ្ឋាគារ​ឆាង​ឆឹង ក្រោយ​ប្រព្រឹត្ត​បទ​ល្មើស​

11 ខែ មុន
  • ព្រះសីហនុ

ខេត្ត​ព្រះ​សីហ​នុ ៖ លោក​ឧត្តមសេនីយ៍ឯកឡឹ​ក វណ្ណៈ នាយក​មន្ទីរ​ប្រឆាំង​គ្រឿងញៀន បាន​ថ្លែង​ឲ្យ​​ដឹង​ថា តាម​អនុសាសន៍​របស់​នាយ​ឧត្តមសេនីយ៍ ម៉ក់ ជី​តូ អគ្គស្នងការ​រង​នគរបាល​ជាតិស្តី​ពី​​ការ​បង្ក្រាប​គ្រឿងញៀន​ក្រោម​រូបភាព​ដូច​ភ្លៀងរលឹម​នោះ…

ខេត្ត​ព្រះ​សីហ​នុ ៖ លោក​ឧត្តមសេនីយ៍ឯកឡឹ​ក វណ្ណៈ នាយក​មន្ទីរ​ប្រឆាំង​គ្រឿងញៀន បាន​ថ្លែង​ឲ្យ​​ដឹង​ថា តាម​អនុសាសន៍​របស់​នាយ​ឧត្តមសេនីយ៍ ម៉ក់ ជី​តូ អគ្គស្នងការ​រង​នគរបាល​ជាតិស្តី​ពី​​ការ​បង្ក្រាប​គ្រឿងញៀន​ក្រោម​រូបភាព​ដូច​ភ្លៀងរលឹម​នោះ កាលពី​វេលា​ម៉ោង​ប្រមាណ​៩និង​៣០​នាទី​យប់​ថ្ងៃ​ទី​២៣ ខែតុលា ឆ្នាំ​២០២០ កន្លង​ទៅ កម្លាំង​នគរបាល​ការិយាល័យ​ទី​៤ នៃ​មន្ទីរ​ប្រឆាំង​​គ្រឿងញៀន ដឹកនាំ​ដោយ​លោក​ឧត្តមសេនីយ៍ទោ ឃឹ​ង សា​រ៉ាត់ នាយករង​មន្ទីរ ក្រោម​ការ​សម្របសម្រួល​ពី​ស្ថាប័ន​អយ្យការ​អម​សាលាដំបូង​ខេត្ត បាន​ធ្វើការ​ស្រាវជ្រាវ​និង​ចុះ​បង្ក្រាប​ករណី​​រក្សា​ទុក និង​ជួញដូរ​គ្រឿងញៀន​១​ករណី នៅ​សណ្ឋាគារ​ឆាង​ឆឹង ស្ថិត​ក្នុងភូមិ​៣ សង្កាត់​លេខ​៤ ក្រុងព្រះសីហនុ ។

Picture

លទ្ធផល​នៃ​ការ​បង្ក្រាប​នេះ បាន​ឃាត់ខ្លួន​ជនសង្ស័យ​ជា​ជនជាតិ​ចិន​២​នាក់ ម្នាក់​ឈ្មោះ Huang Xiao Hui ភេទ​ប្រុស អាយុ​៣០​ឆ្នាំ និង​ម្នាក់​ទៀត​ឈ្មោះ Hu Jun ភេទ​ប្រុស អាយុ​២៩​ឆ្នាំ ។ ជា​មួយនឹង​ការ​ចាប់​ឃាត់ខ្លួន​នេះ សមត្ថកិច្ច​បាន​ចាប់​យក​វត្ថុ​តាង​សារធាតុ​ញៀន​ប្រភេទ​មេ​តំ​ហ្វេ​តា​មីន​(ICE) និង​មេ​តំ​ហ្វេ​តា​មីន​គ្រាប់​ (WY) មាន​ទម្ងន់​សុទ្ធ​៩២២,២​ក្រាម​(​ជិត​១​គីឡូក្រាម​) ។

លោក ឡឹ​ក វណ្ណៈ បន្ត​ថា ដោយ​មានការណែនាំ​ជា​ប្រចាំ​ពី​នាយ​ឧត្តមសេនីយ៍​អគ្គស្នងការ​រង​នគរ​បាល​ជាតិ កម្លាំង​មន្ទីរ​ប្រឆាំង​គ្រឿងញៀន បាន​សហការ​ជាមួយ​ស្នងការដ្ឋាន​នគរបាល​រាជធានី​-​ខេត្ត ធ្វើការ​ស៊ើបអង្កេត​ស្រាវជ្រាវ បង្ក្រាប​ក្រុម​ឧក្រិដ្ឋជន​ជួញដូរ​គ្រឿងញៀន​តាម​រូបភាព​ដូច​ភ្លៀងរលឹម ទោះបី​ករណី​នោះ​តូច​ក្តី​ធំ​ក្តី ពោល​គឺ​ឲ្យ​តែ​បទល្មើស​គ្រឿងញៀន មិន​បណ្តោយ​ឲ្យ​ជន​ឧក្រិដ្ឋ​រួច​ផុត​ពី​សំណាញ់​ច្បាប់​ឡើយ ។

Picture

ជនសង្ស័យ​ជា​ជនជាតិ​ចិន​ទាំង​២​នាក់ និង​ថ្នាំ​ញៀន​ជិត​១​គីឡូក្រាម​នោះ ត្រូវ​បាន​កសាង​សំណុំ​រឿង​បញ្ជូន​ទៅ​សាលាដំបូង​ខេត្ត ៕