ព្រួយបារម្ភ ! ខ្យល់បក់ខ្លាំងបង្កជារលកវាយជើងទេរទំនប់អាងទឹកត្រពាំងថ្ម បង្ខំឱ្យប្រុងប្រយ័ត្នខ្ពស់
- បន្ទាយមានជ័យ
ខេត្តបន្ទាយមានជ័យ ៖ នៅរសៀលថ្ងៃទី ២៣ ខែតុលា ឆ្នាំ ២០២០ នេះ ឯកឧត្តម លឹម…
ខេត្តបន្ទាយមានជ័យ ៖ នៅរសៀលថ្ងៃទី ២៣ ខែតុលា ឆ្នាំ ២០២០ នេះ ឯកឧត្តម លឹម…
ខេត្តបន្ទាយមានជ័យ ៖ នៅរសៀលថ្ងៃទី ២៣ ខែតុលា ឆ្នាំ ២០២០ នេះ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តម ចាន់ ស៊ីណាត អនុរដ្ឋលេខាធិការ ជាប្រធានមុខព្រួញ ក្រុមមន្រ្តីបច្ចេកទេស និងលោកប្រធានមន្ទីរធនធាន ទឹក និងឧតុនិយមខេត្តបន្ទាយមានជ័យ បានចុះពិនិត្យស្ថានភាពទឹក និងបញ្ជាការងារអន្តរាគ មន៍ នៅទំនប់អាងទឹកត្រពាំងថ្ម ក្នុងស្រុកភ្នំស្រុក ខេត្តបន្ទាយមានជ័យ ។
អាងទឹកត្រពាំងថ្ម មានលទ្ធភាពស្តុកទឹកជាអតិបរមាចំនួន ១៨០លានម៉ែត្រគូប តែនៅវេលា ចាប់ពីម្សិលមិញដល់ពាក់កណ្តាលអធ្រាតម៉ោង ៣ យប់មិញ ទឹកទាំងអស់ដែលសរុបប្រមូល ស្រុងហូរចុះមកពីអូរកំបុត (ប្រទេសថៃ) និងមកពីប៉ែកខាងអាងទឹកស្ទឹងក្នុងខេត្តឧត្តរមានជ័យ ធ្វើឲ្យបរិមាណទឹកកើនឡើងរហូតដល់ ២២០លានម៉ែត្រគូប ។
ទោះជាក្នុងស្ថានភាពយ៉ាងនេះ ក្តី អ្វីជាការព្រួយបារម្ភនោះគឺ ខ្យល់បក់ខ្លាំងបង្កជារលកវាយ ជើងទេរទំនប់បង្ខំឲ្យមានការប្រុង ប្រយ័ត្នដោយមានការសហការចូលរួមកម្លាំង ពីអាជ្ញាធរ ថ្នាក់ស្រុក និងបងប្អូនប្រជាពលរដ្ឋនៅ មូលដ្ឋានយ៉ាងសស្រាក់សស្រាំ រួមទាំងគ្រឿងចក្រ រៀបបាវដីដើម្បីការពាររលកវាយជើងទេរទំ នប់ត្រង់ផ្នែកខ្លះនៃទំនប់ដែលមានប្រវែងសរុប ជាង២០គីឡូម៉ែត ។
សូមបញ្ជាក់ជូនថា រាល់ទ្វារទឹក និងច្រកចេញរបស់ប្រព័ន្ធអាងទឹកត្រពាំងថ្ម បានបើក ចំហរ អស់រយ:ពេលជាង ១សប្តាហ៍មកហើយ តាមបទបញ្ជារបស់ឯកឧត្តមមន្រ្តី ។ ២ថ្ងៃ មកហើយ ដែលនៅប៉ែកខាងលើមិនមានភ្លៀងធ្លាក់ កម្លាំងទឹកក៏ចុះខ្សោយបន្តិច ក្នុងរយ:ដ៏ខ្លីនាពេលខាង មុខនឹងវិលមករកប្រក្រតីភាពឡើងវិញ ៕ អត្ថបទសហការ
ចែករំលែកព័តមាននេះ