ចាប់ពីម៉ោង០០យប់ថ្ងៃទី២០ តុលានេះតទៅ បើកចរាចរណ៍ឡើងវិញ លើផ្លូវជាតិទូទាំងខេត្តកំពង់ស្ពឺ
ខេត្តកំពង់ស្ពឺ ៖ លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានប្រកាស នាម៉ោង៦ល្ងាចថ្ងៃទី១៩ ខែតុលា…
ខេត្តកំពង់ស្ពឺ ៖ លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានប្រកាស នាម៉ោង៦ល្ងាចថ្ងៃទី១៩ ខែតុលា…
ខេត្តកំពង់ស្ពឺ ៖ លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានប្រកាស នាម៉ោង៦ល្ងាចថ្ងៃទី១៩ ខែតុលា ឆ្នាំ២០២០នេះថា
«ជម្រាបជូនសាធារណជនទាំងអស់មេត្តាជ្រាបថា ដោយស្ថានភាព នៃជំនន់ទឹកភ្លៀងបានវិលទៅរកភាពប្រក្រតីវិញ រដ្ឋបាលខេត្តកំពង់ស្ពឺ អនុញ្ញាតឲ្យលោកលោកស្រី ដែលមានមធ្យោបាយដឹកជញ្ជូនធុនធំទាំងអស់ អាចប្រកបរបររកស៊ីទទួលទានឡើងវិញបាន នៅលើផ្លូវជាតិទាំងអស់ក្នុងខេត្តកំពង់ស្ពឺ ជាធម្មតាចាប់ពីម៉ោង០០ ថ្ងៃទី២០ ខែតុលា ឆ្នាំ២០២០ នេះតទៅ ។ សូមគោរពច្បាប់ចរាចរណ៍ទាំងអស់គ្នា ។ សូមជូនពរ ពុកម៉ែមាមីងបងប្អូនរកស៊ីទទួលទានមានបានគ្រប់ៗក្រុមគ្រួសារ» ។
ការអនុញ្ញាតឲ្យរថយន្តធន់ធ្ងន់ធ្វើចរាចរណ៍ឡើងវិញនៅទូទាំងខេត្តកំពង់ស្ពឺនេះ បន្ទាប់ពីមន្តីរសាធារណការ និងដឹកជញ្ជូនខេត្ត ប្រកាសផ្អាកចរាចរណ៍បណ្តោះអាសន្ន កាលពីថ្ងៃទី១៥ តុលា ដោយសារស្ថានភាពគ្រោះទឹកជំនន់ទឹកភ្លៀងបានជន់លិចយ៉ាងខ្លាំងបណ្តាលឲ្យកំណាត់ផ្លូវមួយចំនួន ក្នុងភូមិសាស្ត្រខេត្តកំពង់ស្ពឺរងការខូចខាត ក្នុងស្ថានភាពបែបនេះ ធ្វើឲ្យផ្លូវ-ស្ពាន មិនអាចទ្រាំទ្រនឹងទម្ងន់រថយន្តដឹកទំនិញធុនធំបានទេ។ ហេតុនេះ មន្ទីរសាធារណការ និងដឹកជញ្ជូនខេត្តកំពង់ស្ពឺ បានផ្អាកធ្វើចរាចរណ៍លើផ្លូវជាតិលេខ៤, ផ្លូវជាតិលេខ៤១ និងផ្លូវជាតិលេខ១៤១ (ចាប់ពីផ្សារព្សៃផ្តៅ ដល់ផ្លូវជាតិលេខ១៣០) ជាបណ្តោះអាសន្ន ចាប់ពីថ្ងៃជូនដំណឹងនេះតទៅ រហូតដល់មានសេចក្តីជូនដំណឹងជាថ្មី ដើម្បីថែរក្សា ផ្លូវ-ថ្នល់ កុំឲ្យបាក់ស្រុត និងធានាដល់ការធ្វើចរាចរណ៍ប្រកប ដោយសុវត្ថិភាព ៕
ចែករំលែកព័តមាននេះ