ព្រះពុទ្ធឃោសាចារ្យលោកនិពន្ធគាថា សរសើរអានិសង្សនៃភិក្ខុអ្នកកាន់រុក្ខមូលសេនាសនៈថា លំនៅនៃបុគ្គលអ្នកស្ងាត់ ព្រះសម្មាសម្ពុទ្ធទ្រង់ពោលសរសើរថាជាទីសមគួរដល់និស្ស័យ, បណ្ដាទីស្ងាត់ទាំងឡាយ រកទីណាឲ្យស្មើនឹងរុក្ខមូលនេះគ្មានទេ ។ ភិក្ខុដែលទ្រទ្រង់នៅនឹងគល់ឈើជាប្រក្រតីរមែងនាំបង់នូវសេចក្ដីកំណាត់ក្នុងអាវាសបាន ។ ធម្មតាភិក្ខុដែលមានវត្តប្រតិបត្តិល្អ…
ព្រះពុទ្ធឃោសាចារ្យលោកនិពន្ធគាថា សរសើរអានិសង្សនៃភិក្ខុអ្នកកាន់រុក្ខមូលសេនាសនៈថា លំនៅនៃបុគ្គលអ្នកស្ងាត់ ព្រះសម្មាសម្ពុទ្ធទ្រង់ពោលសរសើរថាជាទីសមគួរដល់និស្ស័យ, បណ្ដាទីស្ងាត់ទាំងឡាយ រកទីណាឲ្យស្មើនឹងរុក្ខមូលនេះគ្មានទេ ។ ភិក្ខុដែលទ្រទ្រង់នៅនឹងគល់ឈើជាប្រក្រតីរមែងនាំបង់នូវសេចក្ដីកំណាត់ក្នុងអាវាសបាន ។
ធម្មតាភិក្ខុដែលមានវត្តប្រតិបត្តិល្អ កាលបើនៅក្នុងទីស្ងាត់ គឺរុក្ខមូលដែលទេវតារក្សាហើយ បានទស្សនាការឃើញដើមឈើមានស្លឹកខៀវខ្ចី និងទុំក្រហមដែលជ្រុះចាកទងរមែងបន្ទោបង់នូវសេចក្ដីសំគាល់ថាទៀងចេញបាន ។
ព្រោះហេតុនោះបានជា ភិក្ខុដែលប្រកបដោយវិចារណប្បញ្ញាត្រេកអរក្នុងការភាវនា មិនត្រូវមើលងាយរុក្ខមូលសេនាសនៈដ៏ស្ងាត់ដែលជាទ្រព្យមរតករបស់ព្រះអរហន្តសម្មាសម្ពុទ្ធបរមគ្រូ ទ្រង់ប្រទានទុកឲ្យនេះឡើយ ។ សាន សារិន
ចែករំលែកព័តមាននេះ