ADផ្ទាំងផ្សព្វផ្សាយពាណិជ្ជកម្ម

ថ្ងៃនេះ រៀប​ពិធី​រុះ​អគារ​កំពូល​៣​តម្លៃ​ជាង​30​ម៉ឺន​ដុល្លារ​ចេញ​វិញ

3 ខែ មុន
  • Banteay Meanchey

ខេត្ត​បន្ទាយ​មាន​ជ័យ ​៖ អគារ​សំណាក​ប្រាសាទ​កំពូល​បី​(​ប្រាសាទ​ឋាន​សួ​គ៌​)​លើ​អតីត​ទីតាំង​រង្វង់​មូល​ច្រក​ទ្វារ​អន្តរជាតិ​ប៉ោយ​ប៉ែ​ត​ ដែល​កន្លង​មក​ផ្តួចផ្តើម​កសាង​ឡើង​ដោយ​លោក​សាន​ ស៊ា​ន​ហូ​ អតីត​អភិបាលក្រុង​ប៉ោយ​ប៉ែ​ត ដែល​អស់ប្រាក់​ជាង​៣០​ម៉ឺន​ដុល្លារ​នោះ តែ​នៅថ្ងៃទី​​១២ ​តុលា​ នេះ…

ខេត្ត​បន្ទាយ​មាន​ជ័យ ​៖ អគារ​សំណាក​ប្រាសាទ​កំពូល​បី​(​ប្រាសាទ​ឋាន​សួ​គ៌​)​លើ​អតីត​ទីតាំង​រង្វង់​មូល​ច្រក​ទ្វារ​អន្តរជាតិ​ប៉ោយ​ប៉ែ​ត​ ដែល​កន្លង​មក​ផ្តួចផ្តើម​កសាង​ឡើង​ដោយ​លោក​សាន​ ស៊ា​ន​ហូ​ អតីត​អភិបាលក្រុង​ប៉ោយ​ប៉ែ​ត ដែល​អស់ប្រាក់​ជាង​៣០​ម៉ឺន​ដុល្លារ​នោះ តែ​នៅថ្ងៃទី​​១២ ​តុលា​ នេះ បាន​​ឃើញ​គេ​ចាប់ផ្តើម​រុះរើ​កម្ទេច​វិញ ​ក្រោយ​មាន​ចំណារ​​ពី​ក្រសួង​មហាផ្ទៃ​ កាលពី​ចុងខែ​កក្កដា​។

​គួរ​បញ្ជាក់​ថា​ អគារ​សំណាក​ប្រាសាទ​កំ​ពូ​លបី​ (​ប្រាសាទ​ឋាន​សួ​គ៌)​ នេះ​ មាន​ទំហំ​អង្កត់​ផ្ចិត​៤០​ម៉ែត្រ​ ហើយ​ក្នុង​គម្រោង​និង​មានកំ​ពស់​រហូត​៣៦​ម៉ែត្រ ​។ ​កា​រ​សាងសង់​អគារ​សំណាក​ប្រាសាទ​កំពូល​បី​ (​ប្រាសាទ​សួ​គ៍​) ​នេះ​ មានកា​ចាក់​ឡាយ​តាម​អេ​ក្រង់​ទូរ​ទស្ស​ន៏​​ដ៏​​ធំ​របស់​កាស៊ីណូ​២​កន្លែង ​នៅ​ចំណុច​រង្វង់​មូល ​និង​លើ​ដងផ្លូវ​ច្រក​ទ្វារ​អន្តរជាតិ​ប៉ោយ​ប៉ែ​ត​ទាំង​យប់​ទាំង​ថ្ងៃជា​ច្រើន​ខែ​ផង​ដែរ​។​

ទីបំផុត​ អគារ​សំណាក​ប្រាសាទ​កំពូល​បី​នេះ ​ត្រូវ​បាន​ថ្នាក់លើ​ចេញ​លិខិត​មក​រដ្ឋបាល​ខេត្ត​ឲ្យ​បញ្ឈប់​កា​សាងសង់​ និង​ឲ្យ​រុះរើ​ចេញ​វិញ​បន្ទាប់​ពី​ពិនិត្យ​ឃើញ​ថា​ កា​សាងសង់​អគារ​ស្នាក់​ការ​ច្រក​ទ្វារ​អន្តរជាតិ​ប៉ោយ​ប៉ែ​ត​ថ្មី​ នៅ​មាត់ច្រក​ទ្វារ​អន្តរជាតិ​ប៉ោយ​ប៉ែ​ត​មាន​រូប​ប្រាសាទ​កំពូល​បី​និង​មាន​រចនា​បទ​ជា​ខ្មែរ​រួច​ហើយ​។​

ម្យ៉ាង​ការ​សាងសង់​នេះ​ និង​មាន​ផល​ប៉ះពាល់​ដល់​ប្រព័ន្ធ​ការពារ​សុវត្ថិភាព​ស្វ័យប្រវត្តិ​នៃ​រនាំង​បាំង​ផ្លូវ​រថភ្លើង​ឆ្លងកាត់​ផ្លូវជាតិ​ និង​កិច្ចព្រមព្រៀង​ដឹក​ជញ្ជូន​ផ្លូវដែក​រវៀង​ព្រះរាជា​ណាចក្រ​កម្ពុជា​និង​ថៃ​ទៀត​ផង ​។​ យោង​ចំណា​របស់​ក្រសួងមហាផ្ទៃ​ក្រោយ​រុះរើ​អាជ្ញាធរ​និង​រៀបចំ​ជា​សួនច្បារ​ដើម្បី​កែ​លម្អ​សោភ័ណ​ភាព​ចំណុច​នេះ​ឡើង​វិញ​។​

ទោះជា​យ៉ាងណា​ពិធី​ក្រុង​ពិ​លី​បុក​គ្រឹះ​​សាងសង់​ដំបូង​ និង​ពិធីបួងសួង​សុំ​រុះរើ​វិញ​ថ្ងៃនេះ​ខុស​គ្នា​ដូច​មេឃ​និង​ដី​ព្រោះ​ក្នុង​ពិធី​ក្រុង​ពិ​លី​មាន​អ្នកតូច​អ្នកធំ​ចូលរួម​គគ្រឹកគគ្រេង​ឯ​ពិធីបួងសួង​សុំ​រុះរើ​ពេល​នេះ​មាន​តែ​ព្រះសង្ឃ​, ​អាចារ្យ​ និង​ក្រុម​ជាង​ហើយ​គ្មាន​វត្តមាន​អ្នកធំ​ចូលរួម​ឡើយ​៕​​