ខេត្តត្បូងឃ្មុំ ៖ សមត្ថកិច្ចស្រុកអូររាំងឪតាមប្រមាញ់ចាប់ខ្លួនបានយុវជនទំនើងចំនួន៨នាក់បញ្ជូនមកកាន់សាលាដំបូងខេត្តកាលពីវេលាម៉ោង១០ និង៣០នាទីយប់ ថ្ងៃទី៩ ខែមេសា ឆ្នាំ២០១៥ ។
ខេត្តត្បូងឃ្មុំ ៖ សមត្ថកិច្ចស្រុកអូររាំងឪតាមប្រមាញ់ចាប់ខ្លួនបានយុវជនទំនើងចំនួន៨នាក់បញ្ជូនមកកាន់សាលាដំបូងខេត្តកាលពីវេលាម៉ោង១០ និង៣០នាទីយប់ ថ្ងៃទី៩ ខែមេសា ឆ្នាំ២០១៥ ។
លោកវរសេនីយ៏ទោលឿង រដ្ឋា អធិការនគរបាលស្រុកអូររាំងឪ បានឱ្យដឹងថា ដំបូងគេឃើញយុវជន២ក្រុមបាននាំគ្នាទៅផឹកស៊ីនៅហាងលក់គ្រឿងក្លែមយីហោ «ពន្លឺពេជ្រចាន់ហេង » ស្ថិតនៅភូមិស្រែស្ពៃ ឃុំគងជ័យ ស្រុកអូររាំងឪ ដោយមួយក្រុមនៅខ្ចុសលេខ២ និងមួយក្រុមទៀតនៅខ្ចុសលេខ៤ លុះពេលដែលស្រវឹងស្រឿងៗ ក៏និយាយគងពាក្យសំដីគ្នា ស្រាប់តែស្ទុះយកខ្សែក្រវ៉ាត់ដេញវាយគ្នា និងគប់ចាន គប់កែវដាក់គ្នា បណ្តាលឲ្យរងរបួសសងខាង ក្នុងនោះបណ្តាលឲ្យមានរបួស២នាក់ ត្រូវបានចូលពេទ្យ ។ ពេលដែលប្រជាពលរដ្ឋបានរាយការណ៍មក រូបលោកក៏បានចាត់ឲ្យជំនាញព្រហ្មទណ្ឌស្រុកចុះទៅកាន់កន្លែងកើតហេតុជាបន្ទាន់ ដោយបានឃាត់ក្រុមផឹកស៊ីទាំង២ក្រុមបានចំនួន៨នាក់បញ្ជូនមកកាន់អធិការដ្ឋាននគរបាលស្រុកអូររាំងឪ ដើម្បីសួរនាំផងដែរ ។
លោកអធិការនគរបាលស្រុកអូររាំងឪបានឲ្យដឹងបន្តទៀតថា យុវជនទំនើងដែលត្រូវបានឃាត់ខ្លួនរហូតដល់ទៅ៨នាក់នោះមាន ១-ឈ្មោះប៉េង សាក់សិទ្ធិ ភេទប្រុស អាយុ២៣ឆ្នាំ ២-ឈ្មោះផាត ទូច ភេទប្រុស អាយុ៣០ឆ្នាំ ៣-ឈ្មោះភាន់ រតនា ភេទប្រុស អាយុ២៤ឆ្នាំ ៤-ឈ្មោះសំ សារ៉ារដ្ឋ ភេទប្រុស អាយុ២៣ឆ្នាំ ៥-ឈ្មោះអ៊ឹម សំណាង ភេទប្រុស អាយុ២៥ឆ្នាំ ទាំងអស់គ្នារស់នៅភូមិស្រែស្ពៃ ឃុំគងជ័យ ស្រុកអូររាំងឪ ៦-ឈ្មោះប៉ូ ដាលី ភេទប្រុស អាយុ២០ឆ្នាំ នៅភូមិសុគ្រំជ្រុំ ឃុំគងជ័យ ស្រុកអូររាំងឪ ៧-ឈ្មោះឈុំ ផា ភេទប្រុស អាយុ២១ឆ្នាំ នៅភូមិលេខ៥ ឃុំអំពិលតាពក ស្រុកអូររាំងឪ ៨-ឈ្មោះគាវ ស៊ីណាត ភេទប្រុស អាយុ២៣ឆ្នាំ នៅភូមិលេខ៤កើត ឃុំអំពិលតាពកស្រុកអូររាំងឪ ។
ក្រុមផឹកស៊ីបង្កភាពអណាធិបតេយ្យវាយផ្អើលពេញហាងលក់ដូរត្រូវបានបញ្ជូនមកកាន់សាលាដំបូងខេត្តនារសៀលថ្ងៃទី១១ ខែមេសា ឆ្នាំ២០១៥ ដើម្បីចាត់វិធានការតាមច្បាប់ ។
លោកវរសេនីយ៏ទោលឿង រដ្ឋា បញ្ជាក់ថា ផ្អែកតាមបញ្ជារបស់លោកស្នងការនគរបាលខេត្ត ដើម្បីបំបាត់ក្រុមក្មេងទំនើង និងរក្សា សន្តិសុខ សណ្តាប់ធ្នាប់ ក្នុងឪកាសបុណ្យចូលឆ្នាំប្រពៃណីជាតិខាងមុខឲ្យកាន់តែប្រសើរនោះ ៕
ចែករំលែកព័តមាននេះ