នៅក្នុងគម្ពីរធម្មបទទាំង៨ភាគ គាថាដំបូង(មនោបុព្វង្គមា ធម្មា…)គឺនិយាយអំពីចិត្តនេះឯង ចិត្តជាធំ ចិត្តជាប្រធាន ចិត្តដ៏វិសេស គ្រប់កិច្ចការទាំងអស់សម្រេចមកអំពីចិត្ត សេចក្ដីល្អ ឬអាក្រក់ទាំងឡាយគឺចាប់ផ្ដើមពីចិត្តទៅមុន ។
មើលចុះ ! មនុស្សដែលយើងព្រមទទួលថាគេជាមនុស្សល្អ ក៏ព្រោះគេបានធ្វើល្អ និយាយល្អ ប្រព្រឹត្តល្អទាំងអស់នេះព្រោះមកអំពីគេមានការគិតល្អជាមូលដ្ឋានគឺចិត្តហ្នឹងឯង ។
អាចនិយាយម្យ៉ាងទៀតថា គេតាំងចិត្តធ្វើជាមនុស្សល្អ ហើយក៏ប្រព្រឹត្តធ្វើល្អទៅតាមការតាំងចិត្តនោះ ដោយហេតុថា ក្នុងលោកនេះមិនមានអ្វីដែលសំខាន់សម្រាប់យើង ជាងយើងខ្លួនឯងជាមនុស្សល្អនោះឡើយ ហេតុនេះបើយើងចង់ឲ្យអ្នកដទៃធ្វើសេចក្ដីល្អមកលើយើង គឺយើងត្រូវព្យាយាមធ្វើល្អឲ្យខ្លួនឯងជាមុនសិន ទើបសេចក្តីល្អនេះឯងជួយខ្លួនយើងឱ្យមានប្រសិទ្ធភាព មានឥទ្ធិពលលើអ្វីៗគ្រប់យ៉ាង ។ សាន សារិន
ចែករំលែកព័តមាននេះ