អគារប្រដាល់ថ្មីមួយតម្លៃជិត៤៥០លានដុល្លារនឹងលេចរូបរាងក្បែរកីឡដ្ឋានក្រុម Man City
3 ឆ្នាំ មុន
អង់គ្លេស ៖ អគារសិល្បៈបែបច្នៃប្រឌិតខ្ពស់ និងទំនើបបំផុតមួយឈ្មោះថា «state-of-the-art» ដែលមានតម្លៃជិត ៤៥០លានដុល្លារអាមេរិក នឹងលេចរូបរាងឡើងក្នុងទីក្រុង Manchester ដែលនឹងអាចក្លាយជាសង្វៀនប្រដាល់គ្រប់ទម្រង់ថ្មីមួយរបស់ចក្រភពអង់គ្លេស។…
អង់គ្លេស ៖ អគារសិល្បៈបែបច្នៃប្រឌិតខ្ពស់ និងទំនើបបំផុតមួយឈ្មោះថា «state-of-the-art» ដែលមានតម្លៃជិត ៤៥០លានដុល្លារអាមេរិក នឹងលេចរូបរាងឡើងក្នុងទីក្រុង Manchester ដែលនឹងអាចក្លាយជាសង្វៀនប្រដាល់គ្រប់ទម្រង់ថ្មីមួយរបស់ចក្រភពអង់គ្លេស។
ក្រុមប្រឹក្សាទីក្រុង Manchester បានផ្តល់ភ្លើងខៀវដល់ផែនការ នៃការសាងសង់អាគារដែលមានកន្លែងអង្គុយចំនួន ២៣.៥០០។ ហើយវានឹងត្រូវសាងសង់ឡើងនៅក្បែរកីឡដ្ឋាន Etihad របស់ក្លិប Manchester City។ តាមគ្រោងអាគារនេះ នឹងបញ្ចប់ការសាងសង់នៅឆ្នាំ ២០២៣ ហើយវានឹងក្លាយជាអាគារសង្វៀនប្រដាល់ធំជាងគេនៅចក្រភពអង់គ្លេស។
state-of-the-art ត្រូវបានគេកំណត់ថា នឹងក្លាយជាគូប្រកួតប្រជែងជាមួយអាគារ The O2 arena នៅក្នុងទីក្រុងឡុងដ៍ សម្រាប់ទទួលការប្រកួតប្រដាល់ធំបំផុតរបស់ប្រទេសនេះ។
គម្រោងនេះ ត្រូវបានរៀបចំឡើងជាលើកដំបូងកាលពីខែតុលា ឆ្នាំមុន ដោយក្រុមហ៊ុនអាមេរិក Oak View Group (OVG) ។ ក្រៅពីជាកន្លែងរៀបចំការប្រកួតប្រដាល់ដ៏ធំ អាគារនេះក៏ត្រូវបានគេរៀបចំសម្រាប់ការប្រគុំតន្ត្រីផ្សាយផ្ទាល់ផងដែរ៕ (ដកស្រង់ចេញពី The Sun)
ចែករំលែកព័តមាននេះ