ការជំរុញទឹកចិត្តឲ្យបុគ្គលិកចូលរួមក្នុងការងារមិនកើតមានឡើងដោយស្វ័យប្រវត្តិទេ ។ វាទាមទារឲ្យមានយុទ្ធសាស្ត្រត្រឹមត្រូវដែលត្រូវការការវិនិយោគជាកម្លាំង ពេលវេលា និងធនធានដទៃ ។ ក្នុងទីផ្សារដែលមានភាពប្រកួតប្រជែង ការមានបុគ្គលិកដែលចូលរួមក្នុងការងារមានសារៈសំខាន់ណាស់ព្រោះវាជួយបង្កើនដល់ប្រសិទ្ធភាពការងារ និងជំរុញឲ្យមានភាពច្នៃប្រឌិត ។ខាងក្រោម…
ការជំរុញទឹកចិត្តឲ្យបុគ្គលិកចូលរួមក្នុងការងារមិនកើតមានឡើងដោយស្វ័យប្រវត្តិទេ ។ វាទាមទារឲ្យមានយុទ្ធសាស្ត្រត្រឹមត្រូវដែលត្រូវការការវិនិយោគជាកម្លាំង ពេលវេលា និងធនធានដទៃ ។ ក្នុងទីផ្សារដែលមានភាពប្រកួតប្រជែង ការមានបុគ្គលិកដែលចូលរួមក្នុងការងារមានសារៈសំខាន់ណាស់ព្រោះវាជួយបង្កើនដល់ប្រសិទ្ធភាពការងារ និងជំរុញឲ្យមានភាពច្នៃប្រឌិត ។ខាងក្រោម គឺជាវិធីងាយៗដែលស្ថាប័នការងារអាចជំរុញឲ្យបុគ្គលិកមានភាពសកម្មជាងមុនមក្នុងការចូលរួមក្នុងការងារ ៖
១. ទាក់ទងទៅអ្នកគ្រប់គ្រងមុន
អ្នកគ្រប់គ្រងអាចជះឥទ្ធិពលខ្លាំងណាស់ទៅលើការចូលរួមរបស់បុគ្គលិកក្នុងស្ថាប័ននីមួយៗ ។ ដោយហេតុដូចនេះទើបស្ថាប័នត្រូវតែដាក់ចិត្តក្នុងការជ្រើសរើសអ្នកគ្រប់គ្រងដែលត្រឹមត្រូវសម្រាប់តំណែងនេះ ។ គុណសម្បត្តិមួយចំនួនដែលស្ថាប័នគួរឲ្យតម្លៃខ្លាំងក្នុងកំឡុងពេលនេះរួមមានសមត្ថភាពក្នុងការដឹកនាំមនុស្សក្នុងពេលដែលមានសម្ពាធខ្ពស់ ។
២. ផ្ទេរផ្នត់គំនិតល្អៗ
ការជំរុញនូវការភ័យខ្លាច ជាពិសេសក្នុងពេលដែលមានវិបត្តិមិនជំរុញទឹកចិត្តបុគ្គលិករបស់អ្នកឲ្យគាំទ្រស្ថាប័ន និងចូលរួមជួយដល់ស្ថាប័នឡើយ ។ កន្លែងការងារដែលជំរុញឲ្យអ្នកគ្រប់គ្រងធ្វើជាអ្នកណែនាំដែលដឹកនាំតាមការពង្រឹងជំនឿទុកចិត្ត និងការគោរពគ្នាទៅវិញទៅមកគឺជាកន្លែងការងារដែលអាចជំរុញទឹកចិត្តបុគ្គលិកឲ្យចូលរួមបានដោយមានប្រសិទ្ធភាពជាងគេ ។ការណែនាំក្រុមការងារបស់អ្នកទាមទារឲ្យមានការប្រើប្រាស់ចំណុចខ្លាំងរបស់ពួកគេដើម្បីឲ្យពួកគេលេចធ្លោ ទទួលបានឱកាសផ្សេងៗ និងជួយឲ្យពួកគេសម្រេចគោលដៅក្នុងអាជីពរបស់ពួកគេ ។
៣. ស្តាប់បុគ្គលិកឲ្យបានច្រើនជាងមុន
ក្នុងពេលដែលមានវិបត្តិ ស្ថាប័នការងារងាយនឹងភ្លេចពីសារៈសំខាន់នៃការរក្សាទំនាក់ទំនង ។ អ្នកដឹកនាំក្នុងស្ថាប័នការងារត្រូវតែចំណាយពេលវេលាដើម្បីស្តាប់ ពិភាក្សាគ្នាមួយទល់មួយ និងសួរនាំបុគ្គលិកពីអ្វីដែលមានប្រសិទ្ធភាព និងអ្វីដែលនៅមានការខ្វះខាត ៕
ចែករំលែកព័តមាននេះ