ជនរងគ្រោះដាក់ពាក្យបណ្តឹងផ្លូវការ ករណីបុរសម្នាក់ជិះរថយន្តទំនើបគំរាមកំហែងអ្នកដទៃ
- មណ្ឌលគិរី
ខេត្តមណ្ឌលគិរី ៖ សមត្ថកិច្ចខេត្តមណ្ឌលគិរី បានថ្លែងប្រាប់កោះសន្តិភាព នៅម៉ោង៨និង២០នាទីយប់ ថ្ងៃទី១៦ កញ្ញា ២០២០ ថា មន្ត្រី…
ខេត្តមណ្ឌលគិរី ៖ សមត្ថកិច្ចខេត្តមណ្ឌលគិរី បានថ្លែងប្រាប់កោះសន្តិភាព នៅម៉ោង៨និង២០នាទីយប់ ថ្ងៃទី១៦ កញ្ញា ២០២០ ថា មន្ត្រី…
ខេត្តមណ្ឌលគិរី ៖ សមត្ថកិច្ចខេត្តមណ្ឌលគិរី បានថ្លែងប្រាប់កោះសន្តិភាព នៅម៉ោង៨និង២០នាទីយប់ ថ្ងៃទី១៦ កញ្ញា ២០២០ ថា មន្ត្រី ជំនាញកំពុងដុតដៃដុតជើងជាខ្លាំង ដើម្បីស្រាវជ្រាវរកបុរសម្នាក់ ដែលជិះរថយន្តសេរីទំនើប គំរាមកំហែងអ្នកដទៃ ក្រោយពីសមត្ថកិច្ចទើបទទួលបានពាក្យបណ្តឹងផ្លូវការ ពីជនរងគ្រោះនាល្ងាចថ្ងៃទី១៦ កញ្ញានេះ។
អាវុធហត្ថខេត្តមណ្ឌលគិរី បានបញ្ជាក់ថា នៅពេលនេះ សមត្ថកិច្ចបានធ្វើការស៊ើបអង្កេតតាមនិតិវិធី ដើម្បីវែងកមុខរកជនសង្ស័យ ក្នុងករណីខាងលើនេះ ។
ទោះជាយ៉ាងណាសមត្ថកិច្ចនៅមិនទាន់ប្រាប់អំពីបញ្ហានេះ ផ្តើមពីអ្វីនៅឡើយ ព្រោះកំពុងស្ថិតក្នុងនិតិវិធីរបស់សមត្ថកិច្ច ។
ហើយចំពោះការផ្សព្វផ្សាយតាមបណ្តាញសង្គមថា ករណីនេះឈានរហូតប្រើប្រាស់អាវុធខ្លី ធ្វើសកម្មភាពភ្ជង់គំរាម លើជនរងគ្រោះដែលបានដាក់ពាក្យបណ្តឹងនេះ ក៏មិនទាន់ដឹងថា ពិតប្រាកដយ៉ាងណាដែរ ។
សូមរំឮកថា កាលពីរសៀលថ្ងៃទី១៦ កញ្ញានេះ មានគណនីហ្វេសប៊ុកមួយឈ្មោះ Phalla Piseth បានបង្ហោះសារ និងរូបភាព សំណូមពរដល់សមត្ថកិច្ចថា «សូមមន្ត្រីសមត្ថកិច្ចខេត្តមណ្ឌលគិរី តាមស្ទាក់ឃាត់រថយន្តនេះផង ដែលបានប្រើប្រាស់អាវុធខុសច្បាប់ គំរាមបាញ់សម្លាប់ប្រពន្ធខ្ញុំ ដែលកំពុងមានផ្ទៃពោះ សូមមេត្តាមន្ត្រីសាធារណការជួយស្រាវជ្រាវស្លាកលេខនេះផង តើបុគ្គលនេះជាអ្នកណា ដែលដែលមានសិទ្ធិប្រើប្រាស់អាវុធមកគំរាមប្រជាជនស្លូតត្រង់បែបនេះ ? ប្រទេសមានច្បាប់ មិនមែនមានអំណាចមានលុយ ធ្វើអ្វីបានតាមចិត្តនោះទេ សូមជួយស៊ែរ share ដើម្បីរកមុខជនទំនើងនេះ មកដោះស្រាយមុខច្បាប់ផង ស្លាក់លេខរថយន្ត (ភ្នំពេញ 2AQ 1213)» ។
ជាមួយគ្នានេះដែរ បើយោងតាមរូបភាពដែលម្ចាស់គណនី Facebook ឈ្មោះ Phalla Piseth ក៏បានបង្ហាញរូបភាពបុរសម្នាក់បើករថយន្ត Lexus ពណ៌ខ្មៅ ពាក់ស្លាក់លេខភ្នំពេញ 2AQ-1213 ដែលបានពាក់ម៉ាស់ជិត និងដកវត្ថុមួយកាន់ភ្ជង់មករកគាត់ ក្នុងន័យ គំរាមសម្លាប់ផងដែរ ៕
ចែករំលែកព័តមាននេះ