រាជធានីភ្នំពេញ ៖ ហ្វេសប៊ុកផេករបស់អ្នកនាង ទ្រី ដាណា ដែលមានឈ្មោះថា «ទ្រី ដាណា Dana Try» ត្រូវបានក្រុមហ៊ុនហ្វេសប៊ុក ទទួលស្គាល់ជាផ្លូវការហើយកាលពីថ្ងៃទី ៩ខែកញ្ញា ឆ្នាំ ២០២០មកនេះ ។

ដូច្នេះសម្រាប់ផេកផ្សេងៗទៀតដែលបានយកឈ្មោះរបស់អ្នកនាងទៅដាក់កន្លងមកនោះមិនមែនជាផេកពិតប្រាកដរបស់អ្នកនាងទេ ដែលទាំងនេះ គឺមានជនខិលខូចមួយចំនួនបានបង្កើតឡើងដោយប្រើប្រាស់ឈ្មោះ និងរូបរបស់អ្នកនាងដោយពួកគេបង្កើតឡើងដើម្បីឱ្យមានការគាំទ្រច្រើន និងទទួលបានការចុច Like ច្រើននៅក្នុងផេក របស់ពួកគេតែប៉ុណ្ណោះ ។

ជាមួយគ្នានេះដែរ អ្នកនាង ទ្រី ដាណា ក៏បានបញ្ជាក់ថា ផេកផ្លូវការរបស់អ្នកនាងដែលត្រូវបានទទួលស្គាល់ដោយក្រុមហ៊ុនហ្វេសប៊ុកនោះមានឈ្មោះថា «ទ្រី ដាណា Dana Try» ដែលរហូតមកដល់សព្វថ្ងៃនេះមានអ្នក Like ជាង 75 ម៉ឺននាក់ និងអ្នក Follow មានចំនួនរហូតដល់ទៅជាង ១លាន ៣សែននាក់ឯណោះ ៕ អត្ថបទសហការ