ខេត្តកណ្ដាល ៖ សេចក្តីរាយការណ៍បឋមឲ្យដឹងថា ទីបំផុត នារីម្នាក់ដែលប្រើល្បិចកលឆបោកស្ទើរភ្លើងបានត្រូវកម្លាំងសមត្ថកិច្ចនគរបាលស្រុកកណ្តាលស្ទឹង ខេត្តកណ្តាលឃាត់ខ្លួន កាលពីថ្ងៃទី៣ កញ្ញា បន្ទាប់ពីនារីរូបនោះបានប្រាក់១ម៉ឺនដុល្លារអាមេរិកពីជនរងគ្រោះ ។…
ខេត្តកណ្ដាល ៖ សេចក្តីរាយការណ៍បឋមឲ្យដឹងថា ទីបំផុត នារីម្នាក់ដែលប្រើល្បិចកលឆបោកស្ទើរភ្លើងបានត្រូវកម្លាំងសមត្ថកិច្ចនគរបាលស្រុកកណ្តាលស្ទឹង ខេត្តកណ្តាលឃាត់ខ្លួន កាលពីថ្ងៃទី៣ កញ្ញា បន្ទាប់ពីនារីរូបនោះបានប្រាក់១ម៉ឺនដុល្លារអាមេរិកពីជនរងគ្រោះ ។ នារីសង្ស័យឈ្មោះ ផន ណារី ភេទស្រី អាយុ២៤ឆ្នាំ ទីលំនៅភូមិថ្មី ឃុំរលាំងកែន ស្រុកកណ្ដាល ស្ទឹង ខេត្តកណ្ដាល ។ វត្ថុតាងដកហូត មានកងដៃលោហ:ធាតុពណ៌លឿង ចំនួន២១កង, ចិញ្ចៀនលោហៈធាតុពណ៌លឿង ចំនួន៣វង់ ។ រីឯជនរងគ្រោះឈ្មោះ ស៊ុម តូច ភេទស្រី អាយុ៣៩ឆ្នាំ នៅភូមិថ្មី ឃុំរលាំងកែន ស្រុកកណ្ដាលស្ទឹង ខេត្តកណ្ដាល ។
ដើមចម ឲ្យមានការឃារខ្លួននារីរូបនោះ កាលពីថ្ងៃមិនចាំអំឡុងឆ្នាំ២០២០ ជនសង្ស័យឈ្មោះ ផន ណារី (ប្រើអាខោនហ្វេសប៊ុក ឈ្មោះ ផន ណារី ) ជាអ្នកស្គាល់គ្នាជាមួយជនរងគ្រោះ នឹងបានណែនាំឲ្យជនរងគ្រោះស្គាល់បុរសម្នាក់ ដែលប្រើប្រាស់អាខោនហ្វេសប៊ុកឈ្មោះ (រដ្ឋ ថា) ។
បន្ទាប់មក ជនរងគ្រោះបានឆាតទំនាក់ទំនង ជាមួយអាខោនហ្វេសប៊ុកឈ្មោះ រដ្ឋ ថា ជាមួយ គ្នាមួយរយៈ ។ ក្រោយមក ឈ្មោះ ផន ណារី បានប្រើល្បិចឆបោកប្រាប់ទៅជនរងគ្រោះថា ឪពុករបស់ឈ្មោះ រដ្ឋ ថា ត្រូវការលុយ ដូច្នេះ បងឯងផ្ញើលុយឲ្យគាត់ទៅ ព្រោះខ្ញុំស្គាល់ឈ្មោះ រដ្ឋ ថា ច្បាស់ណាស់ ស្គាល់ទាំងកន្លែងធ្វើការ និងក្រុមគ្រួសាររបស់ឈ្មោះ រដ្ឋ ថា មានមុខងារធ្វើជាទាហានថែមទៀតផង ។
បន្ទាប់មកទៀត ឈ្មោះ រដ្ឋ ថា ក៏បានឆាតជាអក្សរមកក្នុង Facebook Messenger របស់ជនរងគ្រោះ ដើម្បីខ្ចីលុយចំនួន១.០០០$ (មួយពាន់ដុល្លារ) ហើយឈ្មោះ រដ្ឋ ថា បានប្រាប់ជនរងគ្រោះថា ឪពុកគាត់ឈឺធ្ងន់ ហើយឲ្យជនរងគ្រោះវេរលុយតាមវីងទៅលេខទូរស័ព្ទ របស់ (ឪពុក រដ្ឋ ថា) តែម្តងទៅ ទើបជនរងគ្រោះចាប់ផ្ដើមផ្ញើលុយជាបន្តបន្ទាប់តាម លេខទូរស័ព្ទ ០៩៣ ២៧៥ ៨០៣ ដដែលចំនួន ២១លើក វេរតាមវីងចំនួន១៧ លើក តាមទ្រូម៉ានី ៤លើក សរុបទឹកប្រាក់ចំនួន ១០.០០០$ (មួយម៉ឺនដុល្លារអាមេរិក) ។
ស្រាប់តែថ្ងៃមួយ ឈ្មោះ ផន ណារី បានខលមកជនរងគ្រោះថា ឲ្យដុតក្រដាសផ្ញើលុយទាំងអស់នោះចោលទៅ ហើយឈ្មោះ ផន ណាវី ក៏បានមកដល់ផ្ទះជនរងគ្រោះ សុំមើលក្រដាសវីង (ផ្ញើលុយ) ប៉ុន្តែជនរងគ្រោះមិនឲ្យ ទើបឈ្មោះ ផន ណារី បានគំរាមថា បើឪពុកម្តាយបងឯងដឹងរឿងទាំងអស់នេះគាត់ពិជាឈឺស្លាប់ ។
ការដែលផន ណារី ធ្វើបែបនេះ ក៏ធ្វើឱ្យមានការសង្ស័យ ជនរងគ្រោះក៏បានហៅឈ្មោះ ផន ណារី ឲ្យជូនទៅជួបឈ្មោះ រដ្ឋ ថា តែឈ្មោះ ផន ណារី មិនព្រមជូនជនរងគ្រោះទៅទេ ហើយឈ្មោះ ផន ណារី ក៏បាគេចខ្លួនបាត់ចាប់តាំងពីពេលនោះមក ។ ទីបំផុត នៅតែអស់លក្ខណ៍។
តាមចម្លើយសារភាពរបស់ជនសង្ស័យឈ្មោះ ផន ណារី នៅសមត្ថកិច្ចបានបញ្ជាក់ថា ខ្លួនពិតជាបានសមគំនិតគ្នាជាមួយអាខោនហ្វេសប៊ុកឈ្មោះ រដ្ឋ ថា ឆបោកលុយពីជនរងគ្រោះចំនួន១០.០០០ដុល្លារអាមេរិក(មួយម៉ឺនដុល្លារ)ពិតប្រាកដមែន ។ ពេលនេះឈ្មោះ រដ្ឋ ថា បាននឹងកំពុងគេចខ្លួន ។
ជនសង្ស័យ រួមនិងវត្ថុតាងត្រូវបាននគរបាលស្រុកកណ្ដាលស្ទឹង បញ្ជូនទៅស្នងការដ្ឋាននគរបាលខេត្តកណ្តាល ដើម្បីកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ៕
ចែករំលែកព័តមាននេះ