រាជធានីភ្នំពេញ៖ អ្នកជំនាញ និងជាប្រធានសមាគមសណ្ឋាគារកម្ពុជាបានឱ្យដឹង រាល់ការអភិវឌ្ឍនិងវិនិយោគលើសណ្ឋាគារនាគារនៅពេលបច្ចុប្បន្ននេះ វិនិយោគិនគួរតែមានការប្រុងប្រយ័ត្ន និងត្រូវរកទីតាំងណាដែលមិនទាន់ឆ្លើយតបនឹងតម្រូវការភ្ញៀវទេសចរ ខណៈនាពេលបច្ចុប្បន្នការផ្គត់ផ្គង់សណ្ឋាគារនៅតាមតំបន់មួយចំនួនលើសពីតម្រូវការ។
ថ្លែងក្នុង កិច្ចប្រជុំបូកសរុបលទ្ធផលការងារប្រចាំខែរបស់សមាគមន៍សណ្ឋាគារកម្ពុជានៅថ្ងៃទី២៧សីហា នេះលោកស្រី ក្លេខៃ ចិន្តា ប្រធានសមាគមសណ្ឋាគារកម្ពុជា មានប្រសាសន៍ថា នាពេលនេះការផ្គត់ផ្គង់សណ្ឋាគារនៅកម្ពុជា ជាពិសេសតំបន់សក្តានុពលដូចជាសៀមរាប រាជធានីភ្នំពេញ និងខេត្តព្រះសីហនុជាគោលដៅទេសចរណ៍ដ៏មមាញឹកកំពុងមានការផ្គត់ផ្គង់សណ្ឋាគារលើសតម្រូវការ។បើជាការល្អគួរកុំទាន់សាងសង់សណ្ឋាគារអី សម្រាប់អ្នកមានគម្រោងនឹងសាងសង់ ។
លោកស្រីសង្កត់ធ្ងន់ថា« ក្នុងន័យនេះយើងមិនបានហាមឃាត់ការវិនិយោគទេ ប៉ុន្តែការសាងសង់សណ្ឋាគារក្នុងដំណាក់កាលនេះ គឺបើសង់ទៅអាចនឹងលើសពីតម្រូវការ។បច្ចុប្បន្ននេះ សណ្ឋាគារខ្លះ មិនមានភ្ញៀវស្នាក់នៅពេញ ដោយសារតែភ្ញៀវរាងថយចុះបន្តិច។ភ្ញៀវទេសចរត្រូវការបន្ទប់ ស្នាក់នៅ គឺភាគច្រើន ក្រុមហ៊ុនភ្នាក់ងារទេសចរណ៍ផ្គត់ផ្គង់ ជូន វាខុសពីមុនដែលភ្ញៀវបរទេសត្រូវរកសណ្ឋាគារនិងកក់ដោយខ្លួនឯង»។
បើតាមលោកស្រី ក្លេខៃ ចិន្តា ស្ថិតក្នុងកាលៈទេសៈ វិនិយោគិនមានដើមទុនច្រើននិងចង់សាងសង់សណ្ឋាគារសម្រាប់បម្រើនៅពេលអនាគតនោះ គួរតែរកទីតាំងណាដែលមិនទាន់មានបន្ទប់សណ្ឋាគារគ្រប់គ្រាន់ និងជាគោលដៅទេសចរណ៍របស់ភ្ញៀវបរទេស ដូចជា ខេត្តព្រះសីហនុ, កែប, កំពត, បាត់ដំបង, មណ្ឌលគិរី, រតនគិរីជាដើម ។ ដោយឡែកខេត្តព្រះសីហនុ មានបន្ទប់ ផ្ទះសំណាក់ និងសណ្ឋាគារជាច្រើនតែមានភ្ញៀវស្នាក់នៅដែរតែមានតិចដោយសារតែបច្ចុប្បន្នជំងឺកូវីដ-១៩ កំពុងរាតត្បាតពាសពេញពិភពលោក។
ប្រធានសហព័ន្ធទេសចរណ៍កម្ពុជា លោក លូ ម៉េង បានឯកភាពចំពោះការសម្រេចចិត្តនៅ ក្រុងព្រះសីហនុ វានឹងអាចជួយដល់សមាគមក្នុងការពង្រីកសមាជិកភាពរបស់ខ្លួន ទៅកាន់ខេត្តព្រះសីហនុ និងបង្កើនចំនួនសមាជិករហូតដល់ជាង ៨០ សណ្ឋាគារទៀតផង៕
ចែករំលែកព័តមាននេះ