លើលោកនេះមិនមានមហាសេដ្ឋីវ័យក្មេងច្រើនទេ ប៉ុន្តែបងប្អូនស្រីមកប្រទេសណវេយពីររូបបានក្លាយជាមហាសេដ្ឋីបន្ទាប់ពីស្នងទ្រព្យសម្បត្តិ ១.៤ប៊ីលានដុល្លារមុនពេលអាយុ ២០ឆ្នាំ ។ កញ្ញា អាឡេចសាន់ដ្រា អេនដ្រេសេន (Alexandra Andresen) ដែលបច្ចុប្បន្នមានអាយុ ២៣ឆ្នាំ បានជាប់ឈ្មោះក្នុងទស្សនាវដ្តី Forbs តាំងពីឆ្នាំ ២០១៦ ដែលទស្សនាវដ្តីបានប្រកាសជាផ្លូវការថា កញ្ញាជាមហាសេដ្ឋីដែលវ័យក្មេងបំផុតលើលោក ។
ក្នុងពេលនោះ អ្នកស្រី ខៃលី ជេននើ (Kylie Jenner) ដែលជាតារាដ៏ល្បីឈ្មោះប្រចាំហរដ្ឋអាមេរិកក៏កំពុងតែព្យាយាមស្ថាបនាក្រុមហ៊ុនលក់គ្រឿងសម្អាងរបស់ខ្លួនដែរ ។
ប៉ុន្តែអ្នកស្រីជេននើ ជាមហាសេដ្ឋីដែលចូលចិត្តបង្ហាញទ្រព្យសម្បត្តិឲ្យអ្នកដទៃមើលឃើញ ខណៈដែលកញ្ញាអាឡេចសាន់ដ្រា និង ខាត់ទ្រីណា (Katharina) ដែលមានអាយុ ២៤ឆ្នាំ មានគោលការណ៍ច្បាស់លាស់ណាស់ទាក់ទិននឹងការបង្ហាញទ្រព្យសម្បត្តិ ។
កញ្ញា ខាត់ទ្រីណា បាននិយាយកាលពីឆ្នាំ ២០១៦ ថា ឪពុកម្តាយរបស់អ្នកទាំងពីរបានបង្រៀនអ្នកទាំងពីរមិនឲ្យរស់នៅជីវភាពឡូយឆាយពេលជាពិសេសផ្នែកបើកបររថយន្ត ។ កញ្ញាបាននិយាយថា ឪពុករបស់កញ្ញាបានប្រាប់មកថា ពួកគេអាចទិញរថយន្តដែលល្អបាន ប៉ុន្តែវាត្រូវតែជារថយន្តជជុស ។
លោក ចូហាន អេនដ្រេសេន ជូនៀ (Johan Andresen Jr.) គ្រប់គ្រងក្រុមហ៊ុនវិនិយោគ Ferd មួយរបស់គ្រួសារលោក ដែលស្ថិតក្នុងចំណោមក្រុមហ៊ុនឯកជនធំជាងគេក្នុងប្រទេសណ័រវេស ។
ដោយហេតុដូចនេះតើបកញ្ញា ខាត់ទ្រីណា បើកបររថយន្ត Audi ជជុះមួយកាលពីឆ្នាំ ២០១៦ ។ ជាមួយគ្នានេះដែរ កញ្ញា អាឡេចសាន់ដ្រា ធ្លាប់បាននិយាយថា កញ្ញាតែងតែព្យាយាមសន្សំលុយទោះជាមានទ្រព្យសម្បត្តិច្រើនជាងអ្នកដទៃដែលមានអាយុស្រករកញ្ញាក៏ដោយ ។
ទោះជាកញ្ញា អាឡេចសាន់ដ្រា ទទួលស្គាល់ថា លុយជាភាពចាំបាច់មួយពិតមែន កញ្ញាបានបន្ថែមទៀតថា កញ្ញាមិនចង់ឲ្យលុយក្លាយជាអ្វីដែលកញ្ញាប្រើច្រើនពេកទេ ។ កញ្ញាទទួលស្គាល់ទៀតថា ទ្រព្យសម្បត្តិរបស់គ្រួសាររបស់កញ្ញាបាននាំយកឱកាសឲ្យកញ្ញាជាច្រើន និងបានជួយកញ្ញាក្នុងអាជីពជាអ្នកជិះសេះថែមទៀត ។
កញ្ញា ខាត់ទ្រីណា វិញប្រៀបដូចជាកំពុងដើរតាមផ្លូវរបស់ឪពុករបស់ខ្លួនក្នុងនាមជាអ្នកគ្រប់គ្រងអាជីវកម្មប្រចាំគ្រួសារ ប៉ុន្តែឪពុករបស់អ្នកទាំងពីរធ្លាប់បាននិយាយថាលោកមិនចង់បង្ខំឲ្យកូនស្រីដើរតាមលោកទេ ៕ (យោងតាមប្រភពពី www.cnbc.com)
ចែករំលែកព័តមាននេះ