អតីតទីប្រឹក្សា លោកត្រាំ ត្រូវចាប់ខ្លួនពាក់ព័ន្ធប្រាក់សង់ជញ្ជាំងព្រំដែនម៉ិកស៊ិក
វ៉ាស៊ីនតោន ៖ អតីតទីប្រឹក្សារបស់ប្រធានាធិបតី ដូណាល់ ត្រាំ គឺលោក Steve Bannon ត្រូវបានចាប់ខ្លួន និងចោទប្រកាន់ពីបទឆបោក…
វ៉ាស៊ីនតោន ៖ អតីតទីប្រឹក្សារបស់ប្រធានាធិបតី ដូណាល់ ត្រាំ គឺលោក Steve Bannon ត្រូវបានចាប់ខ្លួន និងចោទប្រកាន់ពីបទឆបោក ជុំវិញយុទ្ធនាការរៃអង្គាសប្រាក់ ដើម្បីសាងសង់ជញ្ជាំង នៅតាមព្រំដែនអាមេរិក-ម៉ិកស៊ិក នេះបើយោងតាមទីភ្នាក់ងារសារព័ត៌មាន BBC ចេញផ្សាយនៅយប់ថ្ងៃទី២០ សីហា ២០២០នេះ ។
មន្ត្រីក្រសួងយុត្តិធម៌អាមេរិក បាននិយាយថា លោក Steve Bannon និងមនុស្ស០៣នាក់ទៀត ត្រូវចាប់ខ្លួនពាក់ព័ន្ធពីបទក្លែងបន្លំលើទឹកប្រាក់ ពីម្ចាស់ជំនួយរាប់សែននាក់ ទាក់ទងនឹងយុទ្ធនាការ “យើងកសាងជញ្ជាំង” ដែលរៃអង្គាសប្រាក់ បានចំនួន ២៥លានដុល្លារអាមេរិក ។
លោក Bannon បានទទួលប្រាក់យ៉ាងហោចណាស់ជាង ១លានដុល្លារ ដែលប្រាក់មួយចំនួន គាត់ធ្លាប់យកទៅចំណាយសម្រាប់ផ្ទាល់ខ្លួន ។
លោក Bannon នឹងត្រូវបង្ហាញខ្លួននៅតុលាការ នៅពេលក្រោយ ៕
ចែករំលែកព័តមាននេះ