ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា យុវជនម្នាក់ត្រូវបានកម្លាំងនគរបាលស្រុកស្ទោងធ្វើការឃាត់ខ្លួន បន្ទាប់ពីដើររកជីដូនដើម្បីសុំលុយយកទៅសងគេមិនជួប ក៏ទាញយកម៉ូតូចេញពីក្រោមផ្ទះ រួចយកទៅដុតចោលនៅខាងក្រោយផ្ទះ បណ្តាលឱ្យម៉ូតូ១គ្រឿងឆេះខ្ទេច បង្កឱ្យមានមានការភ្ញាក់ផ្អើលកាលពីម៉ោង៤និង២០នាទីល្ងាច ថ្ងៃទី១៩…
ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា យុវជនម្នាក់ត្រូវបានកម្លាំងនគរបាលស្រុកស្ទោងធ្វើការឃាត់ខ្លួន បន្ទាប់ពីដើររកជីដូនដើម្បីសុំលុយយកទៅសងគេមិនជួប ក៏ទាញយកម៉ូតូចេញពីក្រោមផ្ទះ រួចយកទៅដុតចោលនៅខាងក្រោយផ្ទះ បណ្តាលឱ្យម៉ូតូ១គ្រឿងឆេះខ្ទេច បង្កឱ្យមានមានការភ្ញាក់ផ្អើលកាលពីម៉ោង៤និង២០នាទីល្ងាច ថ្ងៃទី១៩ ខែសីហា ឆ្នាំ២០២០ ស្ថិតនៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ។
លោកវរសេនីយ៍ទោ វ៉ន សុភ័ណ្ឌ អធិការរងនគរបាលស្រុកស្ទោងទទួលផ្នែកព្រហ្មពណ្ឌ ប្រាប់ឱ្យដឹងថា ជនសង្ស័យខាងលើនេះឈ្មោះ កាក់ ដាវីត ភេទប្រុស អាយុ១៩ឆ្នាំ រស់នៅភូមិលាបទង ឃុំកំពង់ចិនត្បូង ស្រុកស្ទោង (ត្រូវជាចៅបង្កើត) រស់នៅជាមួយនឹងជីដូនជីតា ចំណែកឪពុកម្តាយជនសង្ស័យបាននាំគ្នាធ្វើចំណាកស្រុកទៅធ្វើការជាពលករនៅឯប្រទេសថៃអស់ហើយ។
ក្រោយពេលឃាត់ខ្លួនបាន នៅចំពោះមុនសមត្ថកិច្ច ជនសង្ស័យរូបនេះបានសារភាពថា មូលហេតុដែលនាំឲ្យរូបគេខឹងនឹងជីដូនរហូតដុតម៉ូតូនេះ ដោយសាររូបគេកន្លងមក ធ្លាប់ប្រើប្រាស់គ្រឿងញៀន ហើយក៏បានខ្ចីលុយបងប្អូនក្នុងភូមិមួយចំនួនយកមកចាយវាយ ដោយសន្យាថា ចាំទៅសុំលុយពីយាយរបស់គេមកសងវិញ ។ លុះដល់ពេលរូបគេមកដល់ផ្ទះជីតាក៏មិននៅ រួចក៏ដើររកជីដូនក៏មិនជួបទៀត ទើបធ្វើឲ្យគេផ្ទុះកំហឹងយ៉ាងខ្លាំង ក៏ទាញម៉ូតូម៉ាកហុងដាឌ្រីម ចេញពីក្រោមផ្ទះ យកទៅដុតចោលនៅខាងក្រោយផ្ទះ បណ្តាលឲ្យឆេះអស់តែម្តង។
ក្រោយពេលកើតហេតុ ជីដូនជីតាជនបង្កក៏បានប្តឹងសមត្ថកិច្ចជំនាញឲ្យធ្វើការឃាត់ខ្លួនជនសង្ស័យខាងលើ យកមកកាន់អធិការដ្ឋាននគរបាលស្រុកស្ទោង ដើម្បីកសាងសំណុំរឿងតាមនីតិវិធី ។ សមត្ថកិច្ចបានបញ្ជាក់ផងដែរថា ចំពោះជនសង្ស័យ យើងបានធ្វើការពិនិត្យទឹកនោម គឺមានផ្ទុកនូវសារធាតុញឿន។
ចែករំលែកព័តមាននេះ