សម្រាប់មនុស្សមួយចំនួន ការបន្តការសិក្សានៅសាកលវិទ្យាល័យប្រៀបបានជាដំណើរឆ្ពោះទៅរកភាពជោគជ័យក្នុងជីវិត។ ប៉ុន្តែក្នុងសង្គមជាក់ស្តែងបានបង្ហាញឲ្យឃើញយ៉ាងច្បាស់មកថា វាមិនមែនជាផ្លូវតែមួយក្នុងការសម្រេចបានភាពជោគជ័យទេ។ ចុះសុភមង្គលវិញ? តើការបញ្ចប់ការសិក្សានៅសាកលវិទ្យាល័យអាចជះឥទ្ធិពលលើសុភមង្គលរបស់មនុស្សបានប៉ុនណា? យោងទៅតាមលោក ជេហ្វហ្វ្រី អានេត (Jeffrey…
សម្រាប់មនុស្សមួយចំនួន ការបន្តការសិក្សានៅសាកលវិទ្យាល័យប្រៀបបានជាដំណើរឆ្ពោះទៅរកភាពជោគជ័យក្នុងជីវិត។ ប៉ុន្តែក្នុងសង្គមជាក់ស្តែងបានបង្ហាញឲ្យឃើញយ៉ាងច្បាស់មកថា វាមិនមែនជាផ្លូវតែមួយក្នុងការសម្រេចបានភាពជោគជ័យទេ។ ចុះសុភមង្គលវិញ? តើការបញ្ចប់ការសិក្សានៅសាកលវិទ្យាល័យអាចជះឥទ្ធិពលលើសុភមង្គលរបស់មនុស្សបានប៉ុនណា?
យោងទៅតាមលោក ជេហ្វហ្វ្រី អានេត (Jeffrey Arnett) ដែលជាអ្នកជំនាញផ្នែកចិត្តសាស្ត្រ និងសាស្ត្រចារ្យផ្នែកចិត្តសាស្ត្រប្រចាំសាកលវិទ្យាល័យ Clark University បានឲ្យដឹងថា ការអប់រំមានទំនាក់ទំនងខ្លាំងណាស់ជាមួយនឹងសុភមង្គលនៅថ្ងៃអនាគត។ ហើយក្នុងករណីនេះ សុភមង្គលត្រូវបានឲ្យនិយមន័យថា ការពេញចិត្ត និងជីវិតរបស់ខ្លួន។
ការស្រាវជ្រាវមួយនៅសហរដ្ឋអាមេរិកបានបង្ហាញប្រាប់មកថា មនុស្សកាន់តែមានសុភមង្គលពេលដែលទទួលបានការអប់រំកាន់តែខ្ពស់។ មូលហេតុ គឺមកពីការមានបរិញ្ញាប័ត្រទាក់ទិននឹងប្រភពនៃសុភមង្គលជាច្រើនដូចជា ការមានសុខភាពល្អ ការមានអាពាហ៍ពិពាហ៍នឹងនរ និងការរស់នៅបានយូរជាងមនុស្សដែលមិនបានរៀនចប់វិទ្យាល័យ។
លើសពីនេះទៅទៀត មនុស្សភាគច្រើនមានសុភមង្គលជាងមុន នៅពេលដែលខ្លួនអាចរកលុយបានច្រើនជាងមុន ហើយការមានបរិញ្ញាប័ត្រពិតជាអនុញ្ញាតឲ្យមនុស្សទូទៅរកបានការងារដែលផ្តល់ប្រាក់ខែខ្ពស់ជាងអ្នកដែលមិនមានបរិញ្ញាប័ត្រដែរ។
អ្នកស្រី ខេនដល ខតថន ប្រង់ (Kendall Cotton Bronk) ដែលជាអ្នកជំនាញផ្នែកចិត្តសាស្ត្រ និងសាស្ត្រាចារ្យនៅសាកលវិទ្យាល័យ Claremont Graduate University បានប្រាប់ទៅ CNBC Make IT ថា មនុស្សដែលទទួលបានការអប់រំខ្ពស់មានសមត្ថភាពក្នុងការធ្វើអ្វីដែលអនុញ្ញាតឲ្យពួកគេមានគោលដៅច្បាស់លាស់ក្នុងជីវិត។ ជាលទ្ធផល ពួកគេមានសុខភាពផ្លូវកាយ និងផ្លូវចិត្តរឹងមាំជាងមនុស្សទូទៅ។
ប៉ុន្តែអ្នកស្រីប្រង់បានបន្តទៀតថា បញ្ហាមួយដែលមនុស្សភាគច្រើនជួបប្រទះក្នុងសាកលវិទ្យាល័យ គឺការដែលពួកគេចង់ប្រើជំនាញ និងទេពកោសល្យរបស់ខ្លួន។ និស្សិតភាគច្រើនត្រូវផ្លាស់ប្តូរជំនាញរបស់ខ្លួនជាច្រើនដងរហូតអាចរកបានអ្វីដែលខ្លួនចូលចិត្ត។
មុខជំនាញដែលល្អបំផុត គឺជាមុខជំនាញដែលជួយផ្តល់អត្ថន័យ និងគោលដៅក្នុងជីវិតរបស់អ្នក។ ដូច្នេះអ្នកស្រីប្រង់បានប្រាប់មកថា មិនមានមុខជំនាញណាមួយដែលល្អបំផុតសម្រាប់អ្នកទេ ព្រោះមនុស្សរកបានអត្ថន័យ និងគោលដៅក្នុងជីវិតពីអ្វីផ្សេងៗគ្នា។ ដកស្រង់ចេញវេបសាយ ៖ cnbc
ចែករំលែកព័តមាននេះ