រាជធានីភ្នំពេញ ៖ អ្នកនាង ម៉ន ថារ័ត្ន ដែលជាអតីតពិធីការិនីនៅក្នុងទូរទស្សន៍មួយ ពេលនេះត្រូវបានអតីតប្តីធ្វើការបង្ហោះរូបភាពកូនប្រុសទាំង២នាក់ ដែលមានរបួសស្នាមពេញខ្លួនដោយសារតែត្រូវអតីតពិធីការិនីរូបនោះ បានប្រើប្រាស់អំពើហិង្សា ។…
រាជធានីភ្នំពេញ ៖ អ្នកនាង ម៉ន ថារ័ត្ន ដែលជាអតីតពិធីការិនីនៅក្នុងទូរទស្សន៍មួយ ពេលនេះត្រូវបានអតីតប្តីធ្វើការបង្ហោះរូបភាពកូនប្រុសទាំង២នាក់ ដែលមានរបួសស្នាមពេញខ្លួនដោយសារតែត្រូវអតីតពិធីការិនីរូបនោះ បានប្រើប្រាស់អំពើហិង្សា ។
ឆ្លើយឆ្លងតាមរយៈទូរស័ព្ទជាមួយក្រុមការងារ 60Buzz លោក ទី រ៉ានីល ដែលត្រូវជាអតីតប្តីរបស់អ្នកនាង ម៉ន ថារ័ត្ន បានឲ្យដឹងថា គាត់បានបែកគ្នាជាមួយភរិយារហូតមកដល់ពេលនេះមានរយៈពេលជិត៣ឆ្នាំមកហើយ ដោយមានការប្រកាសសាលក្រម ហើយត្រូវបានតុលាការសម្រេចឲ្យកូនម្នាក់១ ប៉ុន្តែដោយសារលោកមិនដាច់ចិត្តអោយកូនៗបែកគ្នា ទើបលោកប្រគល់កូនទាំង២ឲ្យទៅអតីតភរិយាជាអ្នកមើលថែ ដោយកូនបងអាយុ១៣ឆ្នាំ និងកូនប្អូនអាយុ៩ឆ្នាំ ។
លោកបន្តថា ពេលនេះលោកក៏មានភរិយាក្រោយដែរ ប៉ុន្តែតាំងពីបែកជាគ្នាជាមួយអតីតភរិយាមក នៅពេលដែលលោកទៅមើលកូនម្តងៗ តែងតែមានការរារាំងពីសំណាក់អតីតភរិយា ពេលខ្លះគាត់បានគំរាមកូនមិនឲ្យមកជួបរូបលោកជាឪពុកក៏មានដែរ ។
បើតាមកូនប្រុសទាំង២នាក់បានប្រាប់លោក ទី រ៉ានីល ដែលជាឪពុកឲ្យដឹងថា ស្លាកស្នាមនេះ គឺតាំងពីថ្ងៃទី៤ ខែសីហាកន្លងមក ហើយចំពោះមូលហេតុដែលម្តាយ ម៉ន ថារ័ត្ន ប្រើប្រាស់អំពើហិង្សាបែបនេះ ដោយសារតែកូនៗទាំង២នាក់លេងហ្គេមទូរស័ព្ទ និងមិនស្តាប់តាមការណែនាំរបស់ម្តាយ ទើបម្តាយបានយកខ្សែភ្លើងមកវាយតែម្តង ។
លោក ទី រ៉ានីល បានបញ្ជាក់ថា ពេលនេះលោកកំពុងរៀបចំពាក្យបណ្តឹង ដើម្បីស្នើសុំកូនប្រុសទាំង២នាក់យកមើលថែវិញម្តង ។
ដោយឡែកអតីតពិធីការិនីអ្នកនាង ម៉ន ថារ័ត្ន បានធ្វើការបង្ហោះនៅលើគណនីហ្វេសប៊ុកផ្ទាល់ខ្លួនដោយបញ្ជាក់ថា បងប្អូន ដែលចង់ដឹងរឿងដំណើរដើមទង ដែលតែស្ករតាមគ្នា គួរបញ្ឈប់វប្បធ៌មនឹងទៅ ការមើលហ្វេសប៊ុកតែពីជ្រុងម្ខាងមិនគ្រប់ជ្រុងជ្រោយទេ មនុស្សល្អគេមិនផុសរឿងពន្លើសការពិត ក្នុងគោលបំណងបង្ខូចកេរ្តិ៍ឈ្មោះអតីតភរិយាខ្លួនអែង និងជាពិសេសមុខមាត់កូន អារម្មណ៍កូនលើបណ្តាញសង្គមចឹងដែរ។
ហើយដែលនាងបច្ចុប្បន្ន ម្តាយចិញ្ចឹមកូនប្រុសរបស់គាត់ទាំងពីរនាក់ ដោយរែកទាំងបំណុលអាពាហិ៍ពិពាហ៍ និងចិញ្ចឹមបីបាច់ថែរក្សា បង់ថ្លៃសិក្សារៀនសូត្រ ឈឺថ្កាត់យប់ថ្ងៃឡើយ។ យ៉ាងណា នាងជាម្តាយម្នាក់ ដែលពពោះបង្កើតកូនបីបាច់ម្នាក់អែង ជួនកាលកូនខ្ចីគ្មានប្តីនៅក្បែរក៏មាន និងអោបកូនមកជាមួយរហូត មិនថាលំបាកលំបិនយ៉ាងណាឡើយ បងប្អូនពិចារណាតាមការគួរ ចង្កៀងផ្ទះអ្នកណា ភ្លឺផ្ទះអ្នកហ្នឹង ៕
ចែករំលែកព័តមាននេះ