ខេត្តបន្ទាយមានជ័យ ៖ យានដ្ឋានកែច្នៃរថយន្តខុសច្បាប់មួយកន្លែង បានត្រូវមន្ត្រីមន្ទីរសាធា រណការនិងដឹកជញ្ជូនខេត្តចុះទៅបិទ ហើយម្ចាស់បានផ្ទេរដោយការជួលទៅឲ្យឧកញ៉ាម្នាក់
តែមិនត្រូវបានអនុញ្ញាតឲ្យឡើយ គឺត្រូវតែបិទ ព្រោះនេះជាបទបញ្ជាអភិបាលខេត្ត ។
លោក សុក ស៊ីថា ប្រធានមន្ទីរសាធារណការ និងដឹកជញ្ជូនខេត្ត ថ្លែងថា ការចុះទៅបិទយាន
ដ្ឋាននេះមានមន្ត្រីចម្រុះដែលមាន មន្ទីរសាធារណការនិងដឹកជញ្ជូនខេត្ត កម្លាំងសណ្តាប់ធ្នាប់នៃស្នងការដ្ឋាននគរបាលខេត្ត និងអាជ្ញាធរមូលដ្ឋាន។
យានដ្ឋានកែច្នៃរថយន្តខាងលើ មានម្ចាស់ឈ្មោះ ឆាយ ឈាន មានទីតាំងស្ថិតក្នុងភូមិគោរដ្ឋាន
សង្កាត់អូរអំបិល ក្រុងសិរីសោភ័ណ ត្រូវបានបិទកាលពីថ្ងៃទី២២ ខែកក្កដា ឆ្នាំ២០២០កន្លង
ទៅ ។
ប៉ុន្តែក្រោយពីតម្រូវឲ្យបិទ ក្រោយមកក្រុមមន្ត្រីបានទទួលព័ត៌មានពីប្រជាពលរដ្ឋជិតខាងប្រាប់ថា យានដ្ឋាននេះ ឈ្មោះ ឆាយ ឈាន បិទទ្វារតែខាងក្រៅទេ តាមពិតនៅបន្តលួចធ្វើនៅខាងក្នុង ។ ពេលនោះមន្ត្រីជំនាញបានទៅណែនាំឲ្យបញ្ឈប់ ហើយម្ចាស់ឆ្លើយតបថា យានដ្ឋាននេះបានជួលឲ្យឧកញ៉ាម្នាក់ធ្វើបន្តហើយ ។
លោក សុក ស៊ីថា បញ្ជាក់ថា មូលហេតុដែលមន្ត្រីជំនាញចុះបិទយានដ្ឋាននេះ ព្រោះធ្វើអាជីវកម្មល្មើសច្បាប់ ដោយសុំអនុញ្ញាតច្បាប់ជួសជុល តែលួចកែច្នៃរថយន្តខុសបច្ចេកទេសទើបរដ្ឋបាលខេត្តបិទតាមការណែនាំពីអភិបាលខេត្ត មិនឲ្យដំណើរការបន្តទៀត ។ បើសិនជានៅតែលួចបន្តកែច្នៃទៀត មន្ត្រីជំនាញស្រាវជ្រាវដឹងនឹងចាត់វិធានការទៅតាមច្បាប់តែម្តង ៕
ចែករំលែកព័តមាននេះ