រាជធានីភ្នំពេញ ៖ ពិធីករប្រុសសង្ហាកំពុងមានប្រជាប្រិយភាពខ្លាំង នៅក្នុងសង្គមកម្ពុជាដោយសារតែលោកពូកែលេងសម្តីវោហាស័ព្ទមិនចេះរីងស្ងួត លោក ជា វិបុល បានធ្វើអោយមហាជនសរសើរមិនដាច់ពីមាត់នោះទេ ក្នុងការមើលថែរក្សាក្រុមគ្រួសារយ៉ាងយកចិត្តទុកដាក់ មិនថា គ្រប់កាលៈទេសៈទាំងអស់ ជាពិសេសទៅលើកូនស្រីពៅតែមួយគត់ ។
បើទោះបីជា មានការរវល់ជាមួយនឹងការងារសិល្បៈជាច្រើនក្តី ក៏ពិធីករប្រុសឆ្នើមនៅក្នុងស្ថានីយទូរទស្សន៍ហង្សមាសរូបនេះ តែងតែផ្តល់ភាពកក់ក្តៅជាមួយនឹងគ្រួសារជានិច្ច ។
ជាពិសេសមហាជនតែងតែឃើញលោកតែងតែមានដំណើរកម្សាន្តជាលក្ខណៈគ្រួសារជាប្រចាំ ប៉ុន្តែកាលពីពេលថ្មីៗនេះ ពិធីករប្រុសរូបនេះកាន់តែធ្វើអោយមហាជនសរសើរទៀតហើយ ទៅលើការយកចិត្តទុកដាក់ជាមួយនឹងកូនស្រីពៅជាទីស្រលាញ់មានមុខមាត់គួរស្រលាញ់នោះ គឺដូរី ដោយបានជួយកក់សក់ និងភ្លុំសក់ដល់កូនយ៉ាងផ្ទាត់ជំនាញផងដែរ។
យ៉ាងណាមិញ ដោយឃើញទង្វើជាមេគ្រួសារដ៏ល្អបែបនេះ បានធ្វើអោយមហាជនតែងតែសរសើរទៅដល់លោក ជាវិបុល ជានិច្ច ពីព្រោះតែរូបលោកជួយសម្រាលកិច្ចរបស់ភរិយា នោះ គឺអ្នកនាង គង់ សុជាតិ បន្ទាប់ពីទំនេរពីការងារសិល្បៈ។
គួរបញ្ជាក់ផងដែរថា បើទោះបីជាមានរឿងនៅក្នុងគ្រួសារមួយរយៈកន្លងមកនេះក៏ពិតមែន ដែលជាហេតុធ្វើអោយអ្នកនាងគង់ សុជាតិឈឺយ៉ាងណាក្តី ក៏លោកនៅតែធ្វើខ្លួនជាមេគ្រួសារដ៏ល្អមួយរូបរហូតទទួលបានការសរសើរពីសំណាក់អ្នកគាំទ្រជាច្រើនផងដែរ ៕
ចែករំលែកព័តមាននេះ