ខេត្តកណ្តាល ៖ កណ្តុរបានកំពុងមានតម្លៃសម្រាប់អ្នកចូលមានចំណូលហូប ទោះបីជាឈ្នួយទិញយកទៅប្រទេសវៀតណាមមិនបានឡើងមកទិញដូចមុនសម័យការផ្ទុះជំងឺកូវីដ១៩ ក៏ដោយ ។ នេះបើតាមការបញ្ជាក់របស់អ្នកប្រកបរបទាប់ចាប់កណ្តុរលក់នៅក្នុងភូមិពាមប្រជុំ ស្ថិតក្នុងឃុំព្រែក អំបិលស្រុកស្អាង ខេត្តកណ្តាល…
ខេត្តកណ្តាល ៖ កណ្តុរបានកំពុងមានតម្លៃសម្រាប់អ្នកចូលមានចំណូលហូប ទោះបីជាឈ្នួយទិញយកទៅប្រទេសវៀតណាមមិនបានឡើងមកទិញដូចមុនសម័យការផ្ទុះជំងឺកូវីដ១៩ ក៏ដោយ ។ នេះបើតាមការបញ្ជាក់របស់អ្នកប្រកបរបទាប់ចាប់កណ្តុរលក់នៅក្នុងភូមិពាមប្រជុំ ស្ថិតក្នុងឃុំព្រែក អំបិលស្រុកស្អាង ខេត្តកណ្តាល ។
ស្ថិតក្នុងសម្លៀកបំពាក់រហែកតិចៗ និងប្រឡាក់ភក់ទើបមកពីដោះកណ្តុរដែលជាប់អង្គប់ពីក្នុងព្រៃ ហើយកំពុងធ្វើកណ្តុរ លោក ង៉ែត មានមុខរបចាប់ ឬទាក់កណ្តុរលក់ បន្ទាប់ពី ធ្វើស្រែចំការបានឲ្យដឹងថា រាល់ថ្ងៃនេះគាត់បានទាក់កណ្តុរមកលក់ ដើម្បីបានថវិកាផ្គត់ផ្គង់គ្រួសារបានតិចជាងមុនសម័យកូវីដ១៩ តែតម្លៃបានថ្លៃ ។
ការទាក់ ឬចាប់កណ្តុរបានតិចត្រូវលោកលើកឡើងថា ឥលូវនេះកណ្តុរទាក់មិនបានដូចមុននោះទេ ដោយសារភ្លៀងធ្លាក់ជាប់ៗពេកធ្វើឲ្យកណ្តុរមិនហានចេញមករកចំណី ។ ដោយទាក់បានតែ២ ឬ៣គីឡូក្នុងមួយថ្ងៃខុសពីពេលមុខ ដោយសារគ្មានភ្លៀងច្រើន គឺ រហូតដល់ជិត១០គីឡូ ឬច្រើនជាងនេះក៏មាន ។ លោកបញ្ជាក់ថា ៖«ថ្ងៃនេះបានតែ២ ឬ៣គីឡូទេក្មួយ ព្រោះភ្លៀងតាំងពីព្រឹកដល់យប់ បែបនេះកណ្តុរមិនចេញមកទេ ។ ខ្ញុំបានដាក់អង្គប់ជាង២០០ឯណោះ តែបានតិចថ្ងៃនេះ ខុសពីពេលគ្មានភ្លៀង គឺបានច្រើន» ។
លោកឲ្យដឹងទៀតថា នៅពេលដែលលោកមិនបានទៅដាក់កូនគាត់ក៏បានដាក់ជំនួស ដោយមានទីតាំងដែលដាក់អង្គប់មានចំណាយប្រមាណជាង៣គីឡូម៉ែត្រ ។ កណ្តុរដែល ទាក់បានលក់មានតម្លៃខុសគ្នា ដោយកណ្តុរនៅរស់លក់៩ពាន់រៀល ក្នុងមួយគីឡូ និងកណ្តុរធ្វើរួចហើយតម្លៃ ១៥០០០រៀលក្នុងមួយគីឡូ ហើយបើបោះឲ្យម៉ូយយកទៅលក់បន្ត តម្លៃ១ម៉ឺនរៀលក្នុងមួយគីឡូ ។
សម្រាប់ទីផ្សាលក់ឲ្យម៉ូយវៀតណាមវិញ លោកក៏បានឲ្យដឹងថា ចាប់តាំងពីជំងឺកូវីដ១៩មក ម៉៉ូយគាត់មិនបានមកទិញទៀតទេ ហើយលោកក៏មិនចាប់កណ្តុរលក់ឲ្យផងដែរម៉ូយ វៀតណាមផងដែរ ដោយសារទាក់បានតិចៗសម្រាប់លក់នៅទីផ្សារក្បែរផ្ទះ ស្ទើមិនគ្រាន់ផង ។ នៅពេលមុខសម័យកូវីដ១៩ កណ្តុរថោក ដោយតម្លៃមួយគីឡូតែ៩ពាន់រៀលឬលើស តិចប៉ុណ្ណោះ។ លោកបញ្ជាក់ថា៖« អាលូវនេះខ្ញុំអត់បានលក់ឲ្យម៉ូយវៀតណាមទេ គឺបានលក់នៅផ្សារក្នុងភូមិទេ ។ យើងលក់រាយតម្លៃ១៥០០រៀល ហើយបោះឲ្យគេ១ម៉ឺនរៀល ដោយគេយកទៅលក់បន្ត១៥០០០រៀល»។
បើតាមប្រព័ន្ធគាត់ អ្នកមីង ហ៊ុំក៏បានឲ្យដឹងថា កណ្តុរឥលូវមិនសូវរកបាន តែអ្នកហូប មានច្រើនតែគេហូបច្រើន ព្រោះសាច់វាមិនមានជាតិគីមី ដូចជា សាច់មួយចំនួនគេចាក់គីមីផងដែរ ។ អ្នកមីងបានបញ្ជាក់ថា៖«អាលូវឈ្នួលវៀតណាមមិនបានឡើងមកទិញទេ ! យើងបានតែលក់ឲ្យម៉ូយនៅតាមផ្សារអីញ្ចឹង តែម៉ូយគេយកមកដល់ផ្ទះ ដោយមត្លៃ១ម៉ឺនរៀល គេយកទៅលក់១៥០០០រៀល»។
អ្នកមីងដែលយកកណ្តុរទៅលក់នៅទីផ្សារ ឬបោះឲ្យម៉ូយក៏បានឲ្យដឹងថា ក្រៅពីប្តីអ្នកមីិងក៏មានអ្នកភូមិប្រកបរបទាក់កណ្តុរនេះដែរ ប៉ុន្តែគេមិនសូវទាក់បានដូចប្តីអ្នកមីងនោះទេ ។ តែអាលូវនេះកូនគាត់បានដាក់អង្គប់ជំនួសប្តីគាត់ ដោយគាត់នៅមើលគោ និងធ្វើស្រែវិញ ។ អ្នកមីងថា ៖«បើមើលទៅអ្នកភូមិរកមិនសូវបានដូចកូនខ្ញុំទេ ។ អាលូវនេះអ្នកដើរទិញ កណ្តុរក៏ទិញមិនបានដែរ បើកូនខ្ញុំរកមិនបាន ហើយខ្ញុំទៅទិញគេក៏មិនបានដែរ» ។
អ្នកមីងក៏បានឲ្យដឹងទៀតថា នៅពេលមុនថ្ងៃខ្លះដាក់បានមួយថ្ងៃ៧ ឬ៨ ឬ៦គីឡូ (ធ្វើហើយ) តែលពេលខ្លះឡើងជាងនេះ ឬចុះជាងនេះ បើគិតទាំងនៅរស់ជាង១០គីឡូ ។ ប៉ុន្តែពេលនេះមិនបានដូចមុននោះទេ ដោយសារគេភ្ជូរដីទុកសម្រាប់ធ្វើស្រែច្រើន ។ បើតាមអ្នកមីងបានឲ្យដឹងថា កូនអ្នកមីងបានយកអង្គប់ដាក់នៅម៉ោងប្រមាណ៤ល្ងាច លុះព្រឹកឡើងទើបទៅសា ឬមើលដើម្បីដោះយកកណ្តុរដែលជាប់មកផ្ទះធ្វើឲ្យម៉ូយ៕
ចែករំលែកព័តមាននេះ