គ្រាន់តែចូលខែថ្មីភ្លាម ស្រាបៀរ កម្ពុជា បានប្រគល់រង្វាន់រថយន្តទំនើប Porsche ទី៤ របស់ខ្លួនជូនដល់អ្នកមានសំណាងគាស់ឈ្នះ គឺលោក ធា ថុល…
គ្រាន់តែចូលខែថ្មីភ្លាម ស្រាបៀរ កម្ពុជា បានប្រគល់រង្វាន់រថយន្តទំនើប Porsche ទី៤ របស់ខ្លួនជូនដល់អ្នកមានសំណាងគាស់ឈ្នះ គឺលោក ធា ថុល ពលរដ្ឋរស់នៅខេត្តសៀមរាបរួចរាល់ហើយ លើឆាកប្រគំតន្ត្រី Cambodia Brew The Beat នៃស្ថានីយ៍ទូរទស្សន៍ហង្សមាស HDTV កាលពីរាត្រីថ្ងៃទី១ សីហានេះ។
លោក ធា ថុល បានរៀបរាប់ទាំងទឹកមុខរំភើបថា៖ «អរមែនទែនបង! ទីបំផុត ខ្ញុំបានទទួលរថយន្តមួយដូចដែលក្រុមហ៊ុនសន្យាពិតប្រាកដមែន។ នេះដូចជាការយល់សប្តិសម្រាប់ខ្ញុំ ព្រោះ ខ្ញុំមិននឹកស្មានដល់សោះថា ថ្ងៃណាមួយខ្ញុំក្លាយជាម្ចាស់ឡានទំនើបអីចឹង»។
នាយក រោងចក្រ នៃក្រុមហ៊ុនខ្មែរ ប៊ែវើរីជីស លោកបណ្ឌិត Zvonimir Nemet ដែលជាអ្នកប្រគល់រង្វាន់ដោយផ្ទាល់ដៃ បានថ្លែងសាទរ និងរំពឹងថា នឹងរកឃើញអ្នកមានសំណាងជាបន្តបន្ទាប់ទៀតក្នុងពេលឆាប់ៗនេះ។
លោកក៏បានថ្លែងអំណរគុណដល់អតិថិជន ដែលតែងតែគាំទ្រ ស្រាបៀរ កម្ពុជា។ បើទោះបីមិនទាន់ត្រូវរង្វាន់ធំណាមួយ សូមបន្តគាំទ្រ និង ពិនិត្យក្រវិលកំប៉ុងជានិច្ច ដើម្បីមានឱកាសឈ្នះរង្វាន់ដូចជារថយន្ត Porsche Macan ទឹកប្រាក់៥០លានរៀល ៥លានរៀល និងរង្វាន់ទឹកប្រាក់ជាច្រើនទៀត។
ពិសា ស្រាបៀរ កម្ពុជា ដោយការទទួលខុសត្រូវ!
ដោយសហការ
