កងពលតូច​ទ័ព​ពិសេស​ឆត្រយោង​911 ក្លាយជា​បញ្ជាការដ្ឋាន​ទ័ព​ពិសេស


ខេត្តកំពង់ស្ពឺ ៖ ឧត្តមសេនីយ៍ឯក ហ៊ុន ម៉ា​ណែ​ត អគ្គមេបញ្ជាការ​រង​នៃ​កង​យោធពល​ខេមរភូមិន្ទ និង​ជា​មេបញ្ជាការ​កងទ័ពជើងគោក​បាន​អញ្ជើញ​ជា​អធិបតី​ក្នុង​ពិធី​ប្រកាស​ជា​ផ្លូវការ​ការ​កែ​សម្រួល​កងពលតូច​ទ័ព​ពិសេស​ឆត្រយោង​៩១១ ទៅ​ជា​បញ្ជាការដ្ឋាន​ទ័ព​ពិសេស​ចំណុះ​បញ្ជាការដ្ឋាន​កងទ័ពជើងគោក និង​ពិធី​បើក​វគ្គ​ហ្វឹកហ្វឺន​បំប៉ន​ជំនាញ​បច្ចេកទេស​សង្គ្រោះ​គ្រោះ
មហន្តរាយ វគ្គ​ហ្វឹកហ្វឺន​បណ្តុះបណ្តាល​ជំនាញ​កុម្ម​ង់​ដូ​ជំនាន់​ទី​១០ និង​វគ្គ​ហ្វឹកហ្វឺន​បំប៉ន​ជំនាញ
បើកបរ​-​ជួសជុល​អូ​ប័​រ និង​របៀប​សង្គ្រោះ​ជំនាន់​ទី​៤ កាលពី​ថ្ងៃ​ទី​២៩ ខែកក្កដា ឆ្នាំ​២០២០ ។

ឧត្តមសេនីយ៍ឯក ហ៊ុន ម៉ា​ណែ​ត បាន​ថ្លែង​អបអរសាទរ​ចំពោះ​កងពលតូច​ទ័ព​ពិសេស​ឆត្រ
យោង​៩១១ ដែល​ទទួល​បានការ​ទុកចិត្ត​ពី​រាជរដ្ឋាភិបាល សម្រេច​កែសម្រួល​ដំឡើង​ទៅ​ជា​បញ្ជាការដ្ឋាន​ទ័ព​ពិសេស​ចំណុះ​បញ្ជាការដ្ឋាន​កង​ទ័ពជើងគោក ។ នេះ​គឺជា​ជំហាន​ថ្មី​មួយទៀត
ប្រកបដោយ​មោទនភាព​សម្រាប់​កង​យោធពល​ខេមរភូមិន្ទ សម្រាប់​កងទ័ពជើងគោក ក៏​ដូច​ជា​សម្រាប់​កងពលតូច​ទ័ព​ពិសេស​ឆត្រយោង​៩១១​ផ្ទាល់ ហើយ​ក៏​បាន​បង្ហាញ​ឱ្យ​ឃើញ​ការ​ទទួលស្គាល់​សមត្ថភាព ឆន្ទៈ និង​ការ​ខិតខំ​ប្រឹង​​ប្រែង​ក្នុង​ការ​បំពេញភារកិច្ច​កន្លង​មក​របស់​យោ
ធិ​ន​ទូ​ទាំង​អង្គភាព ។

ឧត្តមសេនីយ៍ឯក ហុ​៊​ន ម៉ា​ណែ​ត ថ្លែង​ទៀត​ថា រហូត​មក​ដល់​ពេល​នេះ កងពលតូច​ទ័ព​ពិ​សេស​ឆត្រយោង​៩១១ បាន​ស្ថិត​ក្នុង​ដំណាក់កាល​ប្រវត្តិសាស្ត្រ​ថ្មី​មួយទៀត ដោយ​ទទួល​បានការ​កែ​សម្រួល​ផ្តើម​ពី​កងអនុសេនាធំ​កងទ័ព​ឆត្រ​យោង​ក្នុង​ឆ្នាំ​១៩៤៨ និង​បាន​ក្លាយជា​កង​វរ​សេ​នា​ធំ​នៅ​ក្នុង​ឆ្នាំ​១៩៩៥ និង​ជា​កងពលតូច​នៅ​ក្នុង​ឆ្នាំ​១៩៩៩ ហើយ​បាន​ក្លាយជា​បញ្ជាការដ្ឋាន​ទ័ព​ពិសេស​ក្នុង​ឆ្នាំ​២០២០​នេះ ដែល​ជា​ឆ្នាំ​ពិសេសមួយ ព្រោះ​ជាមួយនឹង​ទំនុកចិត្ត​របស់​​រាជរដ្ឋា​ភិបាល​ក្នុង​ការ​រៀបចំ​ជា​កង​អន្តរាគមន៍​ក្នុង​កម្រិត​រចនាសម្ព័ន្ធ​ចាត់តាំង​ថ្មី កងពល​ក៏​ទទួល​បាន​នូវ​ការ​បំពាក់​ឯកសណ្ឋាន​ថ្មី ដែល​រចនា​ដោយ​នាយទាហាន​របស់​អង្គភាព​ផ្ទាល់ ។

ប៉ុន្តែ​បេសកកម្ម​នៅ​ដដែល គឺ​ការ​ហ្វឹកហ្វឺន​ពង្រឹងកម្លាំង និង​ត្រៀម​អនុវត្ត​បទបញ្ជា ដើម្បី​ការពារ​បូរណភាព​ទឹកដី ការពារ​សុខ​សន្តិភាព ក៏​ដូច​ជា​ការ​ចូលរួម​ជួយ​សង្គ្រោះ​ប្រជាពលរដ្ឋ​។ សំខាន់​ផង​ដែរ​នោះ គឺ​ក្នុង​នាម​ជា​បញ្ជាការដ្ឋាន​ទ័ព​ពិសេស​ចំណុះ​កងទ័ពជើងគោក ដែល​ទទួល​ភារកិច្ច​ជា​ទ័ព​ជំនាញ អង្គភាព​ធ្វើការ​ហ្វឹកហ្វឺន​ជំនាញ​ទ័ព​ពិសេស មិនមែន​តែ​នៅ​ក្នុង​ក្របខ័ណ្ឌ​កងទ័ព​ជើងគោក​ប៉ុណ្ណោះ​ទេ ប៉ុន្តែ​អង្គភាព​ក៏​មាន​ភារកិច្ច​បណ្តុះបណ្តាល​កសាង​សមត្ថភាព​លើ​ជំនាញ​នេះ​សម្រាប់​ទូ​ទាំង​កង​យោធពល​ខេមរភូមិន្ទ ក៏​ដូច​ជា​កងកម្លាំងប្រដាប់អាវុធ​ជាតិ​ទាំងមូល​តែ​ម្តង រួម​ទាំង​កង​នគរបាល​ជាតិ​ផង​ដែរ ។

ឯកឧត្តម ហុ​៊​ន ម៉ា​ណែ​ត បន្ត​ថា សម្រាប់​រយៈពេល​វែង កំណែទម្រង់កងទ័ព​ត្រូវ​ផ្អែក​លើ​មូលដ្ឋាន​ជាតិនិយម ក្នុង​នោះ ៖

ទី​១-​ត្រូវ​ថែរក្សា​នូវ​ស្មារតី​ឆន្ទៈ​សេ្ន​ហា​ជាតិ ការពារ​ជាតិ សាសនា ព្រះមហាក្សត្រ ការពារ​រាជរដ្ឋា​ភិបាល​ស្របច្បាប់ និង​សុខ​សន្តិភាព​ជាតិ

ទី​២-​ត្រូវ​ធានា​ឱ្យ​បាន​នូវ​សមត្ថភាព​ម្ចាស់​ការ​លើ​ការ​បំពាក់ និង​ការ​ហ្វឹកហ្វឺន ។

ចក្ខុវិស័យ​របស់​កងទ័ពជើងគោក​ក្នុង​ការ​កែទម្រង់ គឺ​ការ​ហ្វឹកហ្វឺន​ត្រូវធ្វើ​ជា​ជំហាន​ៗ ជា​ពិសេស​ការ​ហ្វឹកហ្វឺន​ទ័ព​ជំនាញ ហើយ​ត្រូវ​ប្រមូលផ្តុំ​ពីលើ​ចុះ​ក្រោម ឱ្យ​សម​ស្រប​នឹង​ធនធាន​របស់​យើង ស្រប​នឹង​អនុសាសន៍​របស់​សម្តេច​តេ​ជោ​នាយក​រដ្ឋមន្ត្រី ក្នុង​ឱកាស​ខួប​២០​ឆ្នាំ​ថ្ងៃ​បង្កើត​បញ្ជាការដ្ឋាន​កងទ័ពជើងគោក ដែល​តម្រូវ​ឱ្យ​ពង្រឹង​ការ​ហ្វឹកហ្វឺន និង​បង្កើន​សមត្ថភាព​លើ​គ្រប់​ផ្នែក ។

ឧត្តមសេនីយ៍ឯក ហ៊ុន ម៉ា​ណែ​ត ថ្លែង​ទៀតថា ទាំង​នៅ​ក្នុង​បេសកកម្ម​ថែរក្សា​ការពារ​បូ​រណ​ភាព​ទឹកដី ការពារ​សុខ​សន្តិភាព ស្ថិរភាព ប្រតិបត្តិ​ការ​សង្គ្រោះ​ទឹកជំនន់ អគារ​បាក់ គឺ​សុទ្ធតែ​ជា​​ប្រតិ​បត្តិការ​ដើម្បី​សង្គ្រោះ​ជីវិត​ប្រជាពលរដ្ឋ ។

តួយ៉ាង​ការ​ថែរក្សា​បាន​នូវ​ស្ថិរភាព និង​រារាំង​កុំឱ្យ​មាន​សង្គ្រាម គឺ​ដូច​ជា​ការ​ថែរក្សា​ការពារ​បាន​នូវ​អាយុជីវិត​របស់​ប្រជាពលរដ្ឋ​យើង​រាប់​មិន​អស់ ។

ដូច្នេះ​សូម​គ្រប់​កងឯកភាព ក៏​ដូច​ជា​កងកម្លាំង​ប្រដាប់​អាវុធ​ជាតិ​ទាំងមូល សូម​ពង្រឹង​នូវ​ស្មារតី​ឆន្ទៈ មនសិការ​ស្នេហា​ជាតិ ការពារ​ឱ្យ​បាន​ដាច់​ខាត​នូវ​សុខ​សន្តិភាព ដែល​បាន​មក​ដោយ​ការ​លំ
បាក និង​ចូលរួម​ដើម្បី​ជួយ​ប្រទេស​ជាតិ និង​ជួយ​សង្គ្រោះ​ប្រជាពលរដ្ឋ​យើង ៕

Facebook Google Twitter Email

Live

Sponsored News

០៨:៤៦ | ក្នុងស្រុក

ក្រុមហ៊ុនបុត្រសម្ព័ន្ធ រ៉ូយ៉ាល់គ្រុប ទទួលស្វាគមន៍ទស្សនកិច្ចពិសេសរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត សម្រាប់ដំណើរស្វែងយល់អំពីឌីជីថលនីយកម្ម និងបច្ចេកវិទ្យាបណ្តាញ 5G !

ការស្ទង់មតិគេហទំព័រថ្មី




សូម​អរគុណ