ADផ្ទាំងផ្សព្វផ្សាយពាណិជ្ជកម្ម

Picture

​រថយន្តមន្ត្រីយោធាម្នាក់ក្រឡាប់ច្រើន​ត្រឡប់នៅចំណុចផ្លូវកោង​

3 ឆ្នាំ មុន
  • ស្វាយរៀង

ខេត្តស្វាយរៀង ​៖ ​មន្ត្រី​យោធា​ម្នាក់​បើកបរ​រថយន្តមួយគ្រឿងក្នុងល្បឿន​លឿន​ដូច​ហោះ​លុះ​មក​ដល់​ចំណុច​ផ្លូវ​កោង សង្ស័យ​​ចាប់​ហ្វាំ​ងមិនជាប់ បណ្តាល​ឱ្យ​​ក្រឡាប់​បួន​ប្រាំ​ត្រឡប់​ផ្ងា​រជើង​ឡើង​សង្កត់​លើ​របង​ផ្ទះ​​របស់​ប្រជាពលរដ្ឋ​ ចំណែក​អ្នកបើកបរ​បាន​រង​របួសស្រាល ។ ​ពាក់ព័ន្ធនឹងករណីនេះ ត្រូវបាន​សមត្ថកិច្ច​ដាក់​ការ​សង្ស័យ​ថា ទំនង​​ជា​អ្នកបើកបរ​ស្រវឹងស្រា…

ខេត្តស្វាយរៀង ​៖ ​មន្ត្រី​យោធា​ម្នាក់​បើកបរ​រថយន្តមួយគ្រឿងក្នុងល្បឿន​លឿន​ដូច​ហោះ​លុះ​មក​ដល់​ចំណុច​ផ្លូវ​កោង សង្ស័យ​​ចាប់​ហ្វាំ​ងមិនជាប់ បណ្តាល​ឱ្យ​​ក្រឡាប់​បួន​ប្រាំ​ត្រឡប់​ផ្ងា​រជើង​ឡើង​សង្កត់​លើ​របង​ផ្ទះ​​របស់​ប្រជាពលរដ្ឋ​ ចំណែក​អ្នកបើកបរ​បាន​រង​របួសស្រាល ។ ​ពាក់ព័ន្ធនឹងករណីនេះ ត្រូវបាន​សមត្ថកិច្ច​ដាក់​ការ​សង្ស័យ​ថា ទំនង​​ជា​អ្នកបើកបរ​ស្រវឹងស្រា ។​

ករណី​គ្រោះថ្នាក់​ចរាចរណ៍​ខាងលើ​នេះ​​បាន​កើតឡើង​​កាលពី​​វេលា​ម៉ោង​៨​និង​២០​នាទី​យប់​ថ្ងៃ​ទី​២២​ កក្កដា​ ឆ្នាំ​២០២០​ នៅ​ចំណុច​ផ្លូវ​កោង​ខាង​មុខ​សាលា​បឋម​សិក្សា​ម៉ឹង​សំ​ផ​ន ​តាម​បណ្តោយ​ផ្លូវជាតិ​លេខ​១ ​​ស្ថិត​ក្នុង​ភូមិ​ថ្នល់កែង ​ឃុំ​កណ្តៀង​រាយ ​ស្រុក​ស្វាយ​ទាប​ ខេត្តស្វាយរៀង​។

បើ​តាម​សមត្ថកិច្ច​បាន​ឲ្យ​ដឹង​ថា រថយន្ត​មួយគ្រឿង​ដែល​ក្រឡាប់​ផ្ងា​រ​ជើង​ខាងលើ​នោះ​ម៉ាក​ហា​យឡែន​​ឌ័​រ ពណ៌​ទឹកប្រាក់ ​ពាក់​ស្លាក​លេខ ខ.ម ដែល​គេ​ស្គាល់​ថា អ្នកបើកបរ​ជា​មន្ត្រី​យោធា​ម្នាក់​ តែមិនស្គាល់ឈ្មោះនោះទេ ។

​ក្រោយពេលកើតហេតុ សមត្ថកិច្ច​​បាន​ហៅ​រថយន្ត​មក​ស្ទូច​យក​ទៅ​រក្សា​ទុក​នៅ​អធិការដ្ឋាន​នគ​បាល​ស្រុក​ស្វាយ​ទាប ​ដើម្បី​​រង់ចាំធ្វើការ​ដោះស្រាយ​នៅពេលក្រោយទៀត ៕ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ