ខេត្តកំពង់ស្ពឺ ៖ សេចក្ដីរាយការណ៍ព័ត៌មានបឋមបានឲ្យដឹងថា នៅមុននេះប៉ុន្មាននាទី មានករណីគ្រោះថ្នាក់ចរាចរណ៍មួយបានកើតឡើង ត្រង់ចន្លោះបង្គោលគីឡូម៉ែត្រលេខ៣៩-៤០ ស្ថិតនៅភូមិស្លា ឃុំវល្លិ៍ស ស្រុកសំរោងទង ខេត្តកំពង់ស្ពឺ។…
ខេត្តកំពង់ស្ពឺ ៖ សេចក្ដីរាយការណ៍ព័ត៌មានបឋមបានឲ្យដឹងថា នៅមុននេះប៉ុន្មាននាទី មានករណីគ្រោះថ្នាក់ចរាចរណ៍មួយបានកើតឡើង ត្រង់ចន្លោះបង្គោលគីឡូម៉ែត្រលេខ៣៩-៤០ ស្ថិតនៅភូមិស្លា ឃុំវល្លិ៍ស ស្រុកសំរោងទង ខេត្តកំពង់ស្ពឺ។
ជនរងគ្រោះមិនទាន់ត្រូវបានគេស្គាល់អត្តសញ្ញាណនៅឡើយទេ គ្រាន់តែមុនពេលកើតហេតុគេឃើញ បុរសជាជនរងគ្រោះធ្វើដំណើរបើកបរដោយម៉ូតូហុងដាសេ១២៥មួយគ្រឿង តែម្នាក់ឯងក្នុងទិសដៅពីលិចទៅកើត ចំណែករថយន្តបង្ក ជារថយន្តធុនតូច(មិនចាំម៉ាក) បានធ្វើដំណើរស្របទិសគ្នា ហើយបានវ៉ារថយន្តដូចគ្នាខាងស្ដាំដៃ។ ខណៈនោះក៏បានបុកម៉ូតូជនរងគ្រោះដែលកំពុងធ្វើដំណើរតាមដងផ្លូវស្របទិសគ្នា បណ្ដាលឲ្យជនរងគ្រោះបាក់ដៃឆ្វេង២កំណាត់ និងជើងឆ្វេង២កំណាត់ផងដែរ។ ក្រោយពេលកើតហេតុ ជនរងគ្រោះត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យ ៕ ដោយ ៖ វង្ស សន
ចែករំលែកព័តមាននេះ