អ្នកស្រុក​យើង​សម្គាល់​សត្វ​ខ្សឹប​ជា​ឈ្មោល និង​ញី​តាម​ណា​ដែរ ?


រាជធានី​ភ្នំពេញ ៖ សត្វ​ខ្សឹប ត្រូវ​បាន​ដូនតា​ខ្មែរ​ហៅ​ឈ្មោះ​ថា «​សត្វ​ក្ងោក​ទេព​» ហើយ​ឈ្មោះ​ប្រភេទ​បក្សី​នេះ បាន​ត្រូវ​អ្នកស្រុក​ហៅ​) ឈ្មោះ​ផ្សេង​ៗ​ជា​ច្រើន​ដូច​ជា ធ្នាក់​អណ្តើក​ឃ្វិ​ក អា​អូត​ចោរ ប្រក់​អណ្តើក មេអណ្តើក ធ្នាក់​អណ្តើក ក្ងោកមាស និង​ក្ងោក​ខ្ទិះ​ជាដើម ។ នេះ​បើ​យោង​តាម​ផេ​ក​ក្រសួងបរិស្ថាន​បាន​ចេញផ្សាយ​នា​ថ្ងៃ​ទី​១៨ ខែកក្កដា​នេះ ។

ក្ងោក​ទេព ឬ​ខ្សឹប មាន​មាឌធំ​ប្រហាក់ប្រហែល​មាន់ (​ស្រុក​) តាម​ការ​គាត់​សំគាល់​របស់​អ្នកស្រុក​ដែល​បានឃើញ សត្វ​ខ្សឹប​ឈ្មោល​មាន​មាឌតូច​ជាង​សត្វ​ញី ។ សត្វ​ញី និង​ឈ្មោល​មាន​ទំងន់​ចន្លោះ​ពី​១,២០​គ​.​ក ទៅ ២,០០​គ​.​ក និង​មាន​កម្ពស់​វែង​បំផុត​ត្រឹម​ប្រវែង​០.៧​ម ។ វា​មាន​ចំពុះ​ខ្លី​ត្រង់ ជើងមាន​ម្រាម​តែ​បី​ទេ ។

ក្ងោក​ទេព ឬ​ខ្សឹប អាច​ស៊ី​ចំណី​ដូច​ជា​ផ្កាស្មៅ ផ្លែ​ស្មៅ គ្រាប់ស្រូវ សត្វល្អិត ចង្រិត សត្វ​ពស់​តូច​ៗ និង​ពេល​ខ្លះ​វា​ស៊ី​ពង​សត្វ​ផ្សេង​ៗ​ផង​ដែរ​ ។ ខ្សឹប​ស្មោ​ល​តែងតែ​បង្អួតរាង​សង្ហារ​នៅ​ពេល​ណា​គេ​បូល​រក​គូ​ញី ដោយ​ដើរ​អើត​ខ្ពស់ ឬ​លោត​ហក់​ផុត​ពី​ដី និង​ពេល​ខ្លះ​ហើរ​ទម្លាក់​ខ្លួន​ចុះឡើង និង​សំកាំង​លើ​អាកាស នៅ​ពេល​ឃើញ​ខ្សឹប​ញី​នៅ​ក្បែរ​នោះ ។ វា​បន្ត​ពូជ​ក្នុង​រវាង​ខែមីនា ដល់​ខែមេសា រហូត​ដល់​ខែមិថុនា ឬ​ក៏​អាច​ដល់​ខែកញ្ញា​ជា​រៀង​រាល់​ឆ្នាំ​ផង​ដែរ ។

ក្ងោក​ទេព ឬ​ខ្សឹប មួយ​ក្បាល​អាច​ពង​បាន​ម្តង​១​ប៉ុណ្ណោះ​ក្នុង​មួយ​ឆ្នាំ ប៉ុន្តែ​ខ្សឹប​ញី​អាច​ពង​បាន​១​ដង ឬ​ខ្លះ​អាច​បាន​២​ដង​ក្នុង​មួយ​ឆ្នាំ ។ បន្ទាប់​ពង​រួច សត្វ​ក្ងោក​ទេព ឬ​ខ្សឹប ក្រាប​ថែទាំ​ពង​ក្នុង​រយៈពេល​ប្រមាណ​៤​ស​ប្តា​ហ៍ ទើប​ពង​នោះ​ពី​ព័ណ៌​ប្រផេះ ទៅ​ជា​ក្រ​ម៉ៅ ទើប​ញាស់​កូន ។ ក្រោយ​ពី​កូន​ញាស់​ប្រហែល​ពី​២​ម៉ោង ឬ​អាច​១​ថ្ងៃ មេ​របស់​វា​អាច​ចាប់ផ្តើម​បណ្តើរកូន​ចេញពី​ស​ប្បុក​រកស៊ី​ចំណី ៕

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ