៨ក្លិបរួមគ្នាប្រឆាំងការសម្រេចឱ្យ Man City លេង UCL រដូវកាលក្រោយ
ប្រទេសអង់គ្លេស ៖ ក្លិបចំនួន ៨ ក្នុងក្របខណ្ឌ Premier League បានរួមគ្នាតវ៉ាប្រឆាំងជាមួយក្លិប Manchester City…
ប្រទេសអង់គ្លេស ៖ ក្លិបចំនួន ៨ ក្នុងក្របខណ្ឌ Premier League បានរួមគ្នាតវ៉ាប្រឆាំងជាមួយក្លិប Manchester City…
ប្រទេសអង់គ្លេស ៖ ក្លិបចំនួន ៨ ក្នុងក្របខណ្ឌ Premier League បានរួមគ្នាតវ៉ាប្រឆាំងជាមួយក្លិប Manchester City បន្ទាប់ពីក្លិបមួយនេះ រួចផុតពីការដាក់ទណ្ឌកម្មរបស់ UEFA រយៈពេល២ឆ្នាំមិនឱ្យលេងក្នុងពានរង្វាន់ទ្វីបអឺរ៉ុបទាំង២ UCL និង UEL ដែលប្រកាសដោយតុលាការអាជ្ញាកណ្តាលកីឡា (CAS) កាលពីថ្ងៃចន្ទកន្លងទៅ។
ក្លិបទាំង ៨ ប្រឆាំងនឹងការសម្រេចចិត្តខាងលើរួមមាន៖ Arsenal, Man Utd, Liverpool, Tottenham, Chelsea, Leicester, Newcastle និង Burnley ដោយបានសរសេរលិខិតទៅកាន់ CAS ដើម្បីបញ្ឈប់ការលេងរបស់ក្រុម Man City នៅពានរង្វាន់ Champions League រដូវកាលក្រោយ។
ក្នុងនោះអ្នកចាត់ការទូទៅក្លិបបាល់ទាត់កំពូលទាំងពីរគឺលោក Jurgen Klopp និងលោក José Mourinho ក៏បានចេញមកនិយាយជាសាធារណៈ ដោយបានចោទជាសំណួរអំពីភាពមិនច្បាស់លាស់នៃច្បាប់ Financial Fair Play (FFP) របស់ Uefa ដែលបង្កើតឡើងសម្រាប់គ្រប់គ្រងលើតុល្យភាពហរិញ្ញវត្ថុ ជាពិសេសទៅលើក្លិបធំៗ ដែលមានលទ្ធភាពចាយលុយច្រើនលើសលុបពីចំណូល ក្នុងការដោះដូរកីឡាករ ដែលបណ្តាលឱ្យជះឥទ្ធិពលយ៉ាងខ្លាំងដល់ក្លិបតូចៗ ដែលពុំសូវមានលទ្ធភាព។
ដោយឡែកលោក Pep Guardiola ក៏បានឆ្លើយតបទាក់ទិនជាមួយបញ្ហានេះថា«ខ្ញុំមិនចង់សុំទោសចំពោះអ្វីទាំងអស់។ ហើយក្លិប Man City ក៏មិនចាំបាច់ត្រូវសុំទោសដែរ។ ពីព្រោះចៅក្រមឯករាជ្យ៣រូបបានសំរេចថា យើងបានធ្វើអ្វីគ្រប់យ៉ាងដោយត្រឹមត្រូវ»៕ (ដកស្រង់ចេញពី Mirror)
អត្ថបទពាក់ព័ន្ធ ៖ ក្តៅៗ Man City ឈ្នះក្តី និងរួចផុតពីការពិន័យមិនឱ្យលេង Champions League ២ឆ្នាំ
ចែករំលែកព័តមាននេះ