កូវីដ-១៩ ៖ ស្ថានភាពគួរឲ្យព្រួយបារម្ភនៅក្នុងរយៈពេលមួយសប្តាហ៍នេះ ដោយសារតែការរកឃើញ អ្នកមានមេរោគរហូតដល់២៤នាក់ ក្នុងរយៈពេលតិចជាង៧ថ្ងៃ។ ក្រសូងសុខាភិបាលបានឲ្យដឹង នៅថ្ងៃនេះថា បានរកឃើញអ្នកផ្ទុកមេរោគកូវីដ-១៩ ចំនួន៩នាក់បន្ថែមទៀត…
កូវីដ-១៩ ៖ ស្ថានភាពគួរឲ្យព្រួយបារម្ភនៅក្នុងរយៈពេលមួយសប្តាហ៍នេះ ដោយសារតែការរកឃើញ អ្នកមានមេរោគរហូតដល់២៤នាក់ ក្នុងរយៈពេលតិចជាង៧ថ្ងៃ។ ក្រសូងសុខាភិបាលបានឲ្យដឹង នៅថ្ងៃនេះថា បានរកឃើញអ្នកផ្ទុកមេរោគកូវីដ-១៩ ចំនួន៩នាក់បន្ថែមទៀត បន្ទាប់ពីបានរកឃើញ អ្នកផ្ទុកមេរោគកូវីដ-១៩ ចំនួន១៥នាក់ ក្នុងចំណោមប្រជាជនកម្ពុជា ដែលបានធ្វើដំណើរត្រឡប់មកពី ប្រទេសអារ៉ាប់ប៊ីសាអូឌីត កាលពីថ្ងៃទី១០ ខែកក្កដា។
នេះមានន័យថា ក្នុងរយៈពេលបួនប្រាំថ្ងៃនេះ កម្ពុជាកើនចំនួនអ្នកផ្ទុកមេរោគកូវីដ-១៩ រហូតដល់២៤នាក់ ដោយធ្វើឲ្យចំនួនសរុបឡើងដល់ ១៦៥នាក់។ មួយរយៈចុងក្រោយនេះ ការរកឃើញករណីថ្មីទាំងអស់នៃកូវីដ-១៩ គឺទាក់ទងនឹងការនាំចូល។ នេះបាន បញ្ជាក់អំពីសារសំខាន់នៃការត្រួតពិនិត្យតាមច្រកព្រំដែន និងតាមព្រលានយន្តហោះ។
ទន្ទឹមនោះក៏សំខាន់ណាស់ដែរ ដែលអ្នកធ្វើដំណើរមកពីក្រៅប្រទេស ទាំងអស់ដែលមិនត្រូវបានរកឃើញមានកូវីដ-១៩ នៅពេលការធ្វើតេស្តចូលប្រទេស ត្រូវអនុវត្តឲ្យបានល្អបំផុតការដាក់ខ្លួនឯងនៅដោយ ឡែករយៈពេល១៤ថ្ងៃ ដើម្បីចៀសវាងការចម្លងមេរោគដល់អ្នកដទៃ៕ ដោយ ៖ អ. សួស្តី
ចែករំលែកព័តមាននេះ