គ្រាន់តែ​ហ៊ាន​ស្រ​ម៉ៃ​ខ្ពស់​មិន​អស់​លុយ​អ្វី​ទេ


រាជធានី​ភ្នំពេញ ៖ មនុស្ស​គ្រប់​រូប​តែងតែមាន​ក្តី​ស្រ​ម៉ៃ គ្រាន់តែ​បងប្អូន​ខ្លះ​មាន​ក្តី​ស្រ​ម៉ៃ​ធំ ខ្លះ​មាន​ក្តី​ស្រ​ម៉ៃ​ល្មម​ៗ ។ ក៏​ប៉ុន្តែ​តើ​យើង​ហ៊ាន​ស្រ​ម៉ៃ​ថា អាច​រក​លុយ​ឱ្យ​ក្រុមហ៊ុន ១​លាន​ដុល្លារ​អា​មេ​រិ​ក​ក្នុង ១​ឆ្នាំ​ដែរ​ឬទេ ? តើ​អ្នក​ហ៊ាន​ក្តី​ស្រ​ម៉ៃ​ខ្ពស់​ដែរ ឬទេ? ហើយ​ក្តី​ស្រ​ម៉ៃ​នោះ​ទៀត​សោត តើ​យើង​ហ៊ាន​ស្រ​ម៉ៃ​ធំ ឬ​ខ្ពស់​កម្រិត​ណា? មនុស្ស​ម្នាក់​ៗ​ពិតជា​មាន​ក្តី​ស្រ​ម៉ៃ តែ​គ្រាន់តែ​វា​មាន​ទំហំ​ប៉ុន្មាន?

បើ​តាម​លោក ប៊ុ​ន ផាក ជានា​យក​ប្រតិបត្តិ​ក្រុមហ៊ុន Camazoon និង​ប្រធាន​សភា​យុវ​ពាណិជ្ជករ​អន្តរជាតិ​កម្ពុជា​សាខា​ចតុមុខ​បាន​និយាយ​ថា គ្រាន់តែ​មាន​ក្តី​ស្រ​ម៉ៃ​ហើយ​ស្រ​ម៉ៃ​ឱ្យ​ធំ​នោះ​មិន​មាន​អស់​លុយ​អ្វី​នោះ​ទេ ហើយ​យើង​ម្នាក់​ៗ បើ​សូ​ម្បី​តែ​ស្រ​ម៉ៃ​មិន​ហ៊ាន​ស្រ​ម៉ៃ​ផង តើ​យើង​ទៅ​អាច​ធ្វើ​អ្វី​បាន ។

លោក ប៊ុ​ន ផាក បាន​បន្ត​ថា «​ដូចនេះ​យើង​គួរតែ​ហ៊ាន​ស្រ​ម៉ៃ ហើយ​ការ​ចាប់ផ្តើម​គួរតែ​ពី​តូច​ឡើង​ទៅ ប៉ុន្តែ​ផ្លាស់​ប្តូរ​ឱ្យ​បាន​រហ័ស គួរតែ​មិន​ត្រូវ​ចាប់ផ្តើម​ធំ​ពេក​ទេ ព្រោះថា ទូក​តូច​ស្រួល​បត់ ។ សំខាន់​ត្រូវ​ដឹង​ពី​ប្រភព​ចំណូល​របស់​យើង​ធ្វើ​យ៉ាងណា​ឱ្យ​មាន​ស្ថេ​រ​ភាព​របស់​លំហូរ​លុយ​ចេះ​គ្រប់គ្រង​លុយ​ដែរ ធ្វើ​ឱ្យ​ក្រុមហ៊ុន​តូច​មួយ​នឹង អាច​ដំណើរការ​បាន​យូរ​» ។

លោក បាន​បន្ថែម​ថា «​យើង​កុំ​ចាំ​ចាប់ផ្តើម​ឡើង បើក​ក្រុមហ៊ុន ដែល​ត្រូវ​ចំណាយ​លើ​អគារ​ជួល​រាប់​ពាន់​ដុល្លារ​អា​មេ​រិ​ក​ក្នុង​មួយ​ខែ​ៗ​នោះ​មិនបាច់​ធំ​បែប​នេះ​ទេ ។ អ្នកខ្លះ​ចាប់ផ្តើម​ធំ តែ​សូ​ម្បី​តែ​វិធី​រក​លុយ​សម្រាប់​ចិញ្ចឹម​ក្រុមហ៊ុន​ឱ្យ​វែង​ឆ្ងាយ​នឹង​ក៏​មិន​ដឹងផង ដូចនេះ​បើក​ធំ​ក៏​មិនមែន​ជា​គំនិតល្អ​ដែរ ។ សុខចិត្ត​ចាប់ផ្តើម​ពី​តូច​តែ​មានការ​អភិវឌ្ឍ និង​រីក​ចំរើន​លឿន ហើយ​បាន​យូរអង្វែង ។

អ្វី​ៗ​គ្រប់យ៉ាង​តែងតែ​ចេញពី​គំនិត ដូច​ខ្ញុំ​បាន​និយាយ​ហើយ​ចឹ​ង​ថា អ្នក​ណា​ក៏​មានគំនិត​ដែរ ប៉ុន្តែ​មនុស្ស​មិន​ច្រើន​ទេ ដែល​អាច​បំ​លែង​គំនិត​របស់​គាត់​ទៅ​ជា ផលិតផល ឬ​សេវាកម្ម​ជាក់ស្តែង​ក្នុង​សង្គម​»​។

ក្នុង​រយៈពេល​លោក​ជា​ប្រឹក្សា​របស់​យុវជន លោក ប៊ុ​ន ផាក បាន​ស្តាប់​នូវ​គំនិត​របស់​ពួក​គាត់​ជា​ច្រើន ដោយ​លោក​គិត​ថា វា​ពិតជា​ល្អ​មែនទែន ។ មិនដឹង​ថា គំនិត​របស់​គាត់​បាន​មកពីណា​ទេ ប៉ុន្តែ​នៅ​ពេល​ដែល​សួរ​ថា តើ​អ្វី​ដែល​គួរ​ចាប់ផ្តើម​បន្ទាប់​មុនគេ ? លោក​បាន​សួរ​ទៅ​យុវជន​ទាំងនោះ​ថា «​មានគំនិត​ល្អ​នេះ​ហើយ តើ​អ្នក​ត្រូវធ្វើ​ដូច​ម្តេច ត្រូវ​រក​អ្នក​សហការ​រក​លុយ​រក​ក្រុមការងារ ចឹ​ង​ពួក​គាត់​ខ្វះ​ទាំងអស់​នឹង​។ នៅ​ក្នុងស្រុក​យើង មាន​អ្នក​ចាប់ផ្តើម​នូវ​បច្ចេកវិទ្យា​ច្រើន Tech Start-up មាន​អ្នក​ជំនួយ​ច្រើន និង​អ្នក​ដែល​មាន​លុយ​ច្រើន តែ​ហេតុ​អ្វី មនុស្ស​ពីរ​ក្រុម​នេះ​មិន​ប៉ះ​គ្នា (​អ្នកមាន​គំនិត​ឬ​អ្នក​ត្រូវការ​លុយ និង​អ្នកមាន​លុយ​) ។ នោះ​គឺ​ដោយសារ គេ​មិនដឹង​ថា​ត្រូវធ្វើ​យ៉ាងដូចម្តេច អត់​ដឹង​ថា​ជួប​គ្នា​តាម​របៀប​ណា​»​។

ប្រ​សិន​យើង​មានគំនិត​ហើយ​សួរ​ថា ត្រូវធ្វើ​អ្វី​ទៀត ដូចនេះ​មានគំនិត​ហើយ ត្រូវ​មាន​សមត្ថភាព​ធ្វើ​គំនិត​នឹង​ឱ្យ​ក្លាយជា​លិទ្ធ​ផល​ជាក់ស្តែង​ក្នុង​សង្គម​។ ដូចនេះ​លោក​បាន​ណែរ​នាំ​ឱ្យ​គិត​ទៅ​លើ បញ្ហា​ដំណោះស្រាយ​ថវិកា​ក្រុម និង​ទីផ្សារ ។ បញ្ហា​មាន​ន័យ​ថា ផលិតផល​ខ្លះ​មិនមែន​ជា​បញ្ហា​ទេ ឧ​ទារ​ហណ៍​ថា ហាង​កាហ្វេ​បច្ចុប្បន្ន​រីក​ដូច​ផ្សិត ក្នុង​ការ​ប្រកួត​ទីផ្សារ​នេះ​មិនល្អ​លេង​ទេ អ្នក​ទាំងអស់​គ្នា​យក ១០ ទៅ ២០ ម៉ឺន​ដុល្លារ​ទៅ​បង្កើត​ហាង​កាហ្វេ សួរ​ថា​បាន​ប្រយោជន៍​អ្វី? ។

ប្រជាជន​ក្នុង​ប្រទេស​កម្ពុជា នៅ​ឆ្នាំ​២០២០​នេះ មាន​ប្រមាណ​ជា​ជាង ១៦, ៩ លាន​នាក់ ទោះបី​អ្នក​ធ្វើ​បាន​ល្អ​យ៉ាងណា យ៉ាងច្រើន​អ្នក​ញុំ​ា​មាន​ត្រឹម ២ លាន​នាក់​ទេ វា​មិនល្អ​លែង​ទេ​អា​នឹង ។ ដូចនេះ​ការ​ចេញ​ដំបូង​ការ​បង្កើត​ក្តី​ស្រមៃ​អ្នក​ទាំងអស់​គ្នា ត្រូវ​គិត​ឱ្យ​បាន​ច្បាស់លាស់ មុន​ចេញ​ទូក ។ start-up ប្រសិនជា​គំនិត​ចេញ​ដំបូង​មក​ខុស​ហើយ ទោះបីជា​អ្នក​សហការ ឬ​ក៏​ក្រុមការងារ​ធ្វើ​ល្អ​ប៉ុ​ណ្នា​ក៏​ខុស​ដែរ​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ