ស្ត្រី​គឺជា​កម្លាំង​ច​លករ​ដ៏​មាន​សក្តា នុពល ក្នុង​ការ​លើក​ស្ទួយ​កម្រិតជីវ ភាព​គ្រួសារ និង​អភិវឌ្ឍ​សេដ្ឋកិច្ចជាតិ


រាជធានី​ភ្នំពេញ ៖ នៅ​ក្នុង​វិស័យ​ទេសចរណ៍ ស្ត្រី​គឺជា​កម្លាំង​ច​លករ​ដ៏​មាន​សក្តានុពល ហើយ​ក៏​ជា​ភាគី​ពាក់ព័ន្ធ​ដ៏​សំខាន់ ដែល​មិន​អាច​ខ្វះ​បាន ដែល​បាន​ចូលរួម​ចំណែក​យ៉ាង​សកម្ម​នៅ​ក្នុង​ការ​លើក​ស្ទួយ​កម្រិតជីវភាព​គ្រួសារ និង​អភិវឌ្ឍ​សេដ្ឋកិច្ចជាតិ​។ នេះ​ជា​ការ​លើក​ឡើង​របស់ លោកស្រី ហ៊ុន ដា​នី រដ្ឋលេខាធិការ​ក្រសួងទេសចរណ៍ ។

ថ្លែង​នៅ​ក្នុង​កិច្ចប្រជុំ ស្តី​ពី​ការ​បូក​សរុប​លទ្ធផល​ការងារ​នារី និង​យេ​ន​ឌ័​រ​ក្នុង​វិស័យ​ទេសចរណ៍ នៅ​ទីស្តីការ​ក្រសួងទេសចរណ៍ ថ្ងៃ​ទី​១០ ខែកក្កដា លោកស្រី ហ៊ុន ដា​នី បាន​លើក​ឡើង​ថា «​រយៈពេល​កន្លង​មកនេះ រាជរដ្ឋាភិបាល​បាន​យកចិត្តទុកដាក់ ជា​អតិប្បរមា​ទៅ​លើ​ការ​លើកកម្ពស់​សមភាព​យេ​ន​ឌ័​រ និង​ពង្រឹង​ភាព​អង់អាច​ដល់​ស្ត្រី​លើ​គ្រប់​វិស័យ និង​គ្រប់​កម្រិត ជា​ពិសេស​តាម​រយៈ​ការ​បញ្ជ្រាប​យ៉ាង​ស៊ីជម្រៅ​ទៅ​ក្នុង​ផែនការ​យុទ្ធសាស្ត្រ​អភិវឌ្ឍន៍​ជាតិ​២០១៩-២០២៣ ដោយ​បាន​បញ្ចូល​នូវ​សូចនាករ​ជាក់លាក់​សម្រាប់​តាមដាន​ការ​អនុវត្ត​» ។

បើ​តាម​របាយការណ៍​អង្កេត​សេដ្ឋកិច្ច សង្គមកិច្ច​បាន​បង្ហាញ​ថា អត្រា​ស្ត្រី​ដែល​ធ្វើ​ការងារ​មាន​ប្រាក់​កម្រៃ​ក្នុង​វិស័យ​ចម្បង​ៗ​ដូច​ជា វិស័យ​កសិកម្ម ឧស្សាហកម្ម និង​សេវាកម្ម មានការ​រីក​ចម្រើន​ទោះបីជា​អត្រា​នោះ​មិន​ទាន់​សម្រេច​បាន​ដល់​ចំណុច​ដៅ​ដែល​បាន​កំណត់​៥០%​ក៏​ដោយ​។

គួរ​បញ្ជាក់​ផង​ដែរ​ថា កិច្ច​ខិតខំ​ប្រឹងប្រែង​កន្លង​មក​របស់​ក្រសួងទេសចរណ៍ ក្នុង​ការ​អនុវត្ត​សកម្មភាព​នានា ជា​ពិសេស​ជំរុញ​ការ​លើកកម្ពស់​សិទ្ធិ តួនាទី តម្លៃ​ស្ត្រី និង​បង្កើន​ភាព​អង់អាច​ដល់​ស្ត្រី​ដែល​ជា​មន្ត្រីរាជការ​ក្នុង​ក្របខ័ណ្ឌ​ក្រសួង និង​ស្ត្រី​ដែល​ប្រកប​មុខរបរ​ក្នុង​ឧស្សាហកម្ម​ទេសចរណ៍ ជា​កត្តា​រួមចំណែក​យ៉ាង​សំខាន់​ដល់​ការ​អភិវឌ្ឍ​វិស័យ​ទេសចរណ៍​កម្ពុជា សំដៅ​ធ្វើ​ឱ្យ​កម្ពុជា​ក្លាយទៅជា​គោលដៅ​ទេសចរណ៍​ដ៏​ទាក់ទាញ ប្រកបដោយ​ចីរភាព និង​បរិ​យា​បន្ន​។

ផ្តើម​ពី​តួនាទី​ដ៏​មាន​សារៈសំខាន់​ដែល​បាន​ចាត់​ទុក «ស្ត្រី​ជា​ឆ្អឹងខ្នង​នៃ​សេដ្ឋកិច្ច និង​សង្គម​ជាតិ​» ក្រសួងទេសចរណ៍​តែងតែ​គាំទ្រ​ដល់​ការ​លើកកម្ពស់​យេ​ន​ឌ័​រ​នៅ​គ្រប់​ដំណើរការ​ការងារ​របស់​ខ្លួន​ស្រប​តាម​គោលនយោបាយ យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល និង​ផែនការ​យុទ្ធសាស្ត្រ​លើកកម្ពស់​យេ​ន​ឌ័​រ​នៅ​ក្នុង​វិស័យ​របស់​ខ្លួន​។

លោកស្រី​បាន​កោតសរសើរ​ដល់​គ្រប់​អង្គភាព​បាន ខិតខំ​បំពេញការងារ​ប្រកបដោយ​ការ​ទទួលខុសត្រូវ​ដើម្បី​ជំរុញ​កំណើន​ទេសចរណ៍​ឡើង​វិញ នៅ​ក្នុង​ដំណាក់កាល និង​ក្រោយ​នៃ​វិបត្តិ​ជំងឺ​កូ​វី​ដ​-១៩៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ