សេដ្ឋី​​ម្នាក់​ពាក់​ម៉ាស់​ធ្វើ​ពី​មាស​ក្នុង​តម្លៃ​ជិត​៤​ពាន់​ដុល្លារ​បង្ក​ការ​រិះគន់​បែកផ្សែង


ឥណ្ឌា ៖ ខណៈ​ប្រជាជន​ក្រីក្រ​ប្រឈម​មុខ​ខ្លាំង​នឹង​ការ​ខ្វះខាត​ម៉ាស់​សម្រាប់​ពាក់​ការពារ​ខ្លួន​នៅ​យុគ្គសម័យ​ជំងឺ​កូ​វី​ដ​១៩ ដែល​កំពុង​រាតត្បាត​ពេញ​ពិភពលោក ស្រាប់តែ​បុរស​អ្នកមាន​ជា​ជនជាតិ​ឥណ្ឌា​ម្នាក់​បាន​ពាក់​ម៉ាស់​ធ្វើ​ពី​មាស​សុទ្ធ ដែល​មាន​ទម្ងន់​ជាង ៥០ ក្រាម ដែល​មាន​តម្លៃ​ស្មើនឹង ៣,៨៧០ ដុល្លារ​អា​មេ​រិ​ក​ដើម្បី​ពាក់​ការពារ​ជំងឺ​រាតត្បាត បង្ក​ឲ្យ​មានការ​រិះគន់ ច្រើន​ជាង​ការ​ស្ងើចសរសើរ​ពី​សំណាក់​ប្រជាជន​ឥណ្ឌា ។

យោង​តាម The Financial Express ចុះ​ផ្សាយ​កាលពី​ថ្ងៃ​ទី ៤ ខែកក្កដា​បាន​ឲ្យ​ដឹង​ថា​បុរស​រូប​នោះ​មានឈ្មោះ​ថា ស៊ា​ន់​កា គូ​ហេ​ត (Shankar Kurhade) អាយុ ៤៨ ឆ្នាំ​នោះ ជា​អ្នកស្រុក​ក្នុង​រដ្ឋ​ម៉ា​ហា
រ៉ា​ស់ស្ត្រា នៃ​ប្រទេស​ឥណ្ឌា ដែល​បុរស​រូប​នេះ​បាន​និយាយ​ថា «​ម៉ាស់​របស់ខ្ញុំ​ស្តើង ហើយនឹង​មាន​ចន្លោះ​តូច​ៗ​សម្រាប់​ដកដង្ហើម​ទៀត​ផង​»​។

សកម្មភាព​របស់​បុរស​ឥណ្ឌា​ម្នាក់​នេះ​ត្រូវ​បាន​បង្ហាញ​ថា ជីវិត​មនុស្ស ពិតជា​មាន​តម្លៃ ប៉ុន្តែ​លោក​ថា​ម៉ាស់​នេះ​ក៏​មិន​ប្រាកដ​ថា​ជួយ​បាន​ដែរ​។ រូបភាព​និង​វី​ដេ​អូ របស់​គាត់​ជា​ច្រើន​ត្រូវ​បាន ផ្សព្វផ្សាយ​ពាសពេញ​បណ្តាញ​សង្គម បាន​បង្ហាញ​ពី​ការ​ស្រលាញ់​មាសប្រាក់ របស់​បុរស​ម្នាក់​នេះ គឺ​បន្ទាប់​ពី​គេ​ឃើញ​ថា គាត់​ពាក់​គ្រឿងអលង្ការ​មាស​ជា​ច្រើន រួម​ទាំង​ខ្សែ​ក​ធំ ខ្សែដៃ​ធំ និង​ចិញ្ចៀន​ធំ​ៗ​។

គួរ​បញ្ជាក់​ផង​ដែរ​ថា ប្រទេស​ឥណ្ឌា​កាលពី​ថ្ងៃ​សៅរ៍​បាន​រាយការណ៍ អំពី​ការ​កើនឡើង​ខ្ពស់​បំផុត នៃ​ករណី​ឆ្លង​វីរុស​ថ្មី​ចំនួន ២២.៧៧១ ក្នុង​មួយ​ថ្ងៃ ដែល​ទទួល​បាន​តួលេខ​សរុប ចំនួន ៦៤៨.៣១៥ នាក់ និង​ចំនួន​អ្នក​ស្លាប់​បាន​កើនឡើង​ដល់ ១៨.៦៥៥ នាក់ ជាមួយនឹង អ្នក​ស្លាប់​ថ្មី​ចំនួន ៤៤២ នាក់​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ