កសិផល​ខ្មែរ ៤​លាន​តោន​បាន​នាំ​ចេញ​ទៅ​បរទេស​រយៈពេល​៦​ខែ​ដើម ឆ្នាំ​២០២០


រាជធានី​ភ្នំពេញ ៖ គិត​ត្រឹម​ចុងខែ​មិថុនា ឆ្នាំ​២០២០ កន្លង​មកនេះ ការ​ចាំ​ចេញ​កសិផល​កម្ពុជា​ទៅ​បរទេស មានដំណើរ​ការ​ល្អ​ទោះបី​មាន​បញ្ហា​ជំងឺ​កូ​វី​ដ​១៩ ជាស​កល​យ៉ាងណា​ក្តី ។

លោក វេ​ង សា​ខុន រដ្ឋមន្ត្រី​ក្រសួងកសិកម្ម រុក្ខា​ប្រមាញ់ និង​នេសាទ​បាន​ឲ្យ​ដឹង​ថា ការ​នាំ​ចេញ​ផលិតផល​កសិកម្ម​សរុប ៦​ខែ​ដើម ឆ្នាំ​២០២០​នេះ​បាន​ចំនួន​ជាង ៤ លាន​តោន ក្នុង​នោះ​អង្ករ​ស្រូវ ចេក ម្រេច ស្វាយ គ្រាប់ស្វាយចន្ទី ម្សៅដំឡូង​មី និង​ផ្លែស្វាយ​ជាដើម ។

លោក​រដ្ឋមន្ត្រី​ក្រសួងកសិកម្ម​បាន​រៀបរាប់​តាម​មុខទំនិញ​ថា អង្ករ​កម្ពុជា បាន​នាំ​ចេញ ៣៩៧ ៦៦០ តោន មាន​កំណើន ៤១,២៥% ដែល​ធៀប​ទៅ​នឹង​រយៈ​៦​ខែ​ដើម ឆ្នាំ​២០១៩ ។ មាន​ទីផ្សារ ៥៦ ប្រទេស​ទទួល​ទិញ​អង្ករ​ខ្មែរ ។ ចំពោះ​ស្រូវ បាន​នាំ​ចេញ​ក្រៅផ្លូវការ​ទៅ​ប្រទេស​វៀតណាម​បាន ៩៨៣ ៥០៨ តោន​ថយ​ចុះ ៥១,៩០% ។

លោក​រដ្ឋមន្ត្រី​បាន​ឲ្យ​ដឹង​បន្ត​ថា ចំណែក​គ្រាប់ស្វាយចន្ទី​នាំ​ចេញ​បាន​១៩៣ ២១៣ តោន មាន​កំណើន ១៨,០៣% ។ ស្វាយចន្ទី​បាន​នាំ​ចេញ​ទៅ​កាន់​ប្រទេស វៀតណាម ជប៉ុន រុ​ស្សី ចិន ហុងកុង បារាំង និង​ថៃ ។

ចំណែក​ចេក​ស្រស់ បាន​នាំ​ចេញ​ទៅ​កាន់​ប្រទេស​ចិន វៀតណាម និង​ជប៉ុន សរុប​បាន ១៤០ ៥៦៦​តោន ។ ការ​នាំ​ចេញ​ស្វាយចន្ទី​កើន​ពី​ឆ្នាំ​២០១៩ ១៥០,៤២% ។ កម្ពុជា​ក៏​បាន​នាំ​ចេញ​ក្រូចថ្លុង​ដែរ ។

ក្រួច​ថ្លុ​ង​បាន​នាំ​ចេញ​ទៅ​ប្រទេស​ថៃ​បាន ១១ ៤០០ តោន​នាំ​ចេញ​ទៅ​កាន់​ប្រទេស ចិន​, ជប៉ុន​, ថៃ​, កូរ៉េ និង​វៀតណាម ។ ស្រប​ពេល​ដំណាប់​ស្វាយ​នាំ​ចេញ​បាន ៤ ២៧៦ តោន កំណើន​ជាង​ឆ្នាំ​២០១៩ ២២១,៩៦% ។

ចំណែក​ម្សៅដំឡូង​មី​បាន​នាំ​ចេញ​ទៅ​កាន់​ប្រទេស​ឥណ្ឌា​, ចិន​, ប៊ែ​ល​ហ្សិ​ក និង​អ៊ី​តា​លី ក្នុង​បរិមាណ ១២ ០០២ តោន​បាន​ថយ​ចុះ ៥៣,៩៦% ពី​ឆ្នាំ​២០១៩ ។ ឬ​ឯ​ស្វាយ​ស្រស់ នាំ​ចេញ​បាន ៤៦ ២០០ តោន កើន​ពី​ឆ្នាំ​២០១៩ ៥៨,១៤% ។ ស្វាយ​ខ្មែរ​បាន​នាំ​ទៅ​ប្រទេស ថៃ​, វៀតណាម បារាំង រុ​ស្សី កូរ៉េ និង​ហុងកុង​។

លោក វេ​ង សា​ខុន បាន​ឲ្យ​ដឹង​បន្ត​ថា ចំពោះ​ម្រេច​វិញ បាន​នាំ​ចេញ ២ ៧៩៦ តោន កើន​ពី​ឆ្នាំ​២០១៩ ១៨,៧៥% ។ ម្រេច​បាន​នាំ​ចេញ​ទៅ​កាន់​ប្រទេស​១៦ ឯណោះ​មាន ជប៉ុន ប៊ែ​ល​ហ្សិ​ក ហូ​ឡង់ បារាំង អា​ល្លឺ​ម៉​ង់ ស្វី​ស វៀតណាម អា​មេ​រិច រុ​ស្ស៊ី អង់គ្លេស ឥណ្ឌា បេឡា​រូស កូរ៉េ ឆេ​ក ណូ​វែ​ហ្សែ​ឡង់ និង​ប្រទេស​អូស្ត្រាលី​។ចំណែក​ម្ទេស​ស្រស់​វិញ បាន​នាំ​ចេញ ៣៥ ៣៧៧ តោន និង​ម្ទេស​ក្រៀម​បាន ១ ២០០ តោន​។

ម្ទេស​ស្រស​នាំ​ចេញ​កើន​ពី​ឆ្នាំ​២០១៩ កើន​ពី​ឆ្នាំ​២០១៩ ១៧៣,០៨% និង​ម្ទេស​ក្រៀម ស្មើនឹង​ឆ្នាំ​២០១៩​។ ថៃ​ប្រទេស​តែ​មួយ​ដែល​បាន​ទិញ​ម្ទេស​កម្ពុជា​។ ក្រៅពី​ការ​រៀបរាប់​ខាងលើ​នៅ​មាន​ផលិតផល​ជាង​៥០​មុខ​ដ៏​ទៃ​ទៀត​ដែល​បាន​នាំ​ចេញ​ហើយ​មិន​បាន​រៀបរាប់ នេះ​បើ​តាម​ការ​បញ្ជាក់​របស់​លោក​រដ្ឋមន្ត្រី​ក្រសួងកសិកម្ម លោក វេ​ង សា​ខុន​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ