រាជធានីភ្នំពេញ ៖ តារាបង្ហាញម៉ូដ និងជាតារាសម្តែងដ៏មានប្រជាប្រិយភាព និងមានរូបសម្រស់ស្រស់សោភា ម៉ាក សែនសូនីតា ដែលអ្នកគ្រប់គ្នាហៅក្រៅថា តូតា កំពុងតែមានដំណឹងល្អមួយប្រាប់ទៅដល់មហាជន…
រាជធានីភ្នំពេញ ៖ តារាបង្ហាញម៉ូដ និងជាតារាសម្តែងដ៏មានប្រជាប្រិយភាព និងមានរូបសម្រស់ស្រស់សោភា ម៉ាក សែនសូនីតា ដែលអ្នកគ្រប់គ្នាហៅក្រៅថា តូតា កំពុងតែមានដំណឹងល្អមួយប្រាប់ទៅដល់មហាជន អ្នកគាំទ្ររបស់នាង ក៏ដូចជាក្រុមគ្រួសាររបស់នាងផងដែរ។
បន្ទាប់ពីរៀបការបានរយៈពេល៣ខែ នៅក្នុងអំឡុងពេលជំងឺកូវីដ ១៩ កំពុងរាតត្បាតខ្លាំង ស្រាប់តែពេលនេះតារាសម្តែងស្រីរូបនេះកំពុងតែពរពោះកូនដំបូងរបស់នាងជាមួយស្វាមី លោក ប៉ុល វិបុល ដែលបង្កការភ្ញាក់យ៉ាងខ្លាំង ទៅដល់មហាជនថា មិននឹកស្មានថា អាយដលរបស់ខ្លួនសម្ងំលាក់ខ្លួនជាមួយដំណឹងល្អមួយនេះ ដោយសារតែកន្លងមក គេសង្កេតឃើញថា តូតា តែងតែពាក់អាវរលុងជានិច្ចពេលទៅណាម្តងៗ ទើបធ្វើអោយមហាជនមិនបានចាប់អារម្មណ៍ចំពោះរូបនាងថា នាងមានផ្ទៃពោះ រហូតទាល់តែស្រីស្អាតរូបនេះបង្ហោះរូបភាពតាមហ្វេសប៊ុករបស់នាង កាលពីថ្ងៃទី២៩ មិថុនា នេះដែលរូបមួយសន្លឹករបស់នាងដៃកាន់ពោះ និងបានសរសេថា « Mommy love u» ។
គួរបញ្ជាក់ផងដែរថា ម៉ាក សែនសូនីតា ជាតារាសម្តែងល្បីឈ្មោះមួយរូប ហើយបើទោះបីជានាងដកខ្លួនស្ងាត់ពីការសម្តែងមួយរយៈ តែនាងនូវតែទទួលបានប្រជាប្រិយខ្លាំងនៅក្នុងទីផ្សារសិល្បៈ ។
ងាកទៅរូបសម្រស់វិញ បើទោះបីជានាងបានរៀបការរួចហើយក្តី ក៏តារាសម្តែងស្រីរូបនេះ មានរូបសម្រស់ស្រស់ស្អាត និងមានទេពកុសល្យខ្ពស់ខាងសម្តែងយ៉ាងខ្លាំង ៕
ចែករំលែកព័តមាននេះ