ចាប់ខ្លួនលោក រស់ សុឃិត ចាងហ្វាងកាសែតជាតិខ្មែរ
រាជធានីភ្នំពេញ ៖ នៅថ្ងៃទី២៥ មិថុនា ២០២០នេះ សមត្ថកិច្ចខេត្តកំពង់ឆ្នាំងបានឃាត់ខ្លួនលោក រស់ សុឃិត ចាងហ្វាងកាសែតជាតិខ្មែរ ហើយបានបញ្ជូនមកស្នងការដ្ឋាននគរបាលរាជធានីភ្នំពេញ…
រាជធានីភ្នំពេញ ៖ នៅថ្ងៃទី២៥ មិថុនា ២០២០នេះ សមត្ថកិច្ចខេត្តកំពង់ឆ្នាំងបានឃាត់ខ្លួនលោក រស់ សុឃិត ចាងហ្វាងកាសែតជាតិខ្មែរ ហើយបានបញ្ជូនមកស្នងការដ្ឋាននគរបាលរាជធានីភ្នំពេញ ពាក់ព័ន្ធបទល្មើសញុះញង់បង្កឱ្យមានភាពវឹងវរធ្ងន់ធ្ងរដល់សន្តិសុខសង្គម ។
ការឃាត់ខ្លួននេះ ធ្វើឡើងតាមដីកា របស់ព្រះរាជអាជ្ញារងអមសាលាដំបូងរាជធានីភ្នំពេញ ចុះថ្ងៃទី២៤ ខែមិថុនា ឆ្នាំ២០២០ បង្គាប់ឲ្យកម្លាំងសមត្ថកិច្ចនាំខ្លួនលោក រស់ សុឃិត និងបង្ហាញខ្លួននៅការិយាល័យប្រឆាំងបទល្មើសបច្ចេកវិទ្យានៃស្នងការដ្ឋាននគរបាលរាជធានីភ្នំពេញ ឱ្យបានមុនថ្ងៃទី១៣ ខែកក្កដា ឆ្នាំ២០២០ ដើម្បីសាកសួរពីដំណើររឿងញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ។
ពាក់ព័ន្ធនឹងការចាប់ឃាត់ខ្លួនលោកចាងហ្វាងកាសែតជាតិខ្មែរនេះ កោះសន្តិភាពនឹងផ្សាយជូនជាបន្ត ៕
ចែករំលែកព័តមាននេះ