រាជធានីភ្នំពេញ៖ ពិធីការីដ៏មានប្រជាប្រិយភាពនៅក្នុងស្រទាប់យុវវ័យតាំងពីចូលសិល្បៈដំបូង នាង ជីមមី (Jimmy) មួយរយៈពេលចុងក្រោយនេះហាក់បែកចំហរអំពីទំនាក់ទំនងស្នេហាជាមួយតារាសម្តែងប្រុសមួយរូប ហើយអ្វីដែលធ្វើឲ្យមហាជនកាន់តែចាប់អារម្មណ៍លើនាងមួយកម្រិតទៀតនោះ គឺដងខ្លួនស្រឡូនរាងតូចត្រឡឹង ស្លៀកពាក់អ្វីក៏សម ខណៈដែលពីដើមឡើយពិធីការិនីរូបនេះគឺមានសាច់ទ្រលុនទ្រលន់ ដែលបងប្អូនយើងតែងហៅថា «មានសាច់» ។
នាង ជីមមី មិនត្រឹមតែមានទម្រង់មុខស្រស់ស្អាតនោះទេ ប៉ុន្តែពិធីការីពេញដោយសមត្ថភាព ហើយរូបនេះបានប្រែប្រួលរូបរាងកាន់តែសិចស៊ី និងស្លីមស្អាតឡើងៗដែលជាដងខ្លួនជាទីប៉ងប្រាថ្នារបស់សុភាពនារីយើងព្រោះវាមិនមែនជារឿងងាយស្រួល ឬអាចត្រឹមគេងមួយយប់ភ្ញាក់ឡើងយើងនឹងទទួលបានជើងវែងស្រឡូន ចង្កេះរាងរាវ និងដើមទ្រូងមូលក្លំឡើយ ។
ពិធីការិនី រូបនេះមានវិធីសាស្ត្រអ្វីខ្លះទើបនាងអាចធ្វើឲ្យរូបរាងមានសាច់ប្រែក្លាយជាដងខ្លួនស្លីមស្រឡូន រហូតធ្វើឲ្យបុរសម្នាក់ (Crush របស់នាង ជីមមី) ដែលធ្លាប់តែមិនអើពើនឹងរូបនាង បែរជាសុខៗវិលមកសុំស្នេហ៍ស្រីស្អាតរូបនេះ រហូតនាងសម្រេចបំណងធ្វើឲ្យក្រាស់ ស្រលាញ់នាង ហើយនាងក៏មានរូបរាងកាន់តែទាក់ទាញនោះ ។
ពិធីការីដែលមានទម្រង់មុខពងក្រពើ សំបុរស និងតែងតែញញឹមបញ្ចេញធ្មេញសស្អាត និងមានទឹកដម សំឡេងលៈៗ លឺៗ និងមានមន្តស្នេហ៍រូបនេះបានទម្លាយគន្លឹះមួយចំនួនសម្រាប់អ្នកចង់បានរូបរាងស្អាតតាមរយៈការចែកចាយលើបណ្តាញសង្គមរបស់នាងថា «ខ្ញុំចាប់ផ្ដើមហាត់ប្រាណជារៀងរាល់ថ្ងៃ ដោយដំបូងចាប់ផ្ដើមពីហែលទឹកសិន បន្ទាប់មកចាប់ផ្ដើមហាត់យោហ្គា រួចហើយចាប់ផ្ដើមហាត់ប្រាណលើកដុំដែកតែស្រាលស្រាលទេ ហាត់តៃក្វាន់ដូ ការ៉ាតេ គេងពីព្រលប់ ញ៉ាំទឹកឲ្យច្រើន តមបាយពេលល្ងាច» ។
ជាការពិតណាស់ ទំរាំតែទទួលបានរូបស្រស់សោភាដូចសព្វថ្ងៃនេះរូបនាងផ្ទាល់ក៏ជួបប្រទះនូវភាពធាត់ឡើងគីឡូខ្លាំង រហូតដល់ ៦៨គីឡូឯណ្ណោះ នឹងទទួលរងការរើសអើងរូបរាងពីសំណាក់មិត្តភ័ក្រ ទៅលើរូបរាងដែលមិនសាកសមជាក្រុមនារីស្រីស្អាត តែទោះជាយ៉ាងណា ការតស៊ូរបស់ពិធីការរីរូបនេះក៏ទទួលបានរូបរាងស្លីមនៅកម្រិត ៤៨ គីឡូក្រាម ។
ជាមួយរូបរាងកាន់តែសិចស៊ីជាទីចំណាប់អារម្មណ៍របស់សុភាពបុរស សុភាពនារីនោះនាង ជីមមី កំពុងតែទទួលបានប្រជាប្រិយជាខ្លាំងទៅលើការថតផ្សាយផលិតផលនានា ពីព្រោះតែរូបសម្រស់ស្រស់ស្អាត រូបរាងស្រឡូន និងអាចនិយាយភាសាថៃ និងអង់គ្លេស បានយ៉ាងស្ទាត់ជំនាញថែមទៀតផង ។
គួរបញ្ជាក់ផងដែរថា ពិធីការីវ័យក្មេងរូបនេះក៏កំពុងមានក្តីសុខក្រៃពេកជាមួយនឹងគូស្នេហ៍ដែលជាតារាសម្តែងនិងជាកូនខ្មែរកើតនៅទឹកដីអាមេរិក ជាពិសេសបុរសសង្ហារូបនេះមានរូបរាងសង្ហាដូចកូនកាត់អឺរ៉ុបថែមទៀតផង ៕
ចែករំលែកព័តមាននេះ