កីឡាករ២នាក់ទៀតឆ្លងកូវីដ១៩ ក្រោយលេងព្រឹត្តិការណ៍ Adria Tour របស់ Djokovic
អន្តរជាតិ ៖ កីឡាករ Borna Coric និង Viktor Troicki បានធ្វើតេស្តមានសញ្ញាវិជ្ជមានកូវីដ១៩ បន្ទាប់ពីបានលេងនៅក្នុងព្រឹត្តិការណ៍ទេសចរណ៍…
អន្តរជាតិ ៖ កីឡាករ Borna Coric និង Viktor Troicki បានធ្វើតេស្តមានសញ្ញាវិជ្ជមានកូវីដ១៩ បន្ទាប់ពីបានលេងនៅក្នុងព្រឹត្តិការណ៍ទេសចរណ៍…
អន្តរជាតិ ៖ កីឡាករ Borna Coric និង Viktor Troicki បានធ្វើតេស្តមានសញ្ញាវិជ្ជមានកូវីដ១៩ បន្ទាប់ពីបានលេងនៅក្នុងព្រឹត្តិការណ៍ទេសចរណ៍ Adria Tour ដែលបង្កើតឡើងដោយកីឡាករលំដាប់លេខ១ពិភពលោក Novak Djokovic ។
បញ្ហានេះបានធ្វើឱ្យមានការព្រួយបារម្ភយ៉ាងខ្លាំងបន្ថែមទៀត បន្ទាប់ពីកីឡាករ Grigor Dimitrov គឺជាមនុស្សដំបូងគេ ដែលរកឃើញឆ្លងវីរុសកូវីដ១៩កាលពីថ្ងៃអាទិត្យ បន្ទាប់ពីលេងក្នុងព្រឹត្តិការណ៍ខាងលើ មុនពេលកីឡាករ Borna Coric និង Viktor Troicki ដែលត្រូវបានរាយការណ៍ថា ក៏ឆ្លងវីរុសនេះផងដែរ ។
សូមរំលឹកជូនថា ព្រឹត្តិការណ៍ Adria Tour ត្រូវបានអ្នករៀបចំសម្រេចលុបចោលតែម្តង ដើម្បីធានាសុវត្ថិភាពដល់មនុស្សគ្រប់គ្នា។ ពោលគឺនៅក្រោយកីឡាករ Grigor Dimitrov បានប្រកាសពីការឆ្លងវីរុសនេះ លើបណ្តាញ Instagram របស់ខ្លួន ។
ទាក់ទិនជុំវិញបញ្ហានេះ វាបានបង្ហាញជាក្តីកង្វល់បន្ថែមទៀត សម្រាប់ស្ថាប័នគ្រប់គ្រងកីឡាវាយកូនបាល់ (Tennis) ដែលមានបំណងដើម្បីចាប់ផ្តើមសកម្មភាពប្រកួតប្រជែងរបស់ខ្លួនឡើងវិញ បន្ទាប់ពីត្រូវបានផ្អាកទាំងស្រុងអស់រយៈពេលជាយូរ ដោយសារការរីករាលដាលនៃវីរុសកូវីដ១៩ ។
សូមបញ្ជាក់ជូនថា ព្រឹត្តិការណ៍ Adria Tour ត្រូវបានបង្កើតឡើងដោយកីឡាករលំដាប់លេខ ១ ពិភពលោក Djokovic ដោយធ្វើដំណើរប្រកួតនៅប្រទេសចំនួន៤ ដើម្បីរកប្រាក់ជួយដល់កីឡាករវាយកូនបាល់ទាំងអស់ ដែលរងផលប៉ះពាល់ដោយសារកូវីដ១៩។ ការប្រកួតនេះ មានការចូលរួមពីកីឡាករកំពូលទាំង១០ ក្នុងនោះរួមមាន Djokovic, Alexander Zverev និង Dominic Thiem ។ ដោយបានទាក់ទាញអ្នកគាំទ្រជាច្រើនពាន់នាក់ផងដែរ៕ (ដកស្រង់ចេញពី៖ Reuters)
ចែករំលែកព័តមាននេះ