បញ្ចប់ការបួងសួងត្រឹមជំទាវផ្កាយព្រឹកនៅលើភ្នំមួយ ដើម្បីសុំសេចក្តីសុខ
- កែប
ខេត្តកែប៖ អាជ្ញាធរខេត្តកែប អញ្ជើញដោយឯកឧត្តមសោម ពិសិដ្ឋ អភិបាលនៃគណៈអភិបាលខេត្តកែប លោកអ៊ុក ថា អភិបាលរងខេត្ត ឯកឧត្តមសំ សារីន…
ខេត្តកែប៖ អាជ្ញាធរខេត្តកែប អញ្ជើញដោយឯកឧត្តមសោម ពិសិដ្ឋ អភិបាលនៃគណៈអភិបាលខេត្តកែប លោកអ៊ុក ថា អភិបាលរងខេត្ត ឯកឧត្តមសំ សារីន ប្រធានក្រុមប្រឹក្សាខេត្ត លោកឧត្តមសេនីយ៍ត្រី សម្បត្តិសុធារដ្ឋស្នងការនគរបាលខេត្តកែប លោកស្រីទិត្យ សុខា អភិបាលក្រុងកែប លោកស្រីគឹម ចន្នី អភិបាលស្រុកដំណាក់ចង្អើរ និងងមន្ត្រីរាជការគ្រប់មន្ទីរ កាលពីព្រឹកថ្ងៃទី១៦ មិថុនា បានធ្វើពិធីបួងសួងនិងបែបន់សុំសេចក្ដីសុខពីលោកជំទាវផ្កាយព្រឹក នៅលើភ្នំពោន ឃុំពងទឹក ស្រុកដំណាក់ចង្អើរ ខេត្តកែប។
បើតាមការអោយដឹងពីអ្នករៀបចំពិធីបាននិយាយប្រាប់អោយដឹងថា អាជ្ញាធរខេត្តកែប រួមទាំងមន្ត្រីអ្នកមុខអ្នកការទាំងអស់ បានធ្វើពិធីបួងសួងដល់ម្ចាស់ទឹកម្ចាស់ដីអ្នកថែរក្សាខេត្តកែប ចាប់តាំងពីឯកឧត្តមសោម ពិសិដ្ឋ ចូលកាន់តំណែងជាអភិបាលខេត្តកែបមក ។ ក្នុងនោះ បានរៀបចំបែរបន់ និងបួងសួងតាំងពីបារមីសេះស-បារមីមច្ឆាទេព-ព្រះឥសូរ-បារមីលោកយាយម៉ៅ-បារមីលោកតាគង្ហាដែកនៅចុងក្រោយនេះគឺលោកជំទាវផ្កាយព្រឹក ដែលមានវត្តមួយនៅលើភ្នំពោនជាប់និងមាត់សមុទ្រ។
ឯកឧត្តមបសោម ពិសិដ្ឋ អភិបាលខេត្តកែប ជាអ្នកមានជំនឿខាងផ្លូវងងឹត បានបែរបន់ និងបួងសួងសុំឱ្យប្រជាពលរដ្ឋខេត្តកែប មានសេចក្ដីសុខ និងចម្រុងចម្រើន ហើយឱ្យលោកជំទាវផ្កាយព្រឹក រារាំងបាំងបិទជំងឺកូវីដ១៩ កុំឱ្យឆ្លងមកខេត្តកែប។
ទោះជាបែបណាឯកឧត្តមមកចូលកាន់តំណែងជាអភិបាលខេត្តថ្មី និងលោកស្នងការថ្មីរួមទាំងប្រធានមន្ទីរដែនដីថ្មីបែរបន់ និងប្រាប់បារមីអោយជួយដឹងឮតែប៉ុណ្ណោះ។
ចែករំលែកព័តមាននេះ