សោកស្តាយ! តួឯកប្រុស «ម៉ាណាវ» ក្នុងរឿងជីវិតស្ត្រីមេផ្ទះ បានបាត់បង់ជីវិតហើយ
ប្រទេសឥណ្ឌា ៖ តារាសម្តែងបូលីវូដ (Bollywood) លោក Sushant Singh Rajput ដែលគេស្គាល់ថាជាតួឯកប្រុសឈ្មោះម៉ាណាវ ក្នុងរឿងជីវិតស្ត្រីមេផ្ទះ…
ប្រទេសឥណ្ឌា ៖ តារាសម្តែងបូលីវូដ (Bollywood) លោក Sushant Singh Rajput ដែលគេស្គាល់ថាជាតួឯកប្រុសឈ្មោះម៉ាណាវ ក្នុងរឿងជីវិតស្ត្រីមេផ្ទះ…
ប្រទេសឥណ្ឌា ៖ តារាសម្តែងបូលីវូដ (Bollywood) លោក Sushant Singh Rajput ដែលគេស្គាល់ថាជាតួឯកប្រុសឈ្មោះម៉ាណាវ ក្នុងរឿងជីវិតស្ត្រីមេផ្ទះ ត្រូវបានគេប្រទះឃើញបញ្ចប់ជីវិតក្នុងគេហដ្ឋានរបស់លោក នៅតំបន់ Bandra ក្នុងទីក្រុងម៉ុមបៃ ប្រទេសឥណ្ឌាកាលពីថ្ងៃអាទិត្យ ទី១៤ ខែមិថុនា ឆ្នាំ២០២០ ។
របាយការណ៍ពី PTI បានបញ្ជាក់ថា គេនៅមិនរកឃើញមូលហេតុណាមួយនោះទេ ហើយការស៊ើបអង្កេតកំពុងត្រូវបានធ្វើឡើង នេះបើតាមការបញ្ជាក់ពីលោក Manoj Sharma ស្នងការប៉ូលីសប្រចាំតំបន់នោះ។
ដោយឡែក បើយោងតាមប្រព័ន្ធផ្សព្វផ្សាយក្នុងស្រុកមួយចំនួនបានចុះផ្សាយថា មូលហេតុនៃការឈានដល់ការសម្រេចចិត្តបញ្ចប់ជីវិតរបស់តារាប្រុសវ័យ៣៤ឆ្នាំរូបនេះ គឺបណ្តាលមកពីជំងឺបាក់ទឹកចិត្ត (Depression) ដែលមានរយៈពេល៦ខែកន្លងមកហើយ ។
សេចក្តីថ្លែងការណ៍មួយពីក្រុមការងាររបស់ Sushant Singh បានឱ្យដឹងថា ក្រុមការងារទាំងអស់មានការឈឺចាប់ក្នុងការចែករំលែកដំណឹងពីការបាត់បង់ជីវិតរបស់ Sushant Singh Rajput ហើយយើងស្នើសុំឱ្យអ្នកគាំទ្ររបស់គេចង់ចាំរាល់សកម្មភាពទាំងអស់របស់គេពេលនៅមានជីវិត។
សេចក្តីថ្លែងការណ៍ថ្លែងការណ៍ដដែល បានបន្ថែមទៀតថា ក្រុមការងារសូមស្នើសុំការចូលរួមពីប្រព័ន្ធផ្សព្វផ្សាយទាំងអស់ ដើម្បីជួយយើងរក្សាភាពឯកជនរបស់ Sushant Singh អំឡុងពេលនៃភាពទុក្ខព្រួយនេះ។
សូមជម្រាបជូនថា ដំណឹងនៃការបាត់បង់ជីវិតរបស់តារាប្រុស Sushant Singh បានធ្វើឱ្យឧស្សាហកម្មភាពយន្តបូលីវូដ មានការភ្ញាក់ផ្អើល និងសោកសៅយ៉ាងខ្លាំង។ ស្របពេលដែលលោកនាយករដ្ឋមន្ត្រី Narendra Modi រួមជាមួយកំពូលតារាសម្តែងល្បីៗ ជាច្រើនបានបង្ហោះសារ ដើម្បីចូលរួមមរណទុក្ខដ៏ក្រៀមក្រំនេះ ។
សូមបញ្ជាក់ថា តារាសម្តែងរូបនេះបានបង្ហាញខ្លួនជាលើកដំបូងនៅក្នុងវិស័យភាពយន្តបូលីវូដក្នុងឆ្នាំ ២០១៣ នៅក្នុងរឿង «Kai Po Che!» ។ ហើយគេក៏បានទទួលពានរង្វាន់ជាតារាសម្តែងប្រុសល្អបំផុតនៅមហោស្រពភាពយន្តឥណ្ឌានៅទីក្រុងមែលប៊ន ប្រទេសអូស្ត្រាលីក្នុងឆ្នាំ២០១៧ សម្រាប់ខ្សែភាពយន្ត «M.S. Dhoni: The Untold Story» ។
Sushant Singh ក៏បានដើរតួជាម៉ាណាវ ក្នុងរឿងភាគទូរទស្សន៍ Pavitra Rishta ចាប់ពីឆ្នាំ ២០០៩ ដល់ ២០១៤ ដែលជារឿងភាគទូរទស្សន៍ដ៏ល្បីល្បាញរបស់ប្រទេសឥណ្ឌា ៕ (ដកស្រង់ចេញពី Filmibeat)
ចែករំលែកព័តមាននេះ