ការប្រកបការងារមានឧបសគ្គជាច្រើនដែលជួយឲ្យមនុស្សរៀនសូត្រ និងអភិវឌ្ឍន៍ខ្លួន ។ ប៉ុន្តែមានបញ្ហាមួយដែលអាចរាំងស្ទះអ្នកមិនឲ្យអភិវឌ្ឍន៍ខ្លួនបាន នោះគឺការមានចៅហ្វាយដែលមិនគាំទ្រអ្នក ។ ចៅហ្វាយដែលល្អជាមនុស្សដែលជំរុញដល់ភាពច្នៃប្រឌិត ការជឿជាក់គ្នាទៅមក ការគោរពគ្នា ការលូតលាស់ផ្ទាល់ខ្លួន…
ការប្រកបការងារមានឧបសគ្គជាច្រើនដែលជួយឲ្យមនុស្សរៀនសូត្រ និងអភិវឌ្ឍន៍ខ្លួន ។ ប៉ុន្តែមានបញ្ហាមួយដែលអាចរាំងស្ទះអ្នកមិនឲ្យអភិវឌ្ឍន៍ខ្លួនបាន នោះគឺការមានចៅហ្វាយដែលមិនគាំទ្រអ្នក ។ ចៅហ្វាយដែលល្អជាមនុស្សដែលជំរុញដល់ភាពច្នៃប្រឌិត ការជឿជាក់គ្នាទៅមក ការគោរពគ្នា ការលូតលាស់ផ្ទាល់ខ្លួន និងការអភិវឌ្ឍន៍ក្នុងការងារជាដើម ។
ប៉ុន្តែចៅហ្វាយដែលមិនល្អ និងមិនគាំទ្រអ្នកវិញភាគច្រើនមានដូចខាងក្រោមនេះ ៖
១. ពួកគេឧស្សាហ៍ប្តូរម៉ោងប្រជុំ ឬមិនចូលរួមដោយមិនបានប្រាប់មុន
២. ពួកគេចំណាយពេលច្រើនពេកក្នុងការត្រួតពិនិត្យការងាររបស់អ្នក
៣. ពួកគេមិនផ្តល់មតិយោបល់ដែលមានតម្លៃ និងអាចជួយឲ្យអ្នកអភិវឌ្ឍន៍ខ្លួន
៤. ពួកគេមិនផ្តល់ការងារដែលមានតម្លៃ ឬគួរឲ្យចាប់អារម្មណ៍សម្រាប់អ្នក
៥. ពួកគេមិនជួយទាមទារការដំឡើងប្រាក់ខែ ឬការឡើងឋានៈឲ្យអ្នក
៦. ពួកគេឧស្សាហ៍រិះគន់អ្នក និងព្យាយាមធ្វើឲ្យអ្នកបរាជ័យ
ប្រសិនបើអ្នកស្ថិតក្នុងស្ថានការដែលមានចៅហ្វាយមានចំណុចដូចខាងលើ អ្នកអាច
អនុវត្តតាមគន្លឹះខាងក្រោមនេះ ៖
១. ពិនិត្យមើលខ្លួន និងស្ថានការឡើងវិញ
អ្នកត្រូវស្មោះត្រង់ដាក់ខ្លួនឯង និងគិតមើលថា តើអ្នកមានដែលព្យាយាមបកស្រាយ ឬប្រាប់ពីគោលដៅដែលអ្នកចង់សម្រេចប្រាប់ដល់ចៅហ្វាយរបស់អ្នកទេ? តើអ្នកបានព្យាយាមស្នើសុំគម្រោងសំខាន់ៗទេ ឬអ្នកគ្រាន់តែអង្គុយចាំរហូតការងារត្រូវបានទម្លាក់ដល់ដៃ? ប្រសិនបើអ្នកមានមហិច្ចតាចង់ជោគជ័យ អ្នកត្រូវតែហ៊ានបង្ហាញ ។
២. ជួយចៅហ្វាយឲ្យជោគជ័យ
ទោះជាវាមិនងាយស្រួលពិតមែនក្តី អ្នកនឹងទទួលបានអត្ថប្រយោជន៍ច្រើនប្រសិនបើអ្នកជួយគាំទ្រចៅហ្វាយរបស់អ្នក និងជួយឲ្យពួកគេជោគជ័យក្នុងពេលដែលអ្នកនៅធ្វើការនៅកន្លែងដដែល ។ តើមានអ្វីដែលអ្នកអាចធ្វើដើម្បីធ្វើឲ្យជីវិតរបស់ចៅហ្វាយអ្នកងាយស្រួលជាងមុនទេ? ពេលដែលស្ថាប័នការងារជួបនឹងបញ្ហា អ្នកត្រូវតែសកម្មក្នុងការផ្តល់យោបល់និងដំណោះស្រាយព្រោះវាបង្ហាញថាអ្នកមានសមត្ថភាពក្នុងការដឹកនាំមនុស្ស ។
៣. លើកឡើងបែបការទូត
ការសន្ទនាដោយបើកចំហរមានសារៈសំខាន់ណាស់ក្នុងការកសាងទំនាក់ទំនងទាំងអស់ ។ ក្នុងពេលដែលអ្នកមានបញ្ហា អ្នកត្រូវតែបកស្រាយពីគោលជំហរអ្នកដោយស្ងប់អារម្មណ៍ ។ អ្នកអាចស្នើសុំពេលដើម្បីនិយាយ និងព្យាយាមបង្ហាញថាអ្នកគ្រាន់តែចង់កសាងទំនាក់ទំនងល្អជាមួយភាគីម្ខាងទៀតប៉ុណ្ណោះ ។ ពេលដែលអ្នកចាប់ផ្តើមសន្ទនា អ្នកត្រូវផ្តោតស្មារតីលើដំណោះស្រាយនៅថ្ងៃអនាគត មិនមែនតែលើបញ្ហាដែលបានកើតឡើងទេ ៕
ចែករំលែកព័តមាននេះ