លុយមិនអាចទិញសុភមង្គលបានទេ ។ មនុស្សម្នាក់ៗតែងតែលឺប្រយោគនេះម្តងហើយម្តងទៀត ប៉ុន្តែតើមនុស្សម្នាក់ៗពិតជាគិតដូច្នេះពិតមែនទេ? សម្រាប់មនុស្សមួយចំនួន ពួកគេមិនគិតដូច្នេះឡើយ ។ ជាក់ស្តែងមនុស្សត្រូវការលុយ ដើម្បីផ្គត់ផ្គង់តម្រូវការចាំបាច់ក្នុងការរស់នៅ និងក្នុងការសម្រេចក្តីសុបិនផ្សេងៗ…
លុយមិនអាចទិញសុភមង្គលបានទេ ។ មនុស្សម្នាក់ៗតែងតែលឺប្រយោគនេះម្តងហើយម្តងទៀត ប៉ុន្តែតើមនុស្សម្នាក់ៗពិតជាគិតដូច្នេះពិតមែនទេ?
សម្រាប់មនុស្សមួយចំនួន ពួកគេមិនគិតដូច្នេះឡើយ ។ ជាក់ស្តែងមនុស្សត្រូវការលុយ ដើម្បីផ្គត់ផ្គង់តម្រូវការចាំបាច់ក្នុងការរស់នៅ និងក្នុងការសម្រេចក្តីសុបិនផ្សេងៗ ។ ប៉ុន្តែការរកលុយមិនគួរជាគោលដៅតែមួយក្នុងជីវិតរបស់មនុស្សទេ ព្រោះតែមូលហេតុខាងក្រោមនេះ ៖
១. លុយគ្រាន់តែជាមធ្យោបាយក្នុងការសម្រេចគោលដៅផ្សេងប៉ុណ្ណោះ ៖
ពេលដែលមនុស្សចង់មានលុយរាប់លានដុល្លារក្នុងធនាគារ ពួកគេមិនមែនចង់បានតែលុយទេ តែអ្វីដែលពួកគេអាចយកលុយទៅទិញ ។ លុយមិនដែលជាគោលដៅចុងក្រោយរបស់មនុស្សទេ ។ មនុស្សត្រូវការលុយ ដើម្បីសម្រេចគោលដៅផ្សេងៗក្នុងជីវិតរបស់ខ្លួនដូចជាសម្ភារៈ ឬបទពិសោធន៍ ។
ដូច្នេះមនុស្សមិនគួរផ្តោតស្មារតី និងកម្លាំងតែលើការររកលុយទេ តែខិតខំរកវិធីប្រើប្រាស់លុយដែលអាចនាំយកសុភមង្គលមកវិញ ។
២. លុយមិនអាចទិញពេលវេលាទេ ៖
មនុស្សអាចបាត់បង់ជីវិតដែលខ្លួនបានខិតខំកសាងក្នុងមួយរំពេចភ្នែក ។ ទោះជាគោលដៅក្នុងជីវិតមានសារៈសំខាន់ប៉ុនណាក៏វាមិនគួរហាមឃាត់អ្នកមិនឲ្យផ្តោតស្មារតីលើបច្ចុប្បន្នកាលដែរ ។ ការកំណត់ការរស់នៅដោយសប្បាយរីករាយក្នុងពេលបច្ចុប្បន្នក៏អាចជាគោលដៅមួយដែរ ព្រោះអ្នកមិនចាំបាច់រង់ចាំរហូតដល់អ្នកជានាយកប្រតិបត្តិ ឬអ្នកមានទើបអាចមានសុភមង្គលបានទាំងស្រុងទេ ។
ដោយហេតុដូចនេះ ទើបអ្នកត្រូវមើលថែសុខភាព និងមនុស្សជុំវិញខ្លួនឲ្យបានប្រុងប្រយ័ត្នមុននឹងអ្នកបាត់បង់វា ដើម្បីសម្រេចគោលដៅនៅថ្ងៃអនាគត ។
៣. លុយមិនអាចទិញកម្លាំងអ្នកមកវិញទេ
នៅពេលដែលអ្នកផ្តោតស្មារតីតែលើការរកលុយ អ្នកមានហានិភ័យខ្ពស់ក្នុងការលះបង់សុខភាព និងសុភមង្គលរបស់ខ្លួន ដែលអាចធ្វើឲ្យអ្នកបរាជ័យក្នុងការសម្រេចគោលដៅដទៃក្នុងជីវិតរបស់អ្នក ។
មនុស្សត្រូវការគោលដៅផ្សេងទៀតក្នុងជីវិតក្រៅពីលុយ ដើម្បីអនុញ្ញាតឲ្យខ្លួនដកដង្ហើមបានស្រួល និងទទួលបានសុភមង្គលក្នុងជីវិត ដូចជាគោលដៅក្នុងការរក្សាសុខភាព ឬរាងកាយមាំមួន និងគោលដៅក្នុងគ្រួសារផ្សេងៗជាដើម ៕ ដកស្រង់ចេញពីវេបសាយ ៖ entrepreneur
ចែករំលែកព័តមាននេះ