ភ្លៀងផង ផ្គរន្ទះ និងខ្យល់ផង ធ្វើឲ្យខ្ទេចអស់ផ្ទះ១ខ្នង
- កណ្តាល
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា នៅវេលាម៉ោង១៦និង២០នាទីល្ងាចម្សិលមិញ ថ្ងៃទី០៥ ខែមិថុនា ឆ្នាំ២០២០ មានភ្លៀងធ្លាក់លាយឡំ និងខ្យល់ ព្រមទាំងផ្គរន្ទះ…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា នៅវេលាម៉ោង១៦និង២០នាទីល្ងាចម្សិលមិញ ថ្ងៃទី០៥ ខែមិថុនា ឆ្នាំ២០២០ មានភ្លៀងធ្លាក់លាយឡំ និងខ្យល់ ព្រមទាំងផ្គរន្ទះ…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា នៅវេលាម៉ោង១៦និង២០នាទីល្ងាចម្សិលមិញ ថ្ងៃទី០៥ ខែមិថុនា ឆ្នាំ២០២០ មានភ្លៀងធ្លាក់លាយឡំ និងខ្យល់ ព្រមទាំងផ្គរន្ទះ បណ្តាលឲ្យមានរន្ទះបាញ់ត្រូវចំផ្ទះប្រជាពលរដ្ឋចំនួនន០១ខ្នង មានទីតាំងនៅភូមិតាពេជ ឃុំឈ្វាំង ស្រុកពញាឮ ខេត្តកណ្តាល ដែលសង់អំពីឈើប្រក់ស័ង្កសីមានទំហំទទឹង៥ម៉ែត្រ បណ្តោយ៧ម៉ែត្រ ឆេះខូចខាតអស់ទាំងស្រុង ប៉ុន្តែមិនបណ្តាលឲ្យមានគ្រោះថ្នាក់ដល់ម្ចាស់ផ្ទះឡើយ ។ នេះបើយោងតាមផេកក្រសួងធនធានទឹក និងឧតុនិយមបានចេញផ្សាយនាព្រឹកថ្ងៃទី០៦ ខែមិថុនា ឆ្នាំ២០២០ នេះ ។
សូមបញ្ជាក់ ៖ ក្រសួងធនធានទឹក និងឧតុនិយមបានប្រកាសថា ចាប់ពីថ្ងៃទី០៣ ដល់ថ្ងៃទី ០៩ ខែមិថុនា ឆ្នាំ២០២០ នៅកម្ពុជាភ្លៀងបន្តធ្លាក់ពីខ្សោយទៅបង្គួរ ហើយសូមប្រជាពលរដ្ឋត្រូវប្រុងប្រយ័ត្នចំពោះបាតុភូតផ្គរ រន្ទះ ខ្យល់កន្ត្រាក់ផងដែរ ។
ក្រសួងក៏បានអំពាវនាវសូមបងប្អូនប្រជាពលរដ្ឋ ប្រុងប្រយ័ត្នចំពោះបាតុភូតផ្គរ រន្ទះ ខ្យល់កន្ត្រាក់ ដែលនឹងអាចបន្តកើតមាន ជាពិសេសតំបន់វាលទំនាប តំបន់ជួរភ្នំដងរែក និងខ្ពង់រាបឦសាន ៕
ចែករំលែកព័តមាននេះ