ស្រាវជ្រាវ ៖ បច្ចេកវិទ្យារបស់ក្រុមហ៊ុនអាលីបាបា (Alibaba) ត្រូវបានគេយល់ថា នឹងអាចជួយឲ្យរកឃើញការ រលាកសួតដោយកូវីដ-១៩ តែក្នុងរយៈពេល១នាទីក្នុង រូបភាពស្គេនCT។ ជាមួយនឹងភាពអស្ចារ្យនេះ មន្ទីរពេទ្យ ជប៉ុន មានបំណងចង់យកបច្ចេកវិទ្យាAI របស់ក្រុមហ៊ុនអាលីបានេះទៅប្រើនៅតាមមន្ទីរពេទ្យជប៉ុន ដើម្បីជួយដល់ ការពិនិត្យ និងព្យាបាលកូវីដ-១៩។
សារព័ត៌មាននីកេ ជប៉ុនរាយការណ៍ថា ការប្រើប្រាស់បច្ចេកវិទ្យានេះ នឹងបង្កើតប្រព័ន្ធ ធ្វើរោគវិនិច្ឆ័យដែលអាចកំណត់អត្តសញ្ញាណជំងឺរលាកសួត ដោយសារ កូវីដ-១៩ ក្នុងការស្គេនរូបភាព។ បច្ចេកវិទ្យានេះកំពុងរង់ចាំការយល់ព្រមពីក្រសួងសុខាភិបាលរបស់ជប៉ុន មុនពេលដែលវាត្រូវយកទៅប្រើនៅមន្ទីរពេទ្យជប៉ុន។ ផែនការនេះគឺដើម្បីផ្គត់ផ្គង់ប្រព័ន្ធដល់មន្ទីរពេទ្យនៅប្រទេស ជប៉ុន ដោយពង្រីកដល់ទីតាំងរាប់រយកន្លែងនៅទីបំផុត។
បច្ចេកវិទ្យានេះត្រូវបានប្រើនៅតាមមន្ទីរពេទ្យនានាដូចជា នៅក្រុងសៀងហៃ និងក្រុងវូហានប្រទេសចិនរួចហើយ។ វាអាចកំណត់អត្តសញ្ញាណកូវីដ-១៩ ក្នុងរយៈ ពេលប្រហែល ២០វិនាទី ពោលគឺត្រឹមតែមួយភាគ៦០ នៃពេលវេលាដែលវេជ្ជបណ្ឌិតចំណាយពេល។ វាអាចធ្វើរោគវិនិច្ឆ័យបានត្រឹមត្រូវប្រហែល៩០% ឬលើសនេះ៕ ដោយ ៖ សហការី
ចែករំលែកព័តមាននេះ