ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា វេជ្ជបណ្ឌិតនៅវូហានម្នាក់ បានទទួលមរណភាពហើយ បន្ទាប់ពីការតស៊ូរស់នៅព្យាបាលក្នុងមន្ទីរពេទ្យអស់រយៈពេលជាច្រើនខែ ចាប់ផ្តើមនៅពេលដែលគាត់ឆ្លងជំងឺកូវីដ១៩ ពេលដែលកំពុងធ្វើការក្នុងមន្ទីរពេទ្យ។…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា វេជ្ជបណ្ឌិតនៅវូហានម្នាក់ បានទទួលមរណភាពហើយ បន្ទាប់ពីការតស៊ូរស់នៅព្យាបាលក្នុងមន្ទីរពេទ្យអស់រយៈពេលជាច្រើនខែ ចាប់ផ្តើមនៅពេលដែលគាត់ឆ្លងជំងឺកូវីដ១៩ ពេលដែលកំពុងធ្វើការក្នុងមន្ទីរពេទ្យ។
លោកវេជ្ជបណ្ឌិតឯកទេសផ្លូវទឹកម៉ូត្រ Hu Weifeng នៅមន្ទីរពេទ្យកណ្តាលនៃទីក្រុងវូហាន បានឆ្លងជំងឺកូវីដ១៩ កាលពីខែមករា ខណៈពេលដែលគាត់កំពុងព្យាបាលអ្នកជំងឺក្នុងពេលកំពុងមានការផ្ទុះឡើងជាច្រើនករណី។
ស្ថានភាពរបស់វេជ្ជបណ្ឌិតអាយុ៤២ឆ្នាំនេះ បានប្រែទៅជាធ្ងន់ធ្ងរទៅៗ ដែលលោកត្រូវប្រើប្រាស់ឧបករណ៍ជំនួសដង្ហើមជីវិត។ លោកក៏បានប្រែសម្បុរស្បែកទៅជាពណ៌ត្នោត ដោយសារតែមានការខូចខាតទៅលើថ្លើម។
មិត្តរួមការងារម្នាក់ទៀតរបស់លោក គឺលោកវេជ្ជបណ្ឌិត Yi Fan ក៏មានសញ្ញាស្រដៀងនេះដែរ។ កាលពីខែមីនា ស្ថានភាពជំងឺរបស់អ្នកទាំងពីរ ត្រូវបានធ្វើឱ្យប្រជាជាតិទាំងមូលមានការព្រួយបារម្ភ។
បើទោះបីជាលោកវេជ្ជបណ្ឌិត Hu បានរួចពីមរណាដោយសារការដាច់សរសៃឈាមខួរក្បាល កាលពីថ្ងៃទី២២ ខែមេសាក៏ដោយ តែនៅថ្ងៃទី២៩ ខែឧសភា កន្លងមកនេះ លោកក៏ធ្លាក់ខ្លួនឈឺធ្ងន់ម្តងទៀត។ លុះនៅព្រឹកថ្ងៃអង្គារ៍ ទី០២ ខែមិថុនា ម្សិលមិញនេះ អាជ្ញាធរសុខាភិបាលបានប្រកាសថា ទីបំផុតគាត់បានទទួលមរណភាពហើយ បន្ទាប់ពីការខិតខំប្រឹងប្រែងទទួលការព្យាបាលអស់ពេលជាង៤ខែ ដោយសារតែជំងឺកូវីដ១៩។
គួររំលឹកថា ៖ ករណីចម្លែក! គ្រូពេទ្យ២នាក់ដែលធ្លាក់ខ្លួនឈឺកូវីដ១៩ ប្រែសម្បុរទៅជាងងឹត ៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ