ប្រទេសចិន ៖ ប្រព័ន្ធផ្សព្វផ្សាយចិនថ្មីៗនេះបានរាយការណ៍ពីករណីរបស់វេជ្ជបណ្ឌិត២នាក់ ដែលបានឆ្លងវីរុសកូវីដ១៩នេះ ខណៈពេលកំពុងព្យាបាលអ្នកជំងឺ និងពេលនេះមានការប្រែប្រួលពណ៌សម្បុរទៅជាងងឹត។ វេជ្ជបណ្ឌិត Yi Fan និងវេជ្ជបណ្ឌិត…
ប្រទេសចិន ៖ ប្រព័ន្ធផ្សព្វផ្សាយចិនថ្មីៗនេះបានរាយការណ៍ពីករណីរបស់វេជ្ជបណ្ឌិត២នាក់ ដែលបានឆ្លងវីរុសកូវីដ១៩នេះ ខណៈពេលកំពុងព្យាបាលអ្នកជំងឺ និងពេលនេះមានការប្រែប្រួលពណ៌សម្បុរទៅជាងងឹត។
វេជ្ជបណ្ឌិត Yi Fan និងវេជ្ជបណ្ឌិត Hu Weifeng ដែលទាំងពីរនាក់មានអាយុ៤២ឆ្នាំដូចគ្នា បានឆ្លងវីរុសកូវីដ១៩ កាលពីខែមករា ខណៈពេលកំពុងព្យាបាលអ្នកជំងឺនៅមន្ទីរពេទ្យកណ្តាល Wuhan។
ពួកគេជាសហសេវិករបស់វេជ្ជបណ្ឌិត Li Wenliang ដែលជាអ្នកប្រាប់គ្រប់គ្នាឱ្យដឹងពីការផ្ទុះកូវីដ១៩ជាលើកដំបូង។ វេជ្ជបណ្ឌិតទាំង២នាក់បានចំណាយពេលជាងមួយខែស្នាក់នៅមន្ទីរពេទ្យ ដើម្បីព្យាបាលជំងឺដ៏កាចសាហាវនេះ។
នៅក្នុងវីដេអូ ដែលផ្សាយចេញពី Beijing Satellite TV អ្នកមើលមានការភ្ញាក់ផ្អើលយ៉ាងខ្លាំងដែលបានឃើញរូបពីមុន និងរូបក្រោយ ពីបានឆ្លងជំងឺកូវីដ១៩របស់គ្រូពេទ្យទាំងពីរនាក់។ កាលពីមុនមានសម្បុរ.ស តែក្រោយពីឈឺ ស្រាប់តែឡើងសម្បុរខ្មៅវិញ។
គួរបញ្ជាក់ផងដែរថា គេសង្ស័យថា មានថ្នាំមួយក្នុងចំណោមថ្នាំដែលគេប្រើប្រាស់ក្នុងការព្យាបាល អាចធ្វើឱ្យមានការប្រែប្រួលពណ៌សម្បុរ៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ