ខេត្តត្បូងឃ្មុំ ៖ សូមប្រយ័ត្នផងបងប្អូន នាថ្ងៃទី៣០ ខែឧសភា ឆ្នាំ២០២០ មានភ្លៀងធ្លាក់លាយឡំខ្យល់កន្ត្រាក់ផងនោះបានបណ្តាលឲ្យខូចខាតផ្ទះប្រជាពលរដ្ឋចំនួន ១៧ខ្នង ដោយក្នុងនោះខូចខាតខ្លាំងចំនួន០៦ខ្នង និងរន្ទះបាញ់ស្លាប់គោ០១ក្បាល ដែលមានទីតាំងនៅភូមិឈូក និងភូមិរួមវិញ ស្ថិតនៅក្នុងឃុំឈូក របស់ស្រុកក្រូចឆ្មារ ខេត្តត្បូងឃ្មុំ តែមិនមានគ្រោះថ្នាក់ដល់ប្រជាពលរដ្ឋទេ ។ នេះបើយោងតាមផេកក្រសួងធនធានទឹក និងឧតុនិយមចេញផ្សាយកាលពីព្រឹកថ្ងៃទី៣១ ខែឧសភា ឆ្នាំ២០២០នេះ ។
សូមបញ្ជាក់ ៖ ក្រសួងធនធានទឹក និងឧតុនិយមបានអំពាវនាវដល់ប្រជាពលរដ្ឋទាំងអស់ប្រយ័ត្នខ្ពស់ ចំពោះបាតុភូតផ្គររន្ទះខ្យល់កន្ត្រាក់ និងភ្លៀងធ្លាក់ខ្លាំងចាប់ពីថ្ងៃទី27 ខែឧសភា ដល់ថ្ងៃទី2 ខែមិថុនា ឆ្នាំ 2020 ខាងមុខនេះ ៕
ចែករំលែកព័តមាននេះ