៣ ជំនាញ​ទំនាក់ទំនង​ដែល​អាជីវករ​គ្រប់​រូប​ត្រូវ​តែ​មាន


ការ​ទំនាក់ទំនង​មាន​សារៈសំខាន់​ណាស់​ទាំង​ក្នុង​អាជីវកម្ម និង​ការងារ ហើយ​មនុស្ស​ដែល​មាន​ជំនាញ​នេះ​ច្បាស់លាស់​ភាគច្រើន​ជា​មនុស្ស​ដែល​ជោគជ័យ​ក្នុង​កិច្ចការ​របស់​ខ្លួន ។ ប៉ុន្តែ​សាលារៀន​មិន​ដែល​បង្រៀន​ពី​ជំនាញ​ក្នុង​ការ​ទាក់ទង​ដល់​សិស្សានុសិស្ស​ឡើយ​មិន​ថា​ពី​ការ​ស្តាប់ ការ​បញ្ចេញ​គំនិត ការ​ប្រឈម​មុខ​នឹង​ការ​បដិសេធ ឬ​ការ​ប្រឈម​មុខ​នឹង​គំនិត​អវិជ្ជមាន​ទេ ។ប្រសិនបើ​អ្នក​ចង់​ក្លាយជា​អាជីវករ​ដែល​ជោគជ័យ អ្នក​ត្រូវ​ដឹង និង​រៀន​ពី​ជំនាញ​ក្នុង​ការ​ទំនាក់ទំនង​សំខាន់​ៗ​ខាងក្រោម​នេះ ៖

១. មើល​ការ​ព្រួយបារម្ភ​ជា​ការ​រំភើប
វេជ្ជបណ្ឌិត អេ​មី ខាត់​ឌី (Amy Cuddy) ដែល​ជា​សាស្ត្រាចារ្យ​នៅ​សាកលវិទ្យាល័យ Harvard បាន​ឲ្យ​ដឹង​ថា ការ​ផ្លាស់​ប្តូរ​និយម​ន័យ​អារម្មណ៍​ដែល​មនុស្ស​មាន ដូច​ជា​ប្តូរ​អារម្មណ៍​ព្រួយបារម្ភ​ទៅ​ជា​ការ​រំភើបចិត្ត មនុស្ស​អាច​ផ្លាស់​ប្តូរ​ផ្លូវ​អារម្មណ៍ និង​សតិ​ដែល​អាច​ធ្វើ​ឲ្យ​ពួក​គេ​កាន់តែ​ជោគជ័យ​ពេល​ដែល​ធ្វើការ​ក្រោម​សម្ពាធ ។

២. យកចិត្តទុកដាក់​ស្តាប់
មនុស្ស​ភាគច្រើន​តែងតែ​គិត​ថា​ខ្លួន​កំពុង​តែ​យកចិត្តទុកដាក់​ស្តាប់​អ្នក​ដទៃ​និយាយ​ទាំង​ដែល​ខ្លួន​កំពុង​តែ​បដិសេធ​នឹង​គំនិត​របស់​អ្នក​ដទៃ ប្រៀបធៀប​ឬ​វាយតម្លៃ ព្យាយាម​រក​ចំណុច​ខ្វះខាត គិត​ពី​ការ​ឆ្លើយ​តប​បន្ទាប់​របស់​អ្នក ឬ​ព្យាយាម​ស្តាប់​តែ​អ្វី​ដែល​ខ្លួន​ចង់​ស្តាប់​ជាដើម ។បញ្ហា​នៃ​ការ​ធ្វើ​ដូច្នេះ​គឺ​វា​មិន​មាន​ផ្តល់​អត្ថប្រយោជន៍​អ្វី​ឡើយ​ដល់​អ្នក និង​ដល់​ភាគី​ម្ខាង​ទៀត ហើយ​វា​អាច​បង្ក​នូវ​ការ​យល់​ច្រឡំ​ដែល​អាច​ប៉ះពាល់​ដល់​ការងារ​របស់​អ្នកផង​ដែរ ។

៣. យកចិត្តទុកដាក់​លើ​អ្វី​ដែល​អ្នក​និយាយ និង​ការ​បញ្ចេញមតិ​របស់​អ្នក
មាន​តែ ៧% នៃ​ការ​ទំនាក់ទំនង​ប៉ុណ្ណោះ​ដែល​ចេញពី​ការ​និយាយ​ផ្ទាល់មាត់ ខណៈ​ដែល ៣៥% ទៀត​គឺ​ចេញពី​ការ​បញ្ចេញ និង​លើកដាក់​សម្លេង​របស់​អ្នក ។ ហើយ​ការ​លើកដាក់​សម្លេង​របស់​អ្នក​អាច​បង្ក​នូវ​ការ​យល់​ច្រឡំ​ប្រសិនបើ​អ្នក​មិន​ប្រុង​ប្រយ័ត្ន ។

ជា​ទូទៅ អ្នក​គួរតែ​មាន​ជំនឿ​ចិត្ត​លើ​ខ្លួនឯង និយាយ​ឲ្យ​បាន​ច្បាស់ និង​មួយ​ៗ រក្សា​ជំហរ​ខ្លួន​ឲ្យ​បាន​រឹង​ប៉ឺង និង​កុំ​ភ័យ​ខ្លាច​ក្នុង​ការ​ប្រើ​កាយវិការ​ពេល​ដែល​បញ្ចេញមតិ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ