រាជធានីភ្នំពេញ៖ ប្រធានមន្ទីរទេសចរណ៍ខេត្តឧត្តមានជ័យបានឱ្យដឹងថា តំបន់ទេសចរណ៍ រួមនិងការផ្តល់សេវាកម្មផ្សេងទៀតនៅក្នុងខេត្តទទួលបានការចាប់អារម្មណ៍ច្រើនពីភ្ញៀវទេសចរក្នុងស្រុកច្រើនជាងភ្ញៀវទេសចរបរទេស ខណៈពេលខេត្តមួយនេះសម្បូរទៅដោយ តំបន់ទេសចរណ៍បែបធម្មជាតិ វប្បធម៌ និងមានប្រាសាទបុរាណ ព្រមទាំងតំបន់ប្រវត្តិសា ស្ត្រ។
លោកស្រី ធិននី មុន្នីរស្មី ប្រធានមន្ទីរទេសចរណ៍ខេត្តឧត្តមានជ័យមានប្រសាសន៍ ក្នុងសន្និសីទសារព័ត៌ស្តីពីវឌ្ឍនៈភាព និងទិសដៅការងារបន្តរបស់រដ្ឋបាលខេត្តឧត្តមាន ជ័យកាលពីថ្ងៃទី ១៩ខែឧសភាមកនេះថា ខេត្តឧត្តមានជ័យ ទាក់ទងនិងភោជនីយដ្ឋាន យើងមាន ៣៤ កន្លែង ប៉ុន្តែភោជនីយដ្ឋានទាំងអស់នេះភាគច្រើនយើងបម្រើភ្ញៀវក្នុងស្រុក គឺយើងទទួលបានភ្ញៀវទេសចរស្រុកច្រើនជាងភ្ញៀវទេសចរអន្តរជាតិ ។
លោកស្រី បញ្ជាក់ថា «ចំនួនភ្ញៀវទេសចរក្នុងស្រុកនៅឆ្នាំ ២០១៩ កន្លងទៅនេះ គាត់បានធ្វើដំណើរកម្សាន្តមកខេត្តឧត្តមានជ័យយើងនេះមានជាង ១៨ ម៉ឺននាក់ ចំណែក ភ្ញៀវទេសចរអន្តរជាតិមានជាង ៥.០០០ នាក់ ។ កន្លងមកយើងមិនបានរំពឹងទៅលើភ្ញៀវ ទេសចរអន្តរជាតិមកធ្វើការកម្សាន្តនោះទេ ភាគច្រើន គឺយើងពឹងផ្អែកទៅលើភ្ញៀវក្នុងស្រុក ដោយសារខេត្តឧត្តមានជ័យជាខេត្តមួយសម្រាប់ការធ្វើដំណើរឆ្លងកាត់ ។ អ៊ីចឹងទៅធ្វើឱ្យ ភ្ញៀវក្នុងស្រុកធ្វើដំណើរកម្សាន្តបានច្រើន» ។
ទន្ទឹមតំបន់ទេសចរណ៍ក៏ដូចជាកន្លែងផ្សេងទៀតមានចាប់អារម្មណ៍ពីភ្ញៀវក្នុងស្រុកច្រើនជាងបរទេស ហើយបើតាមប្រធានមន្ទីរទេសចរណ៍ឱ្យដឹងថា ខេត្តមួយនេះមានតំបន់ ទេសចរណ៍ចំនួន ៣១ កន្លែងមានទាំងតំបន់ទេសចរណ៍បែបធម្មជាតិ, វប្បធម៌, ប្រាសាទ បុរាណ និងតំបន់ប្រវត្តិសាស្ត្រ ។
លោកស្រីប្រធានមន្ទីរទេសចរណ៍មានប្រសាសន៍ថា «កន្លងមកខេត្តឧត្តមានជ័យ យើងពិតមានសក្តានុពលច្រើន ក៏ប៉ុន្តែយើងបានកំណត់គោលដៅទាំង ៣១ ដែលភ្ញៀវទេ សចរអាចធ្វើដំណើរកម្សាន្តបាន ។ នៅក្នុងនោះតំបន់ធម្មជាតិ ៧ កន្លែង, តំបន់ប្រវត្តិ សាស្ត្រអន្លង់វែង របស់របបខ្មែរក្រហមចុងក្រោយ គឺយើងមានចំនួន ១៤ កន្លែង, តំបន់ ប្រាង្គប្រាសាទមានជាង ១០ កន្លែង ។ លើសពីនេះនៅមានតំបន់ប្រាសាទបុរាណមានជាង ១៤០ កន្លែង នេះមានន័យថាជាតំបន់មិនទាន់មានហេដ្ឋារចនាសម្ពន្ធផ្លូវថ្នល់អាចឱ្យយើង ធ្វើដំណើរទៅដល់ ។
ដោយឡែកពាក់ព័ន្ធសេវាកម្មនៅក្នុងខេត្តឧត្តមានជ័យយើង គឺមាន សណ្ឋាគារមាន ៥ កន្លែង ក្នុងនោះមានផ្ទះសំណាក់មាន ៣៧ កន្លែង និងភោជនីយដ្ឋាននិង អាហារដ្ឋាន ៣៤ កន្លែង និងសេវាកម្មកម្សាន្តយើងមាន ២៤ កន្លែង ។លោកស្រីលើកឡើងថា កន្លងទៅយើងបានលើកទឹកចិត្តដល់វិនិយោគិនជាច្រើន ក្នុងការអភិវឌ្ឍក៏ដូចជាមកចាប់អារម្មណ៍អភិវឌ្ឍន៍នៅខេត្តឧត្តមានជ័យ ។ ពិសេសការវិ និយោគនៅក្នុងការងារសេវាកម្មទេសចរណ៍ ដោយសារតែកន្លងមកវិនិយោគមួយចំនួនមិន ទាន់ចាប់អារម្មណ៍លើការផ្តល់សេវាកម្មទេសចរណ៍ ។
លោក ប៉ែន កុសល្យ អភិបាលនៃគណៈអភិបាលខេត្តឧត្តមានជ័យមានប្រសាសន៍ ថា «បច្ចុប្បន្ននេះខ្ញុំកំពុងអភិវឌ្ឍន៍នៅទីរួមខេត្ត ដើម្បីជាសក្តានុពលរបស់ខេត្តមួយនេះ ។ ការអភិវឌ្ឍបឹងស្នោនៅមុខសាលាខេត្តមានទំហំជាង ៧០ ហិកតាបូកនិងបឹងផ្សេងមួយ ទៀតជិត ១០០ ហិកតា ហើយការកែប្រែមុខមាត់ខេត្តនេះ គឺដើម្បីទទួលភ្ញៀវទេសចរ» ៕
ចែករំលែកព័តមាននេះ