ខេត្តស្វាយរៀង ៖ ប្រជាពលរដ្ឋក្នុងសហគមន៍មានការព្រួយបារម្ភបាត់បង់ដីព្រៃសហគមន៍ព្រៃចំការកូនគគីរ ដែលជាស្នាព្រះហស្ថសម្តេចព្រះនរោត្តម សីហនុ ព្រះបរមរតនៈកោដ្ឋ មានព្រះរាជហឫទ័យដឹកនាំមន្ត្រីរាជការ និងប្រជារាស្ត្រខេត្តស្វាយរៀង ធ្វើរុក្ខទិវាដាំឈើចំការកូនគគីរលើផ្ទៃដីជាង១ពាន់ហិកតា សម្រាប់ប្រជារាស្ត្រព្រះអង្គនៃស្រុកចន្ទ្រា…
ខេត្តស្វាយរៀង ៖ ប្រជាពលរដ្ឋក្នុងសហគមន៍មានការព្រួយបារម្ភបាត់បង់ដីព្រៃសហគមន៍ព្រៃចំការកូនគគីរ ដែលជាស្នាព្រះហស្ថសម្តេចព្រះនរោត្តម សីហនុ ព្រះបរមរតនៈកោដ្ឋ មានព្រះរាជហឫទ័យដឹកនាំមន្ត្រីរាជការ និងប្រជារាស្ត្រខេត្តស្វាយរៀង ធ្វើរុក្ខទិវាដាំឈើចំការកូនគគីរលើផ្ទៃដីជាង១ពាន់ហិកតា សម្រាប់ប្រជារាស្ត្រព្រះអង្គនៃស្រុកចន្ទ្រា ខេត្តស្វាយរៀង បច្ចុប្បន្នក្រុងបាវិត។
ដោយប៉ុន្មានខែចុងក្រោយនេះ មានអ្នកចូលចាប់ដី សង់ផ្ទះ បោះបង្គោល បោះតម្រុយយកដី និងកាប់ដើមឈើធម្មជាតិលក់អស់ជាង២០ហិកតា ដោយប្រជាពលរដ្ឋដាក់ការសង្ស័យថា លោកប្រធានសហគមន៍ព្រៃឈើ ព្រៃចំការកូនគគីរ ឃុបឃិតគ្នាលក់អនុផលព្រៃឈើឲ្យឈ្មួញ និងបែងចែកដីគ្នាជាមួយមេៗ។
ករណីប្រជាពលរដ្ឋមានការព្រួយបារម្ភនេះ បានឲ្យអ្នកសារព័ត៌មានបានដឹងនៅព្រឹកថ្ងៃទី១៨ ខែឧសភានេះ នៅព្រៃចំការកូនគគីរ ស្ថិតនៅភូមិត្រពាំងផ្លុង សង្កាត់បាទីក្រុងបាវិត។ បើតាមប្រជាពលរដ្ឋលើកឡើងថា ព្រៃសហគមន៍ព្រៃចំការកូនគគីរនេះ រៀបចំគ្រប់គ្រងដោយអង្គការសន្តិសេនា ដោយបានសុំច្បាប់អនុញ្ញាតិបង្កើតសហគមន៍ព្រៃឈើ ដើម្បីការពារ និងអភិរក្សព្រៃឈើ ព្រៃចំការកូនគគីរនេះជាសម្បត្តិរបស់រដ្ឋ ជាពិសេសថែរក្សាស្នាព្រះហស្ថសម្តេចព្រះនរោត្តម សីហនុ ព្រះបរមរតនកោដ្ឋ ឲ្យគង់វង្សជាប្រវត្តិសាស្ត្រសម្រាប់ក្មេងជំនាន់ក្រោយបានស្គាល់ និងចេះស្រឡាញ់ដើមឈើ និងបរិស្ថាន។
ទាក់ទិនករណីនេះដែរ លោក អ៊ិច សារាន ប្រធានកម្មវិធី អង្គការសន្តិសេនា បានប្រាប់តាមទូរស័ព្ទនៅថ្ងៃទី១៩ ឧសភានេះថា ចំពោះសហគមន៍ព្រៃឈើ ព្រៃកូនគគីរនេះ អង្គការសន្តិសេនា គ្រាន់តែជាអ្នកសម្របសម្រួល ជួយផ្នែកបច្ចេកទេស រៀបចំបង្កើតសហគមន៍ និងជួយអន្តរាគមន៍សុំច្បាប់អនុញ្ញាតិពីអាជ្ញាធរក្រុងខេត្ត និងទៅក្រសួងកសិកម្មបានចុះកិច្ចព្រមព្រៀងប្រគល់ដីព្រៃឲ្យសហគមន៍គ្រប់គ្រងមានចំនួន៤០៤ហិកតា។ ហើយនៅឆ្នាំ២០១៧ លោកអភិបាលក្រុងបាវិត បានសុំទៅអភិបាលខេត្តស្វាយរៀង សុំដីព្រៃសហគមន៍ចំនួន២៦ហិកតា ដើម្បីធ្វើទីលានញែកសំរាម និងអាងទឹក ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ